أُحبك مُنذ الصِغر...بقلم : فاطمة محمد

Part 13

وصلوا جميعا إلى المشفى..وكادوا يصلون إلى غرفة تلك الفتاة حتى سمعوا صوت بكائها العالى..أشفقت (جميلة) عليها جدا..وأسرعت فى خطواتها إلى غرفة الفتاة..بينما حزن (فهد) حزنا شديدا ..و (وليد)  كان شاردا فى جميع مع حدث ويفكر فى ماذا سيحدث ؟؟ لاحظوا خروج الطبيب من الغرفة..

الطبيب بسرعة وحزن : ها لقيتوا حد من أهلها ؟؟ 

جميلة ردت بسرعة : دكتور أنا هحاول أهديها ..صحيح مقربلهاش بس أنا وهى بنات زى بعض..يمكن تحكيلى..ويمكن تعيط فى حضنى وساعتها هترتاح..ينفع أدخلها صح ؟؟

أعجب الجميع بردها وطيبتها خاصة هو .نعم إنه (وليد) ..

أسرع الطبيب بالرد : طبعا يا بنتى وشكرا على تعبك..فعلا شكلكوا كلكوا ولاد حلال..متقربلهاش وعاوزة تخففى حزنها..!! اتفضلى خشيلها يا بنتى..إحنا مدينهاش حقنة مهدئة لأنها تقريبا بدأت تاخد على الوضع..بس هى دلوقتى بتعيط فى صمت.

حزنت (جميلة) جدا عليها..وبالفعل شكرت الطبيب وكادت أن تدخل إلى الغرفة فلحق بها الصديقين..

جميلة بحزن : لا أرجوكم خليكوا برة هنا..عشان لو عاوزة تحكيلى تحكى بدون خجل..تحكى براحتها يعنى..

وليد بغموض : ما هى كدة كدة حتى لو دخلنا مش هتشفناولا هتحس بينا..ولا نسيتى !؟

جميلة بغضب : وهو عشان مبقتش تشوف نستغل ده ؟؟  مهو ممكن أى حد يكون مكانها وأكيد محدش يحب إن حد يتنصت عليه حتى لو انتو معاه فى نفس الأوضة بس ده ميمنعش حالته وإنه كفيف..أنا هدخل لوحدى ومحدش يخش ورايا..

غضبت (جميلة) جدا من كلام (وليد) ..فهو بهذا يستغل عجز غيره..هل أصبح قاسيا حقا كما أخبرها عندما كان محجوزا فى السجن ؟؟ بينما (وليد) أعجب بها أكثر..نعم فهو طرح هذه الكلمات الغبية كى يرى ردة فعلها ليس إلا..وقد أعجبه ردها كثيرا..بينما (فهد) إنتبه لكلمة "كفيف" ..لا يصدق حتى الآن أن هناك فتاة فقدت نظرها بسببه !؟ دخلت (جميلة) الغرفة ووجدت الفتاة تبكى بكاء يمزق القلب..أرادت إحداث صوت كى لا تفزع الفتاة..

جميلة بشبه إبتسامة : السلام عليكم ورحمة الله وبركاته..

إنتبهت الفتاة لها..من هذه فهى لا تعرف صوتها ؟؟ 

الفتاة بضعف  : انتى مين..وتعرفينى منين ؟؟

جميلة بإبتسامة : مش تردى السلام الأول يا قمر انت..

الفتاة بشبه إبتسامة سخرية وحزن شديد :  قمر..ماخلاص..ما بقاش فيه قمر خلاص..

جميلة وهى تجلس بجانبها وتربت على يدها : مين المتخلف اللى قال كدة..انتى قمر الله اكبر عليكى..

الفتاة بشبح إبتسامة : شكلك كيوتة ..اسمك ايه..؟؟

جميلة بضحكة بسيطة  : أنا كيوتة..الله يكرم أصلك يا بنتى..(قالتها بصوت سيدة عجوزة)..انا اسمى (جميلة) وانتى ؟؟