ماطبت من حبه ولاطاب طاريه

بارت1

الساعه6:38الصبح
قعدت مريم بحلم غريب وبنفس الوقت يخوف تعوذت من ابليس وراحت الحمام تغسل وخذت لها شاور سريع وطلعت وصلت الفجر ولبست لبسها وحطت لها ميكب خفيف ونزلت تحت
مريم:صباح الخير يما
فاطمه:صباح النور حبيبتي ها تبين تتريقين؟
مريم:لا يما بمر باخذ دلال وبنتريق وبنروح الجامعه
فاطمه: زين يما انتبهي لنفسج بس ماراح تتاخرون؟
مريم:لا يما المحاضره9:15والحين7:22يمدي
فاطمه:زين يما انتبهي لنفسج وبدزلج فلوس اذا ماعندج
حبت راس امها وطلعت ومرت دلال
دلال:السلام عليكم
مريم:وعليكم السلام ليش تأخرتي ؟
دلال:شسوي قعدت متأخر
مريم:يلا ماعليه
دلال:مريم ؟
مريم:هلا
دلال:شفيه ويهج معتفس جذي؟
مريم:ها لالا ولاشي
دلال:اكيد؟
مريم:اي اكيد
دلال:تمام
مريم توترت من سؤال دلال وتريقو وخلصو وطلعو ووصلو الجامعه الساعه8:50
مريم:دلال امشي ناخذ قهوه
دلال:مااقول لا
راحو وخذو قهوه وقعدو بطاوله وصارت الساعه9:05
مريم:دلال يلا قومي عن نتاخر على المحاضره مالي خلق للدكتور
دلال:يلا
ووصلو الكلاس وقعدو ودش الدكتور اخذ الحضور وبدا يشرح

                             بالامارات
الساعه7:10
عبدالله قعد من النوم من اتصالات من حمد
عبدالله:هلا حمد
حمد:انا تحت اترياك
عبدالله:يالله نسيت اتريا البس واييك
حمد:يلا سلام
عبدالله قام ودش اخذ شاور سريع وطلع لبس ونزل تحت بسرعه
حمدان:شو فيك بسم الله
عبدالله:سلام عليكم
حمدان+روضه:وعليكم السلام
روضه:عبدالله شوفيك؟
عبدالله:ماشي يلا سلام
حمدان:شو فيه
روضه:خلاص لاتحاتي اهو قالك مافيه شي
حمدان:غريب صاير
عبدالله ركب سيارة حمد
حمد:شوفيك تاخرت؟
عبدالله:كنت نايم
حمد:انزين شوفيه ويهك جي   
عبدالله:مااعرف
حمد:كيف ماتعرف ؟
عبدالله:يمكن عشاني متحلم حلم غريب
حمد:مافي شي غريب غيرك
عبدالله:بسك عاد
حمد:انزين قوله ؟
عبدالله:لا
حمد:استغفرالله ترا كله حلم
عبدالله:خلاص اسكت صدعت راسي
سكت حمد ووصلو لمطعم نزلو يتريقون وقعدو شوي وعبدالله وضعه غريب قاعد يفكر ومايرد ع حمد
حمد:عبود شو فيك كل ها عشان حلم ؟
عبدالله:...
حمد:عبدالله؟ اكلمك رد
عبدالله....
حمد طق ايده وكلمه
عبدالله:ها شوفيك
حمد:تستهبل؟من اليوم اسولف لك وانت ساكت تفكر بهالحلم السخيف؟؟؟
عبدالله:منو قال لك حلم سخيف؟ومحد قال لك سولف لي
حمد:انزين قول لي
عبدالله:حمد مب مشكلة حلم لا
حمد:عيل شو؟
عبدالله:مااعرف شو فيني بالضبط
حمد:شوفيك
عبدالله: صارلي فتره اراقب حساب ....
حمد:حساب؟؟؟منو ؟؟؟
عبدالله:....
حمد:لايكون ؟
عبدالله: هيه
حمد:تستهبل؟؟؟؟
عبدالله لا
حمد:قلت لك انساها ماسمعت كلامي
عبدالله:...
حمد:عبدالله لاترجع تكلمها وانت تحب غيرها
عبدالله:بس
حمد:لابس ولاغيره اقولك لاترجع تكلمها
عبدالله:اشتقت لها
حمد:لاتجذب مااشتقت لها
عبدالله مااروم ياحمد مااروم عيزت اطلعها من بالي هذا وانا احب غيرها
حمد:خلاص هاي مشاعر قديمه ادفنها
عبدالله:تمام

                              بالكويت
مريم ودلال طلعو من المحاضره وراحو قعدو بستاربكس ينطرون المحاضره الثانيه تبدا
مريم:دلال
دلال:هلا
مريم:احس بشعور غريب مااعرف اوصفه
دلال:شلون يعني؟
مريم:مشاعر شوق مشاعر متلخبطه
دلال:مريم!
مريم:خلاص زين

نرجع لقبل4سنين
مريم نزلت ستوري انستا ورد عليها واحد وتعرفو ع بعض الي اهو عبدالله بس صار شي وصار فراقهم مع البارتات راح تعرفون قصتهم

نرجع لعبدالله وحمد
عبدالله:حمد تحس اكلمها؟
حمد:لا
عبدالله:ليش
حمد:وتسأل بعد؟ خلاص ترا انت قريب وتتزوج انساها
عبدالله تنهد وقال تمام
فجاه تلفون عبدالله يدق شاف الا مهره الي بتصير خطيبته قريب
مهره:هلا وينك
عبدالله:ماشي بس يالس مع حمد بمطعم
مهره:متى تكلم ابوي؟
عبدالله:ان شاء الله افاتح امي وابوي واقولج متى نيي نخطب رسمي
مهره:انرين شوفيه صوتك؟
عبدالله:ها لالالاماشي
مهره:امم تمام

تعريف بسيط عن مهره ( عمرها20تحب التصوير والطلعات وتنطر عبدالله يخطبها )

عبدالله:يلا سلام انتبهي لنفسج
مهره:تمام وانت بعد انتبه لنفسك

نرد لمريم ودلال

مريم:يلا الساعه11:15باقي شوي وتبدا المحاضره
دلال:ياخي شفيج انتي امبيه اقعدي خل نسولف خل تولي المحاضره باجر نشتغل بشركة يدنا
مريم:قومي بس
دلال:اف اف اف زين
مريم:استغفرالله بس ههههه
دلال:لاتضحكين
مريم:ههههههههه
دلال:استغفرالله بس
مريم ياخي شكلج يضحك وانتي معصبه ههههههه
دلال:بس
مريم:ان شاء الله
مريم مسكت فونها ودشت تويتر وغردت

على الهون ياجرح المفارق وضيق البال
على الهون يا همٍ سطا بي و قدرته

أعزك لو إنك جرح ومجاهدك قتال
وروضت جسمي لأجل سقمك وصبرته

لجل من ملك قلبي من الجال لين الجال
وفكيت له بابٍ عن الناس ، سكرته

وحطيت له عن شمس قيظ الغرام ظلالّ
و شيدت له بيتٍ بـ قلبي وعمرته

خلصو المحاضره وردت البيت مريم
مريم:سلام عليكم
فاطمه+محمد:وعليكم السلام
محمد:هلا هلا ببنتي الحلوه تعالي قعدي يمي
مريم:السموحه بروح البس وبنام
محمد:ماتبين تتغدين؟
مريم:لا
فاطمه:تعالي تغدي مايصير ماما
مريم:خلاص تمام بتغدا وياكم
راحت لبست ونزلت لهم
محمد:شلون الدوام؟
مريم:زين بس شوي تعب
محمد:اي عاد شدي حيلج
فاطمه:ماودج تشتغلين بشركة يدج؟
مريم:لايما ماودي ابي اصير دكتوره
محمد:خلاص دام تبين كيفج يابنتي
مريم:الحمدلله
محمد+فاطمه بالعافيه
مريم:يعافيكم
محمد:شفيها؟
فاطمه:ماادري من قعدت واهي جذي
محمد:الله يستر
راحت مريم دشت الغرفه صورت ستريك ودزت ونامت

شنو تتوقعون الي صار بين مريم وعبدالله؟وشنو تتوقعون الحلم؟وشنو قصة مهره؟
اذا ماشفت في تفاعل راح اوقف👍🏻