الساعه1:30 قعدت مريم ونفسيتها شوي مو اوكيه تسبحت وصلت ونزلت تتريق احمد شافها وياها
احمد:ليش قعدتي متأخر
مريم:تعبانه
احمد:تمام ترا دلال خذت السياره وطلعت الجمعيه تشتري لها اكل تبين اقولها تييب لج شي
مريم:لا
احمد:مريم شفيج ويهج معتفس فيج شي
مريم:احمد عادي تخليني شوي
احمد:شلون اخليج وانتي جذي مااقدر
مريم:احمد الله يخليك خلني لحالي
احمد:اذا خلصتي من الريوق وين بتروحين الغرفه؟ولا تتمشين برا
مريم:بتمشى عند البحر شوي
احمد:مريم شفيج متضايقه
مريم ترقع الموضوع:اشتقت للكويت ولامي وابوي
احمد بضحك:هذا الي مضايقج
مريم ودموعها تنزل:احمد مايضحك
احمد عطاها كلنكس تمسح دموعها:احمد مايهون علي اشوف دموعج مسحيها ولاعاد اشوفها مره ثانيه واهلج والكويت باجر تشوفينهم
مريم: ان شاء الله
مريم:الحمدلله
احمد:بالعافيه
مريم:يعافيك
راحت مريم للبحر وصورته انستا وستريك وغردت تويتر
ما انكر اني في بحر حبك غريق
ولاهويت من البشر شخصن سواك
دشت انستا وشافت حمد مكلمها
حمد:السلام عليكم
مريم:وعليكم السلام
حمد:شحالج
مريم:بخير
حمد:ابا اقولج شي
مريم:تفضل
حمد:عبود الاسبوع الياي بيخطب مهره
مريم:ربي يوفقهم ويتمم لهم ع خير
حمد:مريم
مريم:هلا
حمد:للحين تحبينه
مريم:ليش تسأل
حمد:مجرد فضول
مريم:اي بس خلاص بتزوج وبيتزوج يعني ماله داعي يكون حبه باقي بقلبي
حمد:ليش مارجعتو يوم كلمج واعتذر لج
مريم:شلون اعذره والخطايا خطاياه وفوق هذا خاييني وفضلها علي ولا فكر يسأل عني الا يوم شافني بدبي صدفه بعد يعني توه يصحى ضميره اسفه مااقدر ارجع له حتى لو ترك مهره ولو مهره وياه ماراح ارجع
حمد:ليش
مريم:ماارضى وحده تكون مع واحد يحب له ثنتين ولا ارضاها ع بنت الناس يقص عليها انه يحبها واهو يكلم غيرها ماارضى
حمد:صح بس مااعتقد عبدالله يسويها
مريم:اوك
حمد:شو
مريم:مافي شي
حمد:متى تردين الكويت
مريم:باجر ان شاء الله
حمد: ان شاء الله توصلون بالسلامه
مريم:الله يسلمك
حمد:مريم مب مرتاح لمهره
مريم:حمد
حمد:هلا
مريم:مهره كلمتني
حمد:ليش شو تبا
مريم:لاتقول لعبدالله انها كلمتني
حمد:ليش
مريم:هددتني اني ابعد عنه ولا يصير شي يخلي قلبي يحترق عليه
حمد:خليها ماتقدر تسوي شي
مريم:الصج خايفه عليه منها
حمد:لالا ها بس كلام مستحيل تسوي جي اهي تحب عبود
مريم:تمام
حمد:يلا مع السلامه
مريم:باي
طلعت مريم من الانستا وكانت صوب البحر وتتمشى وفجاه دقت فاطمه
فاطمه:هلا باللي سافرت ونست اهلها
مريم:مانسيتكم ادق ماتردين
فاطمه:شنو اسوي نايمه وانتي ماتدقين الا وقت نومي
مريم:ايي حتى انا ماتدقين علي الا وقت نومي او يوم اكون طالعه بس وين ابوي اشتقت له
فاطمه:يسمعج
محمد:هلااا بحبية ابوهاا
مريم:يباا اشتقتلكك
محمد:وانا بعد يلا متى ترجعيين اشتقت لج ولحسج بالبيت مليت وانا انطرج
مريم:يلا هانت بقى يوم
قعدو يسولفون ويسألون وين راحت وجذي سكرت مريم ودشت سناب وشافت في اضافه من بنت وقبلت
مريم: منو
البنت:افاا نسيتيني
مريم:منو!!
البنت:انا اليازيه
مريم:اليازيه منو
اليازيه:اخت عبدالله
مريم:اها هلا حبيبتي
اليازيه:مريمم اشتقتلج وينج اختفيتي موعشان قطعتي علاقتج مع اخوي تقطعينها وياي
مريم:انتي الي اختفيتي وضيعت حساباتج المهم شلونج
اليازيه:بخير وانتي
مريم:الحمدلله
اليازيه:وينج
مريم:بدبي
اليازيه:صدققق
مريم:اييي
اليازيه:بشوفج تكفين
مريم:باجر برد الكويت وماادري بشوف اذا كنت فاضيه نشوف بعض
اليازيه:تبين نشوف بعض بمجمع ولا ببيتنا
مريم:لالا شنو ببيتكم بجمع اذا كنتي فاضيه اليوم
اليازيه:تمام بشووف اذا اقدر ان شاء الله اقدر
مريم: ان شاء الله
ملاحظه
( مريم واليازيه علاقتهم حيل حلوه وقراب حيل من بعض بس عشان مريم تركت عبدالله و ضيعت حساب اليازيه واليازيه حيل تحب مريم اكثر من مهره علاقة مهره واليازيه سطحيه )
أنت تقرأ
ماطبت من حبه ولاطاب طاريه
General Fictionروايه كويتيه واماراتيه اول روايه اكتبها ان شاء الله تعجبكم ملاحظه : بعض الاحداث والشخصيات حقيقيين ❌مااحل اي احد ياخذ القصه وينسبها له❌ اذا شفت مافي تفاعل راح اوقف👍🏻
