ماطبت من حبه ولاطاب طاريه

بارت8

الساعه12:55قعدت مريم وتسبحت وصلت وقعدت ع فونها وقعدت دلال
مريم:ااف ابي اسوي تان
دلال:لاتخليني اصكج ع ويهج تستعبطين صح
مريم:ليش
دلال/شتااااا مووو صيفف
مريم:احس بخاطري
دلال:لاتتهورين وامشي نتريق
نزلو تريقو وخلصو ودقو ع احمد وشافوه قاعد بطاوله يتريق راحو عنده
مريم + دلال:سلام عليكم
احمد:وعليكم السلام هلا توكم تقعدون
مريم:لا منزمان بس تونا ننزل نتريق
احمد:اها بالعافيه
مريم:دلال:يعافيك
اخذو ريوق واكلو وخلصو
احمد:ها وين نطلع اليوم ؟
مريم: img
احمد:تمام يلا روحو لبسو
دلال:تستعبط تو الناس الساعه3:56
احمد:خلاص نروح الساعه6:30
مريم:تمام

                              عند عبدالله
2:43
قعد عبدالله ع صوت حمد واهو يقعدهم
عبدالله:شوفيك انت خلنا نرقد
حمد:قوم
سعود:خلااص سكر الليت بنام
حمد:تستهبل انت وياه قومو
عبدالله:ابي اناامم خلني
حمد:والله انادي عمي حمدان
عبدالله وسعود فزو ع طول
حمد بضحك:تخاافوون هاا ؟
عبدالله + سعود : لاا
حمد:زين قومو
قامو وغسلو ويههم وتريقو
حمدان دش عليهم
حمدان:السلام عليكم
عبدالله + حمد + سعود:وعليكم السلام
قامو وسلمو عليه
حمدان:اقول ياعيال
عبدالله + حمد + سعود:لبيه
حمدان:ماودكم نروح هالاسبوع للمزرعه
عبدالله:ابوي خلها فالعطله احسن
حمدان:اسكت انت ماارمسك ارمس العيال
عبدالله:يعني انا مب ريال
حمدان:اسكت خلاص
عبدالله:مااقدر اقولك شي ابوي
حمدان:لا اضربني
عبدالله:السموحه
حمد:والله ياعمي انا شوري مثل شور عبود
حمدان:اسكت انت بعد ارمس سعود
سعود:عمي انا شوري من شور عبود وحمود
حمدان:اسكتو كلكم ارمس اخواني احسن ليش اخذ رأييكم
عبدالله:انت متى تبي واحنا وياك
حمدان:هيييه ها ولدي الي ربيته عدل
عبدالله:متى بس ونقول تم
حمدان:اليوم
حمد:بس ياعمي ماجهزنا اغراضنا
حمدان:نسير نيلس فالميلس وباجر نبات كلنا
حمد:يعني نجهز اغراضنا اليوم ونحرك باجر
حمدان:هيه
سعود:انا اقول لابوي وارد لك خبر
حمدان يقلده:تستهبل انت يعني ابوك بيمشي ع رمستك وبعدين ويا اعمامك مامن خوف عليك وعمرك17بعد سنتين بنزوجك خلاص كبرت وعبود هالشهر بزوجه
حمد:عمي كليت الولد شوي شوي عليه
حمدان:اسكت انت بعد بزوجك هالشهر
عبدالله:ابوي انا ماافكر بالزواج
حمدان:عيل متى بتفكر
عبدالله:...
حمدان:وفالخاطر وحده ؟ قول لي ازوجك ياها لو ارفضو اهلها بعد عبدالله بن حمدان بن **** ال***** خاطبها وترفض ؟!
عبدالله:مافي احد فخاطري
سعود وحمد يغمزون لعبود
حمدان:هييييييه تغمزون له ؟ ماعليه كلها جم يوم واعرف منو الي ماخذه قلب ولدي
سعود:لالا عمي محد ماخذه تطمن
حمدان:هييه واضح
قام حمدان وطلع
عبدالله:انربط لساني ماعرفت شو اقولل
حمد:كنت بقول اسم مهره عشان تتزوجها ونتفتك منك ومن حلطمتك
عبدالله:صدق ياعيال انا فكرت بكلامكم
سعود:متى
عبدالله:هالاسبوع وقبل لاانام يلست افكر بكلامكم وقررت اخطب مهره وابدا حياه يديده وصفحه يديده بعيده عن مريم وطواريها وطيوفها
حمد:صدق عبود
عبدالله:هيه وقررت انسى مريم وابتعد عن دروبها
سعود:هيه خلك جي من باعك بيعه
عبدالله ابتسم