ماطبت من حبه ولاطاب طاريه

بارت6

قعدت مريم وغسلت ويهها وصلت وقعدت تشوف بفونها وشافت ان دلال مكلمتها وردت عليها
دلال:مرييمم
مريم:هلا شفيج
دلال:تطلعين ويانا
مريم:وين
دلال360
مريم:متى
دلال:عالساعه7ونص جذي
مريم:تمام
نزلت مريم تحت وبلغت امها انها بتطلع وتريقت وشربت قهوتها وقام تسولف مع امها وتسألها عن احمد
فاطمه:غريبه تسألين عنه
مريم:لا اسأل يعني زين اهو
فاطمه:اي ماتعرفينه انتي
مريم:لا لانه دايم يطلع ف مااشوفه ولا اكلمه ونادر ييي المناسبات
فاطمه:اي دايم مع ربعه
مريم:يما يعني لو تزوجني بتكونين راضيه ويعني متطمنه اني عنده
فاطمه:اي لان مافي مثله ولا مثل حنية قلبه
فاطمه:الله يوفقج ويرزقج الي يصونج
مريم:ان شاء الله
قامت مريم وصعدت غرفتها وحست برراااحه بس للحين موعارفه شلون تقول لاحمد
مريم:دلال
دلال:هلا
مريم:احس ودي اسافر دبي
دلال:عادي روحي
مريم:بس ابيج وياي
دلال:امم متى تبين نروح
مريم:نروح الاربعا لان ماراح يكون عندنا محاضره الخميس ونرد المغرب الاحد
دلال:ماشاءالله ماتحسين بتعب يعني
مريم:ماادري بس اذا تبين نرد السبت الفجر
دلال:لا خلاص خل نرد مغرب الاحد احسن
مريم:تمام بحجز لي ولج
دلال: على خير ان شاء الله
كلمت امها وابوها وقالو ماعندهم مانع وهم دلال بلغت اهلها وماعندهم مانع بس احمد قرو يروح وياهم ودلال دقت ع مريم
دلال:مرييم
مريم:هلا
دلال:اهلي راضيين بس احمد يبي ايي
مريم:اءاءا تمام خلاص عادي
دلال:تمام حجزي ولا اخلي احمد يحجز لنا
مريم:لا خليه يحجز مالي خلق احجز
دلال:تمام بقوله
مريم:يلا سي يو
سكرت مريم والطياره كانت باجر يعني مافي وقت ف قامت بسرعه حطت اغراضها وقررو مايطلعون عشان لايتاخرون على الطياره خلصت مريم من اغراضها وحطتهم بالجنطه وودت الجنطه تحت وصعدت غرفتها ودشت تسبحت وخلصت ولبست بجامه وسوت شعرها ويفي وتمكيجت ولبست وتعطرت ولبست اكسسوارتها ودقت عليها دلال تبلغها انهم بالطريج قالت مريم تمام انا جاهزه نزلت مريم تحت ولقت اهلها
مريم:بتفقدوني
محمد:وااايد
فاطمه:ودنا نيي بس ابوج مايقدر عنده شغل بس ماعليه بالعطله نروح مع بعض لندن
محمد: ان شاء الله
مريم حبت راس امها وابوها وسلمت عليهم ودقت دلال وطلعت مريم وركبت السياره
مريم:السلام عليكم
احمد+دلال:وعليكم السلام
احمد:مريم شلونج
مريم:بخير الحمدلله وانت
احمد:الحمدلله بخير
شغل احمد اغنية حديث العيون - راشد الماجد وكان يطالع مريم ووصلو المطار وبعد ساعتين من تواجدهم طارت الطياره
                               بالامارات
قعد عبدالله واخذ شاور سريع وصلى وقعد بغرفته مسك فونه وكلم حمد
عبدالله:حمد
حمد رد بعد10دقايق
حمد:هلا نشيت
عبدالله:هيه
حمد:شوتبا
عبدالله:مااعرف ابا اطلع اغير جو احسني مخنوق
حمد:تبا نسير بوظبي والله ياانه بيي جدولل
عبدالله:لا مالي بوظبي مشوار ومالي خلق
حمد:عيل وين تبا
عبدالله:خلنا فدبي احسن
حمد:ع راحتك
عبدالله:بس احس ودي اطلع بس مااعرف وينن
حمد:خلاص نطلع لكوفي وبعدها نسير دبي مول ولا جيمرا
عبدالله:خل نسير دبي مول وبعدها نسير البحر
حمد:تمام
نزل عبدالله تحت وسلم ع اهله وقعد واليازيه تسولف له
اليازيه:اقولك شفت عواش شو سوت
عبدالله؛اقسم بالله انا مب بنت
اليازيه:اسكت واسمع
عبدالله:هيه شو سوت عواش
اليازيه:تخيل سارت بوظبي ولاقالت لي
عبدالله:عادي
اليازيه:لاا وبعد فطوم يوم شفتها فالعرس ماسلمت علي
عبدالله:امييي تعالي شلي بنتج صدعت راسي
اليازيه:عبود شوفيك يالسه اسولف تراني
عبدالله:هاي سوالف بنات مب سوالف اخت مع اخوها احترميني شوي حسي اني ولد مب بنت
اليازيه:زين شورايك تطلعني اليوم
عبدالله:مب فاضي
اليازيه:ليش ان شاء الله
عبدالله:بطلع مع حمود
اليازيه:كليوم تطلع وياه وكل يوم مع بعض ماتملون
عبدالله:لا
اليازيه:اف امي
روضه واهي يايه:ها شوفيكم صدعتو راسيي جنكم يهال كل شوي امي امي امي
عبدالله:السموحه امي
اليازيه:مب انا عبود
روضه:شو سوا عبود
اليازيه:ها مااعرف
روضه:شوي شوي عليه تراه تعبان وتوه طالع من المستشفى
اليازيه:هيييه الدلع كله له مب لي
روضه:خلي ابوج يدلعج ها حبيبي ولدي سندي مالي غيره
حمدان واهو ياي من بعيد:ها الي اخذ الحب كله؟
عبدالله:هيه انا
روضه لعبدالله:فديتكك ولديي حبيبي
حمدان:بنتي حبيبتيي
اليازيه:ابوووي حبيبييي احلى ابوو بالدنيا
عبدالله يقلدها:احلى ابو بالدنييياا
روضه تضحك عليهم
حمدان:لا كلكم احبكم
روضه: انا بعد احبكم كلكم
عبدالله:عبالي ماتحبوني
روضه:منو مايحبك
عبدالله....
اليازيه:انا
روضه:سكتي بس اخوج اكيد تحبينه
عبدالله:هيه منو يطلعها غيري
اليازيه:جذاب من شوي قلت لك طلعني قلت بتسير مع حمد
عبدالله:شو راييج تتزوجينه
اليازيه:يععع ماابيه
عبدالله يضحك
روضه:لا بنتي ماتاخذ من الي يصيرون لها
حمدان:ليش شو فيه ولد اخوي
روضه:مافيه شي بس خفيف ومستفز ومااعرف ع شو شايف عمره
عبدالله:لا امي لاتقولين جي عن حمود والله انه اطيب قلب
حمدان:اسكت اسكت بس انت وياه عندكم بلاوي خاشيينها علينا بس ماعليه مع الوقت رااح نعرف
عبدالله:ع طاري حمد عن اذنكم بسير البس واروح له
حمدان+روضه+اليازيه:تمام
راح عبدالله يلبس وركب سيارته وراح لحمد
حمد:ليش ياي بسيارتك جان قلت لي اييك
عبدالله:لا هالمره نروح بسيارتي
حمد:تمام
قعدو بالدوانيه يسولفون
                                بالمطار
مريم:ااهخخ اخيرا وصلناا دبي اشتقت لهاا
دلال:ايي والله منزمانن مايينا
احمد:بعد سنه ها
مريم + دلال: هيه
احمد بضحك:اقوى من البلوتوث
مريم:يلاا تبون ناخذ اوبر ونروح نأجر لنا سياره
احمد:ع قولة اهل الامارات هيه
مريم:تمام تبون نمر ع شقتنا ولا نقعد بفندق احسن
دلال:احسن فندق عالاقل خدمه في بالشقه لا احنا الي ننظف وانا صراحه مالي خلق
احمد:صح احسن فندق
مريم: ع راحتكم
راحو خذو اوبر ووراحو الفندق اخذو غرفتين احمد لحاله ومريم ودلال مع بعض اتمنى فهمتو قصدي
ركبو الاصنصير
احمد:انتو اي غرفه
مريم:113
احمد:عيل قراب انا116
دلال:احلى شي قراب
راحو الغرف حطو اغراضهم واحمد دق ع دلال
احمد:تبون ترتاحون ولا نطلع ؟
دلال واهي تسأل مريم
مريم:من صجج انتي انا بطلع اسفه ماراح اقعد
دلال واهي تكلم احمد:بنطلع
احمد:يلا تعالو اللوبي
دلال:تمام
طلعو وصادفو بعض ونزلو مع بعض
احمد:تبون نروح دبي مول؟
مريم:اوكي بسس يتعببب
احمد:اعتبري نفسج بالافنيو
مريم:تمام نتعشى بجميرا
دلال:كيفكم بس اهم شي نطلع
احمد:يلا خلاص الحين ناخذ اوبر وناخذ سياره
دلال:جي كلاس؟
احمد:تمام
قعدو باللوبي وطلبو اوبر ونطروه يوصل وصل الاوبر وطلعو له ركبو السياره وراحو يأجرون سياره أجرو سياره الي اهي جي كلاس ركبو وراحو دبي مول بنفس الوقت عبدالله وحمد طلعو وراحو دبي مول ووصلو وقعدو يتمشون ومريم قالت تبي فان كليف ودشت المحل تشتري قلاده وسواره وخاتم وياها احمد
احمد:ماودج اشتري لج الدبله ونخلص
مريم بحيى:بعدين
احمد:صج ماتبين الحين ولا تبين دبلتج من كارتير
مريم بحيى:مااعرف
سكت احمد وراح وقالت دلال تبي تروح كارتير راحو وبنفس الوقت حمد يبي كارتير ف تتوقعون بيرحون لنفس المحل؟ ولا
عبدالله:حمد خل تروح كارتير الي يم فان كليف
حمد:اوف بعيد خل نروح للقريب احسن
عبدالله:تمام
راحو للقريب وخذا احمد الي يبيه وطلع
قعدو شوي يتمشون ومريم قالت بتروح ستاربكس تاخذ قهوه وراحت وخذت واهم هم خذو وقعدو بطاوله يترتاحون ويشربون قهوتهم خلصو وقامو يتسوقون وطلعو برا لبرج خليفه وصورو وحمد وعبدالله نفس الشي طلعو يصورونه عبدالله لمح مريم من بعيد وسحب حمد وقرب يتأكد اهي ولا
حمد:اهي صح
عبدالله:مااعرف بشوف ويت ستورياتها انستا شاف ان مريم مصوره بالمطار وبالطياره ويوم وصلو دبي وبرج خليفه ابتسم وقال مصوره برج خليفه قبل3دقايق اهي ونزلت صوره ووراها برج خليفه وشكلها كله امبين وعرف عبدالله ان اهي وابتسم
حمد:شو فيك مستانس
عبدالله:كيف مااستأنس
مريم لمحت عبدالله من بعيد وعبدالله ابتسم لها وابتسمت وعطته ظهرها
مريم:دلولللل
دلال:هاا شفييج
مريم:تخيلي منو شفت
دلال:منو
مريم:عبدالله
دلال:صججج وينه
مريم:وراناا
دلال:شيبي ويع خل يذلف ولا اخلي احمد يطقه
مريم بضحك: تخيلت
دشت مريم تويتر وغردت