ماطبت من حبه ولاطاب طاريه

بارت10

الساعه1:22قعدو مريم ودلال ومريم تسبحت وهالمره ماحطت مكياج عشان بشرتها ونزلت تريقت اهي ودلال وقالهم احمد يخلصون بسرعه عشان يطلعون من الفندق ويروحون المطار
مريم:دلولل ماشفتي جنطتي الصغيره؟
دلال:لا دوريها بالصاله
مريم:افف
دلال:ليش شفيها
مريم:جوازي واغراضي
دلال:زين نطري ادور وياج
دورت دلال ولقت الجنطه ع فراش مريم ونادتها
دلال:هذااا شنوو
مريم:من كثر مااني مدوده ماشفتها
دلال:يلا زين اخذيها وخل ننزل
مريم:تمام
خذو اغراضهم وقعدو باللوبي ونطرو احمد يخلص من الاجرائات ونطرو شوي وطلعو
احمد:يلا انا بودي السياره وبناخذ اوبر
مريم:ليش ماتدق عليهم تقولهم بنروح فيها المطار وخل احد من الي يشتغلون ايي ياخذها مننا
دلال:صح احسن
احمد:تمام بقولهم
كلمهم احمد وشاف حجز الطياره وشاف انهم دازيين ان الطياره بتتأخر بدال لاتطير6:15تطير8:45ف قالت مريم بتكلم عبدالله
مريم دشت ع حمد وكلمته
حمد:هلا
مريم:وين عبدالله
حمد:موجود ليش
مريم:عادي تقوله ايي عندي بالمطار ابي اكلمه
حمد:بس يعني ماتحسين انه بتحز بخاطره ان يوم قرر ينسى كلمتيه
مريم:مايهم اهم شي اكلمه واشوفه
حمد:ليش
مريم:بسرعه حمد تكفى
حمد:زين بقوله
حمد كلم عبدالله
عبدالله:ليش تباني
حمد:مااعرف نسير لها بالمطار ونشوف
عبدالله:زين ( من داخله مستانس )
وصلو المطار ومريم قالت لاحمد ودلال انها بتقعد بستاربكس وانهم يسبقونها ويدشون صالة الانتظار
مريم قعدت بطاوله تنطر ووصل عبدالله
عبدالله:حمد خلني اقعد بالطاوله عندها لحالنا انت خلك بطاوله ثانيه
حمد:ادري
راح عبدالله باتجاه طاولة مريم
عبدالله:شوي متوتر:السلام عليكم
مريم:وعليكم السلام هلا
عبدالله:قلتي تبين تكلميني بموضوع
مريم واهي متوتره ان يشوفها احمد وتلتفت كل شوي:ايي
عبدالله:شو فيج تتلفتين
مريم:ها لالا ولاشي
مريم:عبدالله
عبدالله: هلا ( بخاطره يقول عيونه )
مريم:انت صج بتتزوج
عبدالله:هيه
مريم:انا بعد
عبدالله:وافقتي
مريم:لا اذا وصلنا الكويت بوافق وبقوله
عبدالله: ع طول بتتم ملجتكم
مريم بضحك:لالالا
عبدالله بداخله فديت هالضحكه:عيل شو
مريم:اهو كلمني وسألني اذا انا موافقه عليه قبل لايكلم امه واستحى ان يتقدم لي وارفضه ف كلمني وسألني وعطاني وقت افكر
عبدالله:هييه وانتي الحين حاسه انج مرتاحه
مريم:ايي
عبدالله ابتسم:الله يتمم لكم ع خير
مريم:عبدالله
عبدالله:امري
مريم:شفيك احسك مو ع بعضك واحس في شي تبي تقوله بس ساكت
عبدالله:لا انا بخير وماابا اقول شي
مريم:تمام
سكتو 5دقايق وكان عبدالله يطالع مريم ويوم تشوفه مريم يسوي نفسه مايشوفها ومريم نفس الشي
عبدالله:طول سكوتنا
مريم:اي
ابتسم عبدالله ومسك فونه وغرد تويتر

أعيش حالة حزن لا طـوّل سـكوتـك
سولف على قلبي و رجّـع لـه أفـراحـه

ما يروي احساسي الضامي سوى صوتك
سبحانه اللي جعل في صوتك الراحه