حبايبي بوضح لكم شصار بحياة مريم وعبدالله وباقي الشخصيات🤍
مريم استخارت وارتاحت وملجت ع احمد وتزوجو وتغيرت حياتها للافضل وحبت احمد حييل وصار عندهم تؤام بنت وولد اساميهم ( سيف وفاطمه ) ومستانسين بحياتهم وصارو مهتمين ببعض ومايفارقون بعض دقيقه وحده والله يخليهم لبعض ( ادعو لهم حبايبي🥹 ) الاحدااث وااقعييه
عند عبدالله
عبدالله ملج ع مهره وكان مستانس بس مهره مومستانسه وتزوجو وكانت تصرفاتها موطبيعيه لين بيوم وجع عبدالله للبيت بدون لايقولها وسمعها تكلم احد والي فهمه انه الي تكلمه ولد ودش كلمها بهدوء وكانت متوتره وقالت له ان اهي لعبت بمشاعره واهي ماتحبه واحسن شي صار بحياتها انها فرقت بينه وبين مريم واهي تحب غيره وماتبيه وسألها دام ماتبيني ليش وافقتي وهذا ردها ( ابوي ربيع ابوك وانا صعب اني ارد طلب لابوي وابوي اغصبني اني اوافق عشان لاتخترب علاقته مع ابوك وانا مااحبك ولعبت عليك واسفه بس احب اشوفك تعبان ومتضايق مااحب اشوفك مستانس وابيك تطلقني ) عبدالله انجرح من كلامها وقرر يطلقها واذا سألوه عن السبب يستر عليها ولايقولهم عبدالله كلم مريم ترجع له بس مريم رفضت لان حياتها تهمها الحين وبيتها اهم ماعندها ماتبي تهدم بيتها باايدها وعبدالله للحين مافكر بالزواج ولكن ربي يرزقه ان شاء الله
ملاحظه:مهره حامل وولدت وجابت بنت وعبدالله سماها مريم
عند حمد
حمد الي كانن رافض فكرة الحب بس بيوم شاف اليازيه وانعجب فيها صح انه يشوفها بس هالمره قعد يتأملها وقرر يخطبها ووافق ابوها واهي وافقت وتزوجو والحين بحياه حيل سعيده ومستانسين وجابو ولد وسموه ( عبدالله ) على اخو اليازيه وربيع حمد
عند سعود
سعود هم نفس الشي رافض فكرة الحب بس بعد ماكمل ال21قرر يتزوج وخلى الوالده تخطب له وتزوج وكان منطبق مقولة ( الحب ايي بعد الزواج ) حب زوجته ومقدرها وااايد وزوجته حامل ببنت وبيسمونها ( روضه )
عند سلامه: سلامه تزوجت ولد خالتها حب الطفوله ( سعيد ) وتزوجو وماحملت للحين وعايشين مع بعض ومستانسين ومتفهمين بعض
عند دلال
دلال شافها واحد بالجامعه وياها وبنفس محاضرتها وانعجب فيها وقرر يكلمها وفعلا كلمها بس بالمره الاولى رفضته وطلبت منه انه يبعد عنها ورجع للمره الثانيه ورفضت والثالثه ورفضت وللمره الرابعه وقالت تمام تعرفو ع بعض وقالها بعد 2يوم ابي رقم الوالده اخطبج فعلا خطبها وملجو وللحين ماتزوجو
عند عبدالله ولد خال مريم
عبدالله رفض فكرة ان مريم تتزوج احمد وكان يبيها بس يوم شاف انه خلاص راحت ولاراح ترجع قرر يتخطاها وتزوج بنت خالته ( اسماء ) ملجه بس وللحين ماصار العرس
عند فجر اخت عبدالله
تخرجت من الثانوي ودشت الجامعه تخصص ( حقوق ) ورافضه فكرة انها تتزوج او تحب بس عندها زميل بالجامعه وياها وماندري يمكن يتزوجون🤷🏻♀️بس انها رافضه الفكررره نهائيآ
النهايه🤍
اتمنى عجبتكم الروايه بس صعب صعب اني احط احداث واقعيه واحط خياليه مع انه الروايه اغلب احداثها ( واقعييه )
نقدر نقول ننهي الروايه ؟ 🫣
ولاتبون نكمل على احداث خياليه واقولكم قصة عيال الابطال؟وبعض الشخصيات
أنت تقرأ
ماطبت من حبه ولاطاب طاريه
Fiksi Umumروايه كويتيه واماراتيه اول روايه اكتبها ان شاء الله تعجبكم ملاحظه : بعض الاحداث والشخصيات حقيقيين ❌مااحل اي احد ياخذ القصه وينسبها له❌ اذا شفت مافي تفاعل راح اوقف👍🏻
