#قلب_من_حجر
#عشق_الألفيّ
بقلم/ ساره بكر العزالي
______________________________________
الفصل السادس عشر
يوسف: واحنا في المستشفى قولتي انك قولتي ل ميسون كتير بلاش خلفه و هي صممت غيث و ميسون كانوا عارفين انتي فين
حدقه مليكه به بخوف و قالت: اااااا انا اقصد
الحقني يا يوسف الحقني
نظر يوسف وجد حلم واقفه و قلقانه، نزل من العربيه بسرعه: في اي يا حلم مالك
دمعت حلم و قالت: مراد مراد يا يوسف المفروض كان يجي و مجاش و بكلمه تليفونه مقفول انا خايفه عليه اوي
نزلت مليكه و مسكت يديه و قالت باطمئنان: متقلقيش كده يا حبيبتي هيكون فين ممكن يكون نام و بعدين مش انتي قولتي انه جاي بكره
ضربت حلم مليكه في رجليها: ااااا لا انا كنت مفكره كده بس افتكرت انه قالي هيجي انهارده
زفر يوسف بصوت و قال وهو يغمض عينيه: طيب طيب اطلعي يا حلم و انا هشوف الموضوع دا
طلعت حلم و اخدت مليكه قي يديها
مليكه دخلت الاوضه: ااااااه انتي انقذتيني يا حلم بجد
حلم: عدي الجمايل يا ست اي خدمه
مليكه: لحظه هو مراد كويس
حلم: ااه يختي و البعيده حماره عماله اغمزلك من تحت ل تحت و انتي مش هنا و في الآخر ضربتك
حضنتها مليكه: حقيقي شكراً يا حلم شكراً
بدالتها حلم الحضن لكن خرجت بسرعه و قالت: مراد لازم الحقه بسرعه احسن يوسف يكلمه و يعرف كل حاجه
اتوترت مليكه و حولت حلم تكلم مراد بس كان مشغول: يالهوي تليفونه مشغول اكيد يوسف بيكلمك
اتوترت مليكه بس حولت تطمن نفسها: اكيد مراد هيطلع ذكي و يظبط الحوار
ضحكت حلم بستهزاق و قالت: ههه اتمني بجد
______________________________________
كان مراد نايم لكنه فاق علي صوت الموبيل: اي يا يوسف بتكلمني لي
اتعصب يوسف: انت يا بارد نايم و مراتك عمله هنا مندبه
