قصه [فهد و صغيرته]
قصه كتبت بيد الكاتبه :[زمرد الـﻋلي]
لاتنسون التصويت و تفاعلكم و نشركم علمواقع التواصل
و الابطال حيتابعون التعليقات و اريدكم تتفاعلون بيها
شكرا مقدما الكم
ــــــــــــــــــــــــــــــــــــــــــــــــــــــ
في الصباح
: كعدت ككل يوم عادي والروتين نفسه
طبيت سبحت و طلعت ملابس الدوام و بدلت و نزل صبحت علاهل و لكيت الكل كاعد
فهد : صباح الخير
الكل: صباح النور
ام فهد: يمه تعال تريك كل يوم متتريك ويانا تعال و ماطول كاعد من وكت وصل اختك خطيه يوميه تمشي تتعب
فهد: حاضر يمه ادللي
شمس حضري غراضج و كملي و الحكيني
شمس (اخت فهد) : حاضر خويه
شمس : حضرت غراضي و جنطتي و تريكت و لبست حذائي(تكرمون) و طلعت ورا فهد
وصلي للمدرسه و شفت صديقتي نزلت بسرعه و حضتنها لان يومين مشايفتها و فهد موكف السياره و منتضرني
فهد: شمس جنتج (بنبره حاده)
شمس: هااا ايي ايي اجيت
اخذت الجنطه سئلني
فهد: منو هاي؟
شمس: صديقتي وتين يوسف ويايه بالمدرسه
فهد: اها خوش جيد
فهد: وديت شمس للمدرسه و رحت لشغلي و كعدت اسوي بالاوراق العندي بس صديقه شمس مراحت من بالي استبعدتها
طلعت چكاره و شغلتها و بديت ادخن و اني شارد الذهن كلت
فهد : لازم اعرف صديقه شمس منو و شنو صحت لفراس
فهد: فففرررااااسسس
طك تحيه و دخل
فراس: نعم سيدي
فهد: اكو وحده اسمها (وتين يوسف) اريد كل المعلوات عليها و باسرع وقت
فراس: حاضر سيدي
فهد: طلع فراس و اني ضليت افكر و اسئل نفسي و اجاوب و بعدين كلت خلي استئذن من مدير المركز و اطلع لان تعبان
خلصت الشغل الي عليه و مبقى اي شي بس بقى اعرف منيه وتين
رحت للمدير طكيت تحيه و دخلت
القائد: تفضل
فهد: شلونك سيدي اريد اروح ارتاح لان تعبت و الساعه صارت ب 11 و اريد ارتاح اذا ممكن اطلع للبيت
القائد: روح عقيد فهد انت تعبت هل الشهر ويانا و حتى استراحه اكل م اخذت براحتك و لتجي العصر اذا مخلص شغلك
