قصه [فهد و صغيرته]
قصه كتبت بيد الكاتبه :[زمرد الـﻋلي]
لاتنسون التصويت و تفاعلكم و نشركم علمواقع التواصل
و الابطال حيتابعون التعليقات و اريدكم تتفاعلون بيها
شكرا مقدما الكم
ــــــــــــــــــــــــــــــــــــــــــــــــــــــ
وصلنا للمكان الي حنشتري منه طبعا اهلنا معليهم بالي حنشتري هم عليهم بس الذهب و اني و فهد علينا نشتري المكياج و الفستان و اشياء ثانيه
نزلنا و كلت لشمس تجي ويانا نختار الفستان رحنا للمول اهلنا كعدو يشربون عصير و اني اخذت كهوه لان م احب العصير هوايه اني و شمس و فهد طفر كال هم اريد اني نزلنا شربنا الكهوه و رحنا نشتري صعدنا للطابق الثاني لان بي الفساتين و عجبني فستان يكون مفتوح شوي من ورا و الردن مالته مفتوحات و متصلات من يم الجف مال الايد كلش حبيته و شمس همينه فكتله لفهد
وتين: عمري اكلك هذا حلو عجبني
فهد بابتسامه: شكلتيلي؟ عمري؟
وتين دنكت راسها و كالت
وتين: اي عمري
فهد: ترديني اجرم بيج هنانه و اسويها كدام العالم
وتين: يااا فهد عيب
فهد: شيطفرج مني بالزفه
فهد: اخويه بلا امر عليك خليلي هاي بعلاكه و شكد سعرها
ابو المحل: حاضر سعرها 150 الف
فهد: تمام
وتين: لا رجعه بطلت م اريده غالي حيل
فهد: يرخصلج كلشي حبيبي
وتين: ربي ليحرمني منك
فهد: ولا من عيونج الحلوه
وتين: اكلك شمس وين راحت
فهد: م ادري وين
اندارينا و لكيناها يم الاضافر و المكياج دتشوف بيهم
فهد: هذيج خلي نروح نززها
وتين: يلا
رحنا يمها و كرصناها واحد من اليمنى و الثاني من اليسرى صاحت
شمس: اخخخ يااا شبيكممم
فهد: ديلا بويه اشتريت الفستان و انتي بعدج يم المصخمات هاي
وتين: حبيبي اكلك شنو رايك اخذ اضافر و صبغ لو بس صبغ
فهد: اشوف اديج لا اشتري بس صبغ اضافرج طوال و حلوات بس وكت العرس كصيهن م اريد اتخرمش
وتين: لكك عيب بابا شبيك
فهد: نسيت مو هسه بالسيارة اسولف
شمس: اني هناا
فهد: اسفين عيني يلا يابه اختارن صبغ خلي نروح للاحذيه «وانتو بكرامه» و علمود نروح للذهب
وتين: حبيبي لعد متشتري قاط الك لو شنو
فهد: عندي هواي
وتين: لا بابا اني اشتريلك خلي نروح للقسم الرجال و بعدها نروح للاحذيه حتى معدنا شي
فهد: لخاطرك يحبيبي
وتين بابتسامه:
رحنا للقسم الرجالي و اختاريت اله قاط اسود على زيتوني يخبل و الرباط ساده زيتوني حلو كلتله
وتين: عمري باباتي هذا حلو
فهد: اي والله عاشت ايدج
شمس: بعد ذوقي اني اختاريتلك مره تخبل و ذوقها يخبل
فهد: يحفظجن الي يحنينات
وتين و شمس: و يحفظك النا
بعدها رحنا للاحذيه «و انتم بكرامه» اشتريت الي كعب لونه ابيض و بي ذهبي و طبي اشتريت كلت حتى لا اتعب و لفهد اشترى اسود
رحنا خلصنا شغل و راح فهد يخلي الغراض بالسيارة علمود لا نتعب و احنا رحنا يم اهلنا يم الصايغ و دا يختارون الي كلهن حلوات و عجبني بس لو صغار عليه لو كبار عليه فضليت محتاره فأجهه فهد و اختارلي حلقه و الكل عجبه و عجبتني و اشتراها و اختاريت اله حلقه حلوه ساده بس بيها نقش صغير و هم عجبت الكل و بعدها اشترالي طقم تراجي و سوار و كلاده حلوه حيل الكلاده شلون ورقه الشجر ملزوكات ببعض و السوار كذلك و المحبس همينه نفس الشي يخبل
اختارينا و صار وقت العشى لان احنا طالعين من الساعه ب1 و نص فطولنا هوايه و رحنا علمطعم تعشينا و خلوني اني و فهد بصف بعض و هو ميستحي كل شوي يكرص خصري و اني كوه كاعد خلصنا و طلعنا و فهد قبل لا نروح للبيت راح لاهلي و لاهله مدري شحاجاهم و رجع مبتسم كتله
وتين: شنو سبب هل الابتسامه عمري
فهد: كلتهم اريد اخذ رقمها و حساباتها تتعرف عليه اكثر و هم اتعرف عليها اكثر هسه اخذ الرقم كلولي عادي مريتك بعد صارت بس باجر و هسه حلالك و اخذ الرقم هسه
وتين: جذاب
فهد: وداعت عيونج
وتين: لعد سوق و انطيني مبايلك
و هو ديسوق احنا سولفنا بهل الموضوع و كلي
فهد: تعالي ليمي و اخذي من جيب الستره
فجان اكو ازدحام حيل و اني دا اطلع المبايل من جيبو و هو باسني بس همزين ابونا موجود كدامنا كتله
وتين: ادبسزز هسه متصبر اله تبوسني و كدام شمس شبيك لكك
فهد: انتي حلوه و هسه اني اول مرا ابوسج بستج كبالها و من غمضت عيونها بستج بوسه ام النص ساعه
شمس: ديلا عيني تحرك اني باجر راح اكول لخالتي اكللها خلي فهد شوي يم وتين
فهد: الله يزوجج
شمس: عابتت
و لهنا و نختم البارت
ـــــــــــــــــــــــــــــــــــــــــــــــــ
لا تنسون التصويت و التعليق
💋💋🤍
