قصه [فهد و صغيرته]
قصه كتبت بيد الكاتبه :[زمرد الـﻋلي]
لاتنسون التصويت و تفاعلكم و نشركم علمواقع التواصل
و الابطال حيتابعون التعليقات و اريدكم تتفاعلون بيها
شكرا مقدما الكم
ــــــــــــــــــــــــــــــــــــــــــــــــــــــ
كعدت ثاني يوم متحمسه عزلت الغرفه و رحت ع غرفه فهد شفته نايم و حاضن المخده و بسابع نومه هو دائما يخلي كلاص مي يمه من يكعد يشرب منها المهم شفت كلاص المي اخذته و ذبيته كله عليه كلتله
شمس: صباح الخير عريسنا يوم التحضن مرتك هيج
فهد: من طيح الله حضج امشي اطلعي و علي ابن ابي طالب اكوملج و انهيج
شمس بصياح: يباوووو
و اركض و يركض وراي و يكلي والله اكتلج و هو منكع مي وجهه يضحك نزلت لكيت ابويه و امي كاعدين يشربون كهوه ركضت على بابا و اصيحله ينقذني
شمس: بابا بابا بابا بابا الحكني حيكتلني
فهد: حقي اكتلج لج تعاي
ابو فهد: تعاي بحضني اركضي
طفرت لحضن بابا و كال
فهد: صرتي يمه بعد مكدرلج
شمس: نننننننننن علاساس تكدرلي نننننننننن
فهد: بسيطه اني الج
ضلينا نضحك و نسولف تريكنا و بدلنا علمود العقد و حفله المهر خلصنا و طلعنا و فهد اقترح نجيب وتين ويانا علمود نختار الحلقات و حتى نشتري الفستان مال العقد فكلت الهم
فهد: ليش منجيب وتين ويانا علمود الحلقات ليش نخلينا لاخر شي
شمس: ليش مناخذهم كلهم احنا بسياره و اهلنا بسياره بابا «طبعا هم عدهم سياره بس منريد نزحم عليهم»
ام فهد و ابو فهد: موافقين
خابرت وتين و كلتلها ساعه و نمر الكم
رحنا يمهم و وصلنا
شفت وتين و ماشاء الله عليها طالعه ايه من الجمال لابسه فستان ابيض على سمائي و و لابسه كعب ابيض و اني هم لابسه فستان ابيض على اسود و همينه لابسه كعب و بدون م نتفق ابدا و لا ندري و ثنيناتنه مكياجنا هادئ باوع النا فهد و كال
فهد: متفقات و مكايلاتلي اني الجن
شاور وتين و كال الها
فهد: صبريلي اني الج بيومنا و غمز🌚
اشو وجها صار طماطه من الخجل كرصت فهد و كلت
شمس: لو متفقات جان كلتلك البس فستان و تعال ويانا بس ماكو على كدك
كمنا نضحك اني و وتين فأشرلي بمعنى بسيطه
فصعدنا للسيارات و كتلها اله تكعدين بالصدر يم خطيبج
كعدت بس شكعدت خلت الجنطه بيناتهم و لازكه يم بابا السياره ضحك و كال
فهد: شبيج حبيبي ليش خايفه هاي اذا تزوجنا لمن اشد اديج يلا اكدر اسويها
شمس: يااا ولككك صير ادمي لا و محمد اكول لامي شتحجي وياها
وتين: فهد حباب لتسوي هيج ازعل منك هل الحجي خلي من ننخطب انت كوله اليه
فهد: لخاطر عيونك يحلو مالتي
و باس اديها هي ابتسمت و كلتله
وتين: فهد
فهد: عيونه الاثنين
وتين بابتسامه: احبك
فهد: شنو شكلتي
وتين: احبك
فهد: بويايييي يربيي شنو ربي اليوم خليت امي ترضى عليه فهمنييي
وتين بابتسامه: احبك حبيبي و باسته بخده
فهد: احترك ابوي ع هكلمه بوياايي
خله اديها بايده و باسهن شغل اغاني و يغني وياهن
هل الحجي اني اصورهم و ميدرون ثنينهم تنحنحت و كلت
شمس: ترا اني هنانه
فهد: اوعع منج هسه كون ابوسج كبالها اخليها كلمه متحجي
وتين: فهدد عيب و مو هسه
فهد: لعد يمتى
وتين: بالخطوبه و غمزتله
شمس: احم صورتكم بدون متدرون
فهد: ايباااا دزيها بشرفج
شمس: احترم نفسك لكك لتحجي هيج شريفه اني
فهد: قابل شكلت
باوع لوتين و كال
فهد: كلت شي يروحي
وتين: لا مكلت شي
و نطته بوسه بخده
فهد: شمس غطي وجهج لان حيصير شي ممسموح لغير المرتبطين انو يشوفونه
صارت سياره ابوي كدامنا فنيشوفون شي و طبك السياره على جهه و باسها 🌚💃🏻 و كال
فهد: و اني ليش حبيتج لان عندج اشياء حلوه
و يمسح على شفتها بأيده كلت
شمس بصوت عالي: خلصتوووو مو ختنكت
فهد: ودي منخلص هسه ليش مرحتي وياهم و اني و حبي وحدنا
وتين: ياا غير افطر منك اخاف على نفسي منك
فهد: ششايفتني اسد و اهجم عليج
وتين: اسدي انت غير
فهد: يروحلج فدوهه
طلع اغنيه "انسى نفسك"
يغني وياها و هو صوته حلو
"انسى نفسك بين ايديه خلي عطرك يبقى بيه م اريد الوكت يخلص و عينك بعيده عليه"
و باس ايدينات وتين و كللها
فهد: احبج
و لهنا و نختم البارت
ـــــــــــــــــــــــــــــــــــــــــــــــــ
لا تنسون التصويت و التعليق
💋💋🤍
