قصه [فهد و صغيرته]
قصه كتبت بيد الكاتبه :[زمرد الـﻋلي]
لاتنسون التصويت و تفاعلكم و نشركم علمواقع التواصل
و الابطال حيتابعون التعليقات و اريدكم تتفاعلون بيها
شكرا مقدما الكم
ــــــــــــــــــــــــــــــــــــــــــــــــــــــ
شمس: وين عروسه فهيدان
وتين بابتسامه:
شمس: يلا كومي ودي الضيافه لعمتج حتى تتزوجين بغمزه
وتين: يلا المهم انتي تهلهلين و تركصين
شمس: تعرفيني يلا يلاا
راح ودت الضيافه لامي و كالت الها ماما
ام فهد: اللهم صلِّ على محمد وآل محمد صلاوات محمد شهل الجمال بسم الله ما شاء الله
ام وتين: صليتي على نبيج تفضلي اشربي عصيرج
ام فهد: تسلمين
اني كعدت بصف وتين و كل شوي ادحجها و هي تكرص بيه
فهد
رحنا لبيت ابو وتين و اني كلي حماس كعدنا و جابولنا الضيافه و حجه ابويه
ابو فهد: ابو وتين اخويه العزيز احنا جايك من الباب و جاين على سمعتكم الطيبه و اخلاقكم الحلوه طالبين ايد بنتك المحروسه وتين بنيتي لابني فهد و اتمنى متردنا و تسمعنا ردك
ابو وتين: اهلا وسهلا بيك ابو فهد الغالي و جيتك على العين و على الراس و يشرفني نناسبكم و من طيب اصلك اوافق عليكم و انشالله م اردكم بس اخذ رائي بنيتي لان القرار راجع الها و هي انشالله العايشه وي فهد و انشالله منردكم
راح ابو وتين للممر دك الباب و صاح بنته و حاجاها كال الها
ابو وتين: بنيتي انتي شنو رائيج اني اشوف رائيج يلا اردلهم خبر و هسه احسن اردلهم ليش يتعبون
وتين: بابا اني رائيي من رائيك و بعد بكيفك انت و اني موافقه معندي مشكله بس انت اذا متريد عادي
ابو وتين: الله يبشرج بالخير اني موافق اذا على هل الحجي (صاح بصوت عالي) ام وتين عيني سمعينا الهلاهل
اني بس سمعت هيج كمت ادمع من الفرحه ابويه حضني و كمت اسمع الهلاهل و التباريك و اجه ابوها سلم عليه و على ابويه و كال
ابو وتين: الف مبروك عمي تتهنون
فهد: تسلم عمي
ابو فهد: ابو وتين اخويه احنا شتريد حاضرين و المهر اتفقو عليه و احنا جاهزين
ابو وتين: اشوفهن و اردلكم خبر باجر
ابو فهد: بيها الخير
شوي و رحنا
شمس
اجه ابو وتين و حجى وياها و سمعنا كال ام وتين عيني سمعينا الهلاهل اني كمت هلهلت لمن بلعومي كام يوجعني و امي و ام وتين همينه حيل فرحن و هي دخلت طشيت عليها الجكليت و حضنتها و كتلها
شمس: مبروك عروستنا
وتين: الله يبارك بيج
اتفقوا يمتى نجي نعقد الهم عقد الشيخ و اتفقوا على يوم الخميس يعني يومين و كعدنا شوي و رحنا و احنا بالطريق طكيتهم بهلهوله شكيت اذنهم بيها
فهد: و قز القرط شبيج
شمس: شبيك يعني خطوبتك و م اهلهل لا ممحسوبه علنسوان اذا مهلهل
فهد: فهمنا عود افضحيني بعد
وصلنا للبيت و اني كل شوي ادخل لغرفة فهد و اكله
شمس: عريسنا جكليته حامض حلو باكيته و اهز
اخر شي من اجيته و ادك و اركص شمر ورايه النعال (تكرمون) و كال
فهد: امشي ولي لا و محمد وجهج متشوفينه من الضرب
شمس: اويي و شبيك قاسي ويايه يلا عيني اريد اكلك شي
فهد: لا حول الله شكو شتردين
شمس: حخابر وتين و اسمع صوتها
هو جان كاعد علكرويته اشو هذا صار بالكاع متت ضحك
رحت جبت مبايلي و خابرتها اني عادي اخابرها بأي وقت هي تجاوب و كاعده
مكالمه بين شمس و وتين
شمس: هلو توتي
وتين: هلا حبيبي
شمس: اكلج حبيبي اريد شغله و مريدج ترديني
وتين: من عيوني كولي
شمس: اريدج تحجين وي اخوي و تتعرفين عليه شويه
وتين: معرف متردده
شمس: لا يلا اني وياج لعد شلون بعد يومين و عقدكم
وتين: يلا تمام
فهد: السلام عليكم شلونج وتين
وتين: وعليكم اهلا بيك الحمدلله زينه و انت شلونك
فهد: دومج حبيبي اني الحمدلله
وتين: اءء اءء ها دومك انشالله يلا نطيني شمس
فهد: تمام
نطيته لشمس و كامت تحجي وياها خلصت منه و هجمت على فهد
شمس: ولككك شلوننن تكللهااا حبيبي و انتم بعدكم لا خطوبه و لا شي
فهد: اخخ اخخ وخري ولج هسه طلعت هيج شبيج
شمس: بعد لتعيدها لمن تنخطبون
فهد: خوش
رحت لغرفتي و نمت
و لهنا و نختم البارت
ـــــــــــــــــــــــــــــــــــــــــــــــــ
لا تنسون التصويت و التعليق
💋💋🤍
