-هَلا يالتارس عيوني بحَناَنه
وهلاَ.يالمَحد يصيَر بمكَانه .
🔴🔴🔴ملاحضة : لااسمح وغير مبري الذمة الي ينشر الرواية كاملة بااحد مواقع التواصل يسمح بنشرت اسطر فقط منها .
تركت لكم الاسطر ووقرائة ممتعة .
.
.
_________________________________
بغداد الساعة 5:00ص.
ازل ::- فزيت وباوعت للساعة ب 5:00 الصبح بعدهي ضلمة لان احنة بفصل الشتاء التفتت على سُقيا لكيتها نايمة غطيتها ولفيت شالي وطلعت للحديقة باوعتلها وهية مطيتني ضهرها ماتشوفني مثل عادتها الهتفون لابستة والحاسبة بحضنها ولافة روحها بالبطانية وكاعدة على المرجوحة عبرتها بدون مااحاجيها غسلت وجهي والتفتت عليها اول ماشافتني نزعت الهتفون وكالت .
مهرة ::- صباح الخير .
:-صباح النور ليش لهسة سهرانة راحت عيونج .
::- ماعندي شي .
:- مو عن مااعندج شي بس حبيبتي عيونج صايرات بنكرة من ورا السهر انتي تابعي افلامج ومسلسلاتج الصبح الظهر العصر بليل قبل ماتنامين ليش تبقين هيج سهرانة .
_ باوعتلي ورفعت حاجبها وحجت بهدوء .
مهرة :- تؤ .
ازل :- سكتت وماحاجيتها لان اعرفها حتلو احاجيها تسمع منا وتطلع منا - اسويلج ريوك ؟
:- هئ مااشتهي .
ازل :-خل اروح اكعد علي واريد اشوف منو ماتشتهي .
::- ماداعي حتلو تكعدينة اني مااشتهي اريد اروح انام .
:- هزيت راسي اي - براحتج .
مهرة :- بيج شي ؟
:- هاا؟! ههه لاحبيبتي روحي .
-رجعت كعدت بصفي وخلت الحاسبة على الطاولة وصرفنت رداناتها وشالت رجليها وتربعت على المرجوحة .
ازل :- هاا تردين تاكليني شو تربعتي ؟
-خزرتني وحجت .
مهرة :- احجي شبيج .
::-مهرة تدرين من يوم الرجعت بي لبيت اهلي بعد طلاقي من زوجي بعد ماطلع مجرم ومطلوب للدولة عشت بين اهلي وناسي وحالتنة تحسنت اني وسُقيا بس اني كل همي مستقبل سُقيا اريد اذب جهدي كلة بتربيتها ومستقبلها ماريدها تضيع بهل دنيا وتمد ايدها للغريب اذا بيوم ماجنت اني وياها او احتاجينة لشي من جان عمرها 5 سنوات واني تطلقت ماشافت حنان الاب ولا عرفت شي اسمة حنان الاب الا لمن اجينة لهذا البيت واخوية علي ماجان يقصر وياها بشي وشنو يجيب البنتة يجيبلها ولا فد يوم رند مرت علي شفتها حاقدة علينة ودائماً تكول انتي وسُقيا تضلون بالبيت واحنة نطلع هذا بيتكم ولا بيوم حسستني اني مطلقة لو حسستني انو هية مجرد مرت اخ بالعكس صارتلي اخت ونعمة الاخت وامي الي مانكول غير بس الله يخليها خيمة علينة ويحرسها النة مهرة اني خايفة على بنتي ماريدها تضيع بهل دنيا ولا اريدها بيوم تنذل وتمد ايدها لشخص وتكلة محتاجة اريدها توصل لشي يضمن مستقبلها يضمن حياتها واستقرارها ماريدها تطيح بخطأ وتندم عليه بعدين ولا اريدها ..
