له الرحمن الرَحيم .
اللهم صلي على محمد وآل بيت محمد .
نادي علياً مظهر العجائب تجدهُ عوناً لك في النوائب كُل هماً وغمٍ ينجلي بأسمك
ياعلي
ياعلي
ياعلي .
رواية ( غياهب خيبر )
بقلمي انا الكاتبة زُرارة .
___________
فتحت تلفوني ودخلت على المذكرات وقريت حجاية ابوي الله يرحمة .
" أنتِ خيبر وتبقى كل الغياهب بيج "
طفت الموبايل واخذتلي مخدة وبطانية وشمرتهن بالكاع وذبيت روحي عليهن هلكانة تعب .
مُهرة :-يصير الصبح ويصير خير يقسام .
- غفيت بدون ماادري بنفسي شكد طولت يلا نمت .
ام شُبر :- شبير يوم شبيرر وينك يمة .
شبير :- هاا يوم هاا جيت .
- يمة شوف منو بالباب .
شَبير :- هاي الدكة مو غريبة .
طلع يفتح الباب وخالة باوعتلي .
ام شبر :- بنياتي يمة اكلن فجر حبيبتي اصبح حليب اذا ماتريدين من هذا ؟
فجر :- لا لا خالة شكرا .
باوعت لسُقيا تاكل وهية ساكتة وبس تباوع .
ندفر باب المطبخ الخارجي وطبت ودخل وراها شبير يدردم .
ضُحى :- هاااااا يومم شلونجج يابعد روحي مشتاقتلججج .
دخلت تعلججج وعبايتها ذبتها على متونها فتحت اديها تحضن امها وتلكتها بالاحضان .
ام شُبّر :- ياهلااا ياهلا بالحبيبة شلونج يمه يابعد روحي .
ضُحى :- من شفت وجوهكم ارتاحيت يمه .
رجعت تبوس باامها .
باوعتلنة واندهشت من وجودنة .
ضُحى :- يمهه فجورةة وسقاويييي ولجنن مشتاقتلجننن صار شكد ماشايفتجنن .
سلمنة عليها وهية تبوس بينة .
ضُحى :- عمتجن وين ؟
فجر :- نايمة فوكك .
تعلجج بعلجها وتطكطك بي وتبلع ريجها وتحجي وكلساع تفتح حجابها وترجع وتلفة على السريعع .
ضُحى :- عشتوووووو التنمبل لهسة نايمةةة ولله اروح اكعدها ولا اعوفها نايمة .
صعدت للدرج لازمة عبايتها الي شبه نازعتها وبس مشكلة باايدها .
