__________________________________
- طلعنة نركض لبرة ولكينة مهرة تتعارك وية خالي قسام وتطرد بي .
قسام :- وينهااااا وينهااا هاي امكم الحرامية الباكت الفلوس كلها وخلتنة ايد لورة وايد لكدام خل تطلع لااحرك البيت على روسكم .
طفرت مهرة عليه وتملخ بي .
مهرة :- ولك منو الحرامية اطلع براا لااضحك العالم عليك السرسري .
-ركضت رند على علي يجي يلحكنة قبل ماتصير مشكلة اكبر .
ازل :- شجابك لهنا اطلع برا خالي فضحتنة كدام العالم صوتك شتكول علينة الجواريين ؟!
قسام:- شتكول الجوارين تكول ذولة الحرامية .
-رجعت طفرت عليه مهرة وتملخ بي .
مهرة:- عيددددد الحجاية بعد ولله اكص اللسانك ولسان الي يطلع وراك يالسكط ولكك قسااااام ولله اموتك ولله .
صارت اعصاب وماكدرنة نفلتها عنة هية تضرب وهو يضرب وصارتلك امالخ طبك علي سيارتة حتة ماطبكها عدل ونزل يركض سحب مهرة من ايد قسام وفكاها عنة وضمها ورا وهية جايبة نص شعر راسة بأيدها .
علي :- انتت شكالتلك روحك تدخل على بيت بي بس نسوان مااستحيت على روحك وكلت وياهن مرة غريبة شلون تمد ايدك على مهرة .
قسام:- اكلخرااا انت الثاني امك الباكت فلوسي وخلتنة ايد تصفك ايد .
لزمة علي من ياختة وصك سنونة وحجة بنبرة غضب.
:- ولك اخيسكك بالسجن ولو مو خالي ولله امشي ولاتزودها لا ولله اطلع ضيم الدنيا بيك .
- قسام ضرب علي بوكس ورجعة لورة مالحكنة نلزم مهرة ولا علي لحك يرجع الضربة الة لكينة قسام امدد بالكاع ومهرة فوكة وضربة تنطح ضربة وين يوجعك بس بوكسات راجديات تملخ دمتة بمكانة سحبها علي من فوكة وطردة .
علي:- مااريد اشوفك توصل لعتبة الباب ولله اخيسكك بالسجن مايطلعك اكبر واحد .
قسام :- اندمكم على حجايتك هاي ولله اندمك .
- اخذنة مهرة لجوة وهية تتنفس بسرعة وبتعب
ازل :-اكعدي ارتاحي كعدتها وانطيتها ماي تشرب - شبيجج تخبلتي شنو .
-وكفت على طولها خازرتني والشرار يتطاير من عيونها .
:- لاا اعوفة يفوتلج للبيت واكلة يلا اكتل الي تريدة .
نترت بعصبية .
:- اكعدي مهرة .
-التفتنة كل احنة دخل علي كعد وانطتة رند ماي شرب .
::- اذا اجة مرة ثانية بلغوني وين ماجنت اذا مااشمرة بالسجن شمرة الجلب واريد خير يطلعة .
