بسم الله الرحمن الرحيم .
﴿وَلاَ يُلَقَّاهَا إِلاَّ الصَّابِرُون﴾ .
بقلمي انا ( زُرارا) .
__________
فزيت من نومتي على صريخ خالتي وبجيها
ركضت سويت البيت شبختين يامن يوصلني واعرف شبيها .
فتحت باب الاستقبال واطرافي بردت وانا اشوفهن ملتمات ويبجن ويلطمن .
صرخت بيهن روحي رايحة .
مُهرة :- شكووو شصايررررر؟؟؟؟!
كفاية:- ولججج يمهة راحوووو راحوووو .
رجعت تبجي وتلطم على وجها وتزلغ بخدها .
اريد اكلها منو وشصاير سمعت دكة الباب ركضت بدون وعي فتحت الباب وشفت مُهاب .
مُهرة :- مُجبتى ؟؟؟؟! شكوووو شصايررر شبيكم .
مُجتبى :- اميي وينن مهرة فوتي جوة .
سد الباب وسحبني من ايدي بقوة وانا اركض ورا مامفتهمة شي وكفت بنص الطريق سحبت ايدي وصحت بي.
مُهرة :- شصااايرررررر شكوووو ؟؟!
ولله هسة اخابر علي واكلة تخبلوا ماتحجون شبيكممم ؟
دخل جوة وركضت ورا وكفنة بباب الاستقبال نباوعلهن على حطتهن يدكن ويبجن .
اخر شي طلعت روحي وصرخت بيهمم.
- ولكممممم احجووا لا ومحمد احركك البيت على روسكم .
ساكتين محد يحجي ويباوعون بوجهي ويبجون .
مُهرة :- ولججج سُقيا اكوم انعل ابوجج ولله شكوو شصاير نبلع لسانجج ماتحجيييين ؟؟!.
زادت بالبجي وتصرخخ بحيلها وتملخ بروحها .
نغزني كلبي وخفت من منظرهن .
تقدم علية مُجتبى باوعتلة بااستغراب وتساؤل وهوة علامات الرهبة والخوف والحيرة كلها بوجها جر حسرة وكال .
مُجتبى :- البقية بحياتج اخوية وعظم الله اجرج باامج واخوج واختج ومرت اخوج .
يردهن وحدة ورا الثاني وانا مامستوعبة بواعتلة روحي شايطة .
تقدمت لزمتة من ياختة وزمخت بي .
مُهرة :- شبيكككككك انتَ شدتحجي تخبلتتت هو هذا حجي ؟؟؟؟
زادن بالبجي من سمعنة كال هيج كأنما تذكرن شي ناسياتة قبل دقايق .
بعدني لازمتة من ياختة مامستوعبة شي وعيوني احسهن يطلعن ناار والعبرة خانكتني واحس الدنيا سودت بعيني مامصدكة كلامهم كلة جذب
مستحيل امي واخوي واختي يعوفوني لا وفوكاها حتة رند ؟؟؟ عافتني مستحيل يجذبونن ولله يجذبون ثكل جفن عيني وغوشت عيوني واختل توازني .
مُجتبى :- شفت مهرة بدت تفقد توازنها غابت عن وعيها ركضت بت علي جابتلها ماي غسلت وجها وماكعدت كلت لاامي تاخذ البنات وتقفل البيت وتروح لبيتنة شلت مهرة وركضت بيها للسيارة خليتها بالكشن الورة وصعدت بت اختها وياها الا تروح وياها طلعنة لااقرب مستشفى دخلناها للطوارئ
ودخلوها للغرفة بقينة ننتظرها تصحة .
