_ بسم الله الرحمن الرحيم _
بقلمي انا الكاتبة زُرارة .
لاتنسوا التصويت بنجمة 💛
وتعليق جميل بين الفقرات 💖
متابعة بقية حساباتي الجديدة و قناة التلكرام .
______________________________________
الدكتور : جاي نحاول وياها بكل جهدنة ..ادعولها ماتدخل غيبوبة .
شُبر : طاحت بالكاع ركضت عليها احاول انبهة ...مُهرة مهرتي يروحييي باوعي بس باوعيلي .
وهية صافنة بالفضاء مانطقت حرف
عدنان : كول ياالله دكتور غيبوبة شنووو ؟؟!
الدكتور : ظربة راسها قوية ... ادعولها .
شُبّر :راح الدكتور وعافنة عاجزين مهرة بيدي بس النفس يطلع منها عيونها حمر ورجفت ايدها كسرتني .
..مهرة . ..دنكت احاجيها وهية صافنة ماتجاوبني ساندة ظهرهة على الحايط ...لججج مهرة ابوية انتِ لج بابا مهرة لتسوين بنفسجج هيجج ادعيلها .
ماتحركت ولا حاجتني ولا خلت عينها بعيني واني روحي طلعت افرفحح واعصابي تلفتت ..
شُبر : رايح اجيب ماي ابقة يمهم بالك عليهم .
عدنان : مو مشكلة اني اروح .
شُبّر : لا ابقة اني اريد اطلع هسة راجع هز راسة اي .
نزلت طلعت برة المستشفى اشتريت ماي وجكاير ورجعت لحديقة المستشفى كعدت على وحدة من المسطبات فتحت باكيت الجكاير وكعدت ادخن ..بالي يم مهرة فركت وجهي بقوة امسحة رن تلفوني بجيب السترة ..عدنان .
شُبّر : الو
عدنان : لك مدري وين راحت طفرت .
شُبّر : شني شكو شبيك .
عدنان : مهرة مدري وين طلعت كامت بسرعة ومن لزمها شَبير تعاركت ويا وطلعت مالحكها ضيعتة .
شُبّر : لككككك شلون تخلونها تطلع وين ضيعها ماتكلي سديتة منة ورجعت خابرتها ..ماتفتح خط ..اتصل وماتفتح خط ..اتصلت اكثر من مرة اخر شي غلقتة .
رجعتلهم وهمة يخابرون ...
شُبّر :وينن راحت ؟؟؟
شَبير : بالقران ماادريي اختفت ماادري وين راحتتت ضيعتني وراحت وحدها كامت وجهة يطلع نار متحامية حتة من لزمتها دفعتني حيل عبالك اني الداعمها .
شُبّر : مسحت وجهي بقوة ..استغفر الله ...لاحول الا بالله ..يعنيييي راحت .
عَدنان :شُبّر ابقوا انتم يم البنات واني وعمار ندور عليها وين تروح يعني هية .
شُبّر : هزييت راسي ايي واني محتار بين نارين .
عَدنان : نزلت للطابق الارضي دورت ماكو طلعت من المستشفى اكلب بالموبايل ....اتصلت على عمار .
