🎓طالبتي الفاتنة 💋

٤- (صراع داخلي) ✓

اعتذر عن الأخطاء الإملائيه مقدماً ☺️

تقدمت منه تحدثه بحيرة
" أنا مش فاهمه ازاي ده أنا كنت كاتبه السؤال في الكراسه دي!"
جائها صوته مقترحاً "ابقى علمي ب الرصاص على الاسئله عشان متحتاسيش كده تاني".
أجابته بيقين "لااا بس أنا متأكدة إني كنت كتباها فالكراسه دي".
ثم سرعان ما أضافت بعدم اكتراث
. خلاص بقي مش مشكلة أدور عليها بعدين نشوف الواجب الاول و يمكن تجي قدامنا المسألة اللي قلتلك عليها.
لبي طلبها ، ليشرع في قراءة ما يأتي أمامه من أسأله ، يصحح الصحيح منهم و يحذرها من الخاطئ
أخذ يراجع معها أجابه سؤال بصوت عالي
" استني نشوف السؤال دا كمان..اممممم.."
أخذ يقرأ بهمهمه حتى لاحظ الخطأ
" لأ... دي بقى هتبقي وصفي مش تفسيري خدي بالك كويس م الاسئله اللي م النوع دا".
أتاه ردها مستاءاً من هذا الدرس التي لم تفهمه حتى الآن
بالرغم من توضيحه لها عدة مرات
"مستر...أنا لسه برضو مش بعرف أفرق بين التفسيري و الوصفي"
رفع نظرة لها لفوق من أسفل نظارته الطبيه
فهي كانت تقف بجانب إحدى المقاعد التي كان يجلس عليها.
أخذ يهمهم بكلام غير مفهوم
دليلاً على ثأمه من شرحه لها لاكثر من مره مد يده بعجلة لحقيبته الجلدية
مخرجا منها إحدي اقلامه و أخذ يكتب لها ما يتفوه بيه من شرح و توضيح لهذه الجزئيه التي تعطل عليها فهمها.
" بصي معايا كده و ركزي."

بدأ يكتب ما يقوله لها بداخل كراستها و هي  تحاول الإقتراب بحذر حتى يتسني لها رؤية ما يكتبه
" هما مش محتاجين اصلا..
بصي لما تسمعي كلمه المنهج العلمي لدراسة الظواهر الاجتماعية...
يخطر على بالك ٣ حاجات..
-واحد : وصف الظاهره
ودا بيكون من حيث الحجم والنشأه والتطور.
لما يقولك الحجم يقصد المساحة ، النشأه قصده الزمن ، تطورها يقصد تاريخها...
معني كده إن وصف الظاهرة
بيلخصلك جمله ' كيف اصبحت مشكلة'
اوصفيلي المشكلة دى قامت إزاي أو أية تاريخها و اتطورت إزاي بمرور الوقت
اشهر مثال على دا 'ارتفاع تكاليف الزواج'.

كان يضع على ما يكتبه أقواس و علامات ترقيم و يخطط على بعض الكلمات المهمة
حتى تركز على ما يتفوه بيه و يكتبه.

" و التانيه عندك -تفسير الظاهرة
يعني معرفة الأسباب التي أدت إليها ، وعلاقتها بالظواهر الأخري، مثال عليها
برضو... ارتفاع تكاليف الزواج و علاقتها بالتعليم و المستوى الاقتصادي
اكيد مش هتبقىِ واحدة مُتعلمه ومثقفه وفي كليه محترمة و يجي واحد شغال على عربيه بطاطا و يقول عاوز ارتبط بيكي !!
و لا مثلاً يجي واحد متقدم لباباكي و هو  محلتهوش لا فلوس و لا شقه ولا حتى وظيفه تقوي عالعيشه. فالفروقات الاجتماعية و الاقتصادية دي اللي بين الناس بتعمل ازمه فموضوع الجواز.

تاففت بثأم ف هوا أولا حاجب عنها الرؤيا بفضل جسده الضخم  ملت من كثرة محاولاتها العديدة للتقرب حتى تراه ما يكتبه لان ف اعتقادها هكذا تزيد فرصة استيعابها لما يتشدق به..
ثانياً فهو لا يكف عن ذكر هذا المثال
الذي لا تلاحظ إسهامه في فهمها للدرس
فتشدقت بملل "هوا مفيش غير المثال دا اللي كل شويه بيتشرح و مش عارفه افهم منه حاجة برضو ؟!"
أجابها بعفوية بعد أن رفع نظرة لها و كف عن الكتابة " و لا تزعلي نفسك يستي...
عندك الإدمان ،البطالة، العنف الأسري إلخ..
كل دي أمثله تحل محل المثال دا
المهم انها ظاهرة اجتماعية..
خلااااص
ناخد بقي التالته و دي
- التنبؤ بالظاهرة..
أي توقعات مسبقة عن مستقبل الظاهرة
يعني بالبلدي كده بكرة هيحصل ايه و بنفس  المثال. بمعني لما تنتشر الظاهرة دي هتقل معدلات المواليد و هتزيد معدلات العنوسة  اللي هي يعني اما البنت توصل ل سن التلاتين كده و لفوق و متتجوزش مع إنه خطر جدا علفكرة الجواز في سن كبير.