هشام ⬆️
إيمي ⬆️
______________________________
اعتذر عن الأخطاء الإملائيه مقدماً ☺️.
جلس بأريحية يرتشف فنجانه الذي للتو أحضره اخيه له فهو اليوم قرر و اخيرا زيارتهم بعد مده تعدت قرابة الشهرين.
"يعني اوامال لو مكناش عايشين في نفس البلد... مكنتش هاشوفك خالص!.
تحدث بها أخيه الأكبر ، مستنكرا
ل يأتيه رد أمير البسيط مصحوب
بإبتسامة بسيطة " لاااا يا راجل مش للدرجادي يعني ".
"طب يا سيدي أنااا غلبان و هعديها..
مش بتزور لي بقي أمك و أبوك..؟
أتاه ردهه مستاءاً بعض الشيء
"الشغل يا عماد منتا عارف بقي
من شغل ف المدرسة لشغل برها.. خصوصاً اليومين دول بما إن الترم خلص".
أخبره بنصيحة سرعان ما تحولت إلى مزحه
" طب أبقي اتلحلح شوية ، لاحسن دول مستحلفنلك... إن ما اتعدلت كده و رجعت تزرهم زي الأول...لهيجوزوك سماح...و أنااا أهو بلغتك و عملت بأصلي... هههه.
أنزل فنجانه عن مرمي فمه سامحا له بإصدار ضحكه بسيطة
" هههه.. دا ايه لوي الدراع دا هما خلاص كدا بقوا واخدين سماح الشغاله ذله و لا ايه هههه.
أخبره بعتاب طفيف "يا خويا إنت اللي بتجيبه لنفسك..أنا لو منك.. أعيش لوحدي لي في شقه طويلة عريضة زي اللي أنت عايش فيها دي...روح أقعد معاهم بدال الوحدة اللي بدأت تاخدك مننا دي.
ثم تابع بهدف إقناعه " دأنا لما مني و العيال بيسبوني كام يوم كده و يروحوا عند جدهم..ببقي هتجنن من القاعدة لوحدي.
أضاف مستنكرا " الوحده صعبه جدا يا د.أمير و لااا مدرستش دا ف علم النفس برضو و عارف بلاويه!!
زفر ثم أجاب بعدم اكتراث حقيقي على الموضوع المعاد للمرة الألف
" يا عم أنااا مرتاح كده ، اتعوت خلاص ، الفكرة أصلا إني مش فاضي أقعد ف البيت غير كل فين وفين.. طول اليوم بره البيت...و الشغل باينه مش ناوي يخلص.
أتاه رد الآخر بخيبة أمل منه "ياض أمك و أبوك عايزينك تفك كده و ترجع تشوف مصلحتك من تاني و تفوق كده لنفسك و لحياتك.
تحدث مستاءاً بنفي مستغيث "لاااا و حياه الغاليه ما تبدء ف الموشح بتاع كل زيارة دي اقفل ع السيره دي يا عماد الله يباركلك.
وضع كفيه على فمه بنقوط
" أدينا سكتنا يا سيدي أما نشوف اخرتها مع سياتك ايه.
ضحك مخبرا إياه بفطنه
"لا دا واضح كده إن الحج و الحجه موصينك عليا جامد اليومين دول."
ضحك الآخر بصوته الرخيم
" لاااا و أنت الصادق دا العيله و عيله العيله "
أنت تقرأ
🎓طالبتي الفاتنة 💋
Teen Fiction✨ ملحوظه :- «القصة مستوحاة من أحداث حقيقة» ................... ▫️براءه...جمال....و ذكاء..... خجل.. أخلاق و مبادئ... و ...نجاح. كل هذا و اكثر.. في فتاة جميلة...مازالت طالبه. ▫️ دهاء...... جاذبية.... تلاعب.... خبث....انفلات...
