🎓طالبتي الفاتنة 💋

٥- (محتاجه كتالوج)✓

اعتذر عن الأخطاء الإملائيه مقدماً ☺️

" أدينا خلصنا يستي الدرس بدري ، شوفتي كان سهل إزاي ، عليّ الله بس نذاكر.
قالها بتمني عقب انتهائه من شرح درس اليوم.
ابتسمت له ابتسامتها الهادئه المعهودة مصحوبة بهز رأسها ثم سرعان ما أضافت بنبرة تبين بها الحماس "بما أننا خلصنا بدري أسأل سؤال بقااا ؟!
رفع نظرة عن دفتره باهتمام يهمهم بصفو
" اممممم...اسألي."

راحت تسرد له ما تود الاستفسار عنه ، بعدم تنسيق فهي كانت غير مرتبه لسؤالها
"هو يعني ايه العقل الباطن أنا دايما بسمع عنه بس مش فاهمه هوا أيه؟! هوا يعني جزء من مخنا إللي بنفكر به و كده و لا ايه ؟!"
كل هذا و هو يسمع لها بإنصاف متغاضيا عن اخطائها فلا بأس سيعاجلها بالصواب الان.

رسم ابتسامة صغيرة على جانب فمه و راح يشرح لها بهدوء و بساطه
"أولا كده احنا مابنفكرش بمخنا إحنا بنفكر بنفسنا.

كانت ستتحدث معترضه لكنه عاجلها
" عارف هتستغربي بس استني جايلك في الكلام ، أيوه إحنا بنفكر بنفسنا مش بمخنا المخ دا عضو من أعضاء الجسم بيوصل إشارات لأجزاء في الجسم أو أعضاء معينه إنها تقوم بنشاط معين فيه عن طريق إشارات عصبية و افراز هرمونات متوصله من المخ لباقي اعصاب و اعضاء الجسم
طيب اومال إحنا بنفكر بأيه ؟
بنفكر بنفسنا زي ما قولتلك ، نفسنا دي اللي بتتكون من عقلين
• عقل قديم 'دا اللي هوا الباطن اللي إنتي بتسالي عليه'
• و عقل حديث أو جديد يعني 'و دا إسمه الواعي'

زوت ما بين حاجبيها بإستغراب
." قديم و جديد !!
هز رأسه لها مكملاً حديثه
"آه.. العقل الباطن دا بقاا عامل كدا زي الورث اللي ورثنا من أجدادنا وبيسموا عقل النزوات و الشهوات..و هوا غير واعي بمعنى أنه العامل الرئيسي لكل سلوك بيصدر مننا و احنا مش واعيين، زي مثلا الخواطر اللي هي يعني السرحان اللي بتتسمي بأحلام اليقظة، و زي وقت النوم يعني بيجي فصوره حلم وهوه اللي بيتحكم في ٩٩% من أفكارنا و تصرفاتنا و أهدافنا مع إن الواعي مابيكملش
ال 1% و دا اللي أصلا بنفكر بي بوعي و الاستفادة الكبري منه أساساً
بس متفهيش من كلامي إن الباطن مش مهم زي الواعي.. لأ
الاتنين مهمين لأنهم بيكملوا بعض.

من مميزات بقي العقل الباطن
إنه بيحتفظ بمعظم الذكريات اللى عيشناها...بدايه من وجود الشخص في رحم الأم لحححد اللحظة اللي هوا عايشاها حاليا
دا حتى في نظريات بتقول إنه احتمال كبير يقدر يخلي البني ادم يتنبئ بمستقبله ، باعتباره إنه قادر يتحكم في سلوكه و تصرفاته و كده بس الله واعلم لسه الكلام دا مأثبتش. و حاجة تانى كمان بتميزه و هو إنه
دايما تلاقي اسلوبه اسلوب بدائي بحت..
دا كده العقل الباطن.

" ونيجي بقى لبعقل الواعي اللي بنفكر به و نخطط به و ندبر به. و على إسمه عقل واعي يعني عقل اليقظة و المنطق
الواعي هو أول واحد بينام و أول واحد بيسكر و أول واحد بيتجنن دا عامل كدا زي الشجرة الحديثة اللي لسه بنتمو، صغيره كده و أقل حاجة تهزها
كمان الواعي بيكبت العقل الباطن، يعني لو ظهرت وقت ما عاطفه اشتياق أو جوع او غضب أثناء اليقظة ف الواعي بيكبتها و بالتالي لما بيكبتها فهي بتندس في الباطن
يعني بتتحفر كده و تتضغط ، بتفضل معلقه معاه لفترة فتلاقي لو نمنا تظهر لنا بمظهر الحلم ولو كنا صاحيين تيجلنا ف شكل السرحان. بس خلي بالك العقل الباطن بيعبر عنها بأسلوبه القديم اسلوب العصور القديمة.