🎓طالبتي الفاتنة 💋

-٨--(تعافي) ✓

8-(تعافي) ✓

_________________________________

اعتذر عن الأخطاء الإملائيه مقدماً ☺️.

داخل احدى المتاجر( السوبر ماركت):

دلف بخطوات سريعة يبحث عنه في الإرجاء  حتى وجده ف مكانه المعتاد يجلس أمام مكتبه الخشبي و بيدة الأرجيلة
فجلس سريعاً يسأله متحفزا بملامح ظهر عليها الحنق  "بابا هوا إنت عملت أيه بالظبط؟ نورسين بقالها كذا يوم مبتطلعش!! من ساعت آخر مره كات هنا مشفتهاش !"

أجابه بملامح غير مكترثه على عكس الآخر الذي يحجم بركانه الثائر بداخله الآن بقدر ما استطاع "الغايب حجته معاه. تلقاها بتطلع ف أوقات أنت مش موجود فيها. متكبرش المواضيع ياض أنت."
استفزهه هدوء الآخر بشدة ففقد التحكم بصوته فخرج عاليا عن السابق بمنتهى التلقائية "مكبرهاش أيه هي لسه هتكبر !!
دا حتى المدرسة مبترحهاش و لما سألت واحده جيرانها قالتلي إن أبوها ليليتها كان ماسك فيها ضرب و قله قيمه و تقريباً مش ف البيت أصلا."

صمت الآخر يفكر في حديث إبنه بقلق
ليعاجله الآخر بنظرة شك و نفاذ صبر
" بابا أنا سؤالي واضح.أنت قولتله أيه بالظبط؟
توجس الآخر ليجيبه بصدق  " بصراحه أنا مكنتش متصور إن الموضوع هيوصل لحد هنا"
نفذ صبر الآخر فهذا فوق احتماله "عملت ايه يا بابا ؟!
" متتهد ياض أنت الله. اللي حصل إن يوميها الواد سمير كان بيوصل طلبات للزباين ف عمارات بعيدة عن هنا شوية و شافها هناك دخلت ف شقه كده و كان راجل اللي فتحها و لما سأل البواب عليه قاله أنه مدرس مراته ميته و عايش هناك من سنين. فأنا قلت للواد ميجبش سيرة لابوها. و قلت لو لعبت ف دماغه شويه قولتله إنها كات ف بيت راجل غريب و يعالم ايه اللي كان ممكن يحصل ،
و أنها ف السن دا محتاجه لراجل جنبها و مفيش حد أحسن منك و أهو تبقوا مخطبين و كله على مايه بيضه. بس اللي خطر فبالي
إنه هيتعصب عليها شوية و بعدين هيفكر فكلامي و يقتنع منت عارفه..ودني و أي حد يقدر يلعب في دماغه. معرفش أنا أنه دمه حامي أوي كده و هتوصل لضربها و طردها كمان !!"

صمت و أكتفي هكذا بينما تحدث الآخر غير مصدق لفعل والده ، نعم لااا ينكر إنه كان على علم من البداية بانه سيستخدم احدي طرقه الخبيثه ليقنع والدها لكن لم يخطر بباله هذا الشئ ابدا ، فتشدق بنظرة استنكار
" أنا والهي ما مصدق إنك قدرت تقوله حاجة زى كده. و خليها فعلاً كات بتعمل حاجه غلط دي حاجه تتقال لأب دا اللي سترة ربه ميفضحهوش عبده. الله يسامحك يا بابا"
أنهي حديثه بيأس فهو لم يخطر على باله أنه يمكن أن يتسبب في ضرر لها حتى و لو بدون قصده. لكنه قد نفذ صبره تلك الأيام الماضية عندما لم يحصل منها على الاهتمام الذي يريده ، فللأسف لجيء لخطط والده الخبيثة.