رفقاً بالقوارير

الـبـارت الـرابـع

#رفــقــاً_بالــقــواريـر

#بــقــلــم_بـتـول_حـسـيـن

            للتواصل حساب الانستا 7bt_5y

               يوزر وحساب الواتباد Batol99Hussein

#الـبـارت_الـرابـع

>>>>>>>>>>>>>>----<<<<<<<<<<<<<<<

‏"كانت دائمًا تتكئّ على نفسها لأن شجاعتها
لا تخون، مَن ظنّ أنها تنكسر لابدّ أنه مخطئ
تمامًا."

>>>>>>>>>>>>>>----<<<<<<<<<<<<<<<

سارة ::-   اني استغليت هذا الشي وبديت احچي وياها وام خالد ما قصرت حاولنا وياها وهواي حچينا ومبينه كلش متأثرة بموتت ابنها لان هذا ازغر واحد بيهم

بس ولا نزلتلها دمعة وحدة بس من كلامها عن ابنها تحچي بحسرة عنه واداري دموعها وتحارب نفسها حتى ما تنزل دمعة منها گدامنا

رغم كل شي حچينا وياها گالت اخر شي الكلام للزلم احنا نسوان ما بيدنا شي وما اگدر ادخل بكلام الزلم

ورغم قساوتها حسيتها گلبها حنين لان هي أم واكيد انكسر گلبها على أم خالد ،،،، اترخصنا وردنا نطلع گالت لأم خالد اذا طلعتي منا روحي لمظافة الزلم واحچي وياهم بصفتج أم

واني راح احچي وياهم واحاول اخليهم يعفون عن ابنج
تشكرت منها اني وامه وطلعنا ضليت بالباب وهي دخلت للزلم تتنخه بيهم وتتوسلهم يعوفون ابنها

اني اسمع كل كلامهم وابچي وادعي ما نرجع مثل ما اجينا حسيت بكلامهم شوية امل لان هنا عدهم بالعشائر دخلت المرة مو هينه وينعاب اليرد مرة دخلت لبيته ولمظيف الزلم

هنا تربطو وبعد ما گدرو يسون شي اهل صديق خالد بس واحد من اخوان صديق خالد حقير كلش گال عليه عم خالد هذا مستهتر وما ينگدر أله

رجعت وعندي امل برب العالمين وما خاب املي بربي ابد
عفو عنه بس اكيد يريدون فصل وهنا بدت مشكلة ثانية وهم كلش جبير المبلغ الطلبو هواي كلش

واحتارو شلون يجمعو عمام خالد وعشيرة لمو أله من كل واحد مبلغ بسيط اتصلت بخالد بعد تفكير طويل بقرار اخذته ،،،، الو هلو شلونك

خالد ::- بخير انتم شلونكم

سارة ::- نحمد الله ومنتظرين الفرج منه اني كلش تعبت خالد

خالد ::- حقج ما ألومج وما انسى وگفاتج وياي واني هم تعبت من الغربة ومن بعدكم عندي الله يرضاها ابني صار عمرة سنه واني لا شايله ولا شايفة غير بالصور