رفقاً بالقوارير

الـبـارت الـسـادس

#رفــقــاً_بالــقــواريـر

#بــقــلــم_بـتـول_حـسـيـن

للتواصل حساب الانستا 7bt_5y

يوزر وحساب الواتباد Batol99Hussein

#الـبـارت_الـسـادس

مساء الخير بنات البارت شوية قصير لان ما لحگت اكمله عندي خطار اليوم اذا صارلي مجال باجر هم انزل بارت بس شوفوني تفاعلكم واطلب منكم ما تتجاوزون على زينب لان هذا كله ماضي وتعلمت من كل غلطة صارت وياها هي تعرف غلطها وبعد عدها هواي مو بس هاي الغلطة اترجاكم بنات لا تجرحوها بكلامكم تذكرو الاحداث المرت بيها والله كلش انقهرت من شافت التعليقات وزعلت مني لان اني اصريت اكتب هاي القصة

>>>>>>>>>>>>>>----<<<<<<<<<<<<<<<

انه الثكلت عليه روحة انه الكل تايهة وكل عابرة تلوحة

انه الرَديِت مِن الهَضم باب أهلي ماعَرفة

>>>>>>>>>>>>>>----<<<<<<<<<<<<<<<

سارة ::- ضلو ساعتين يله وصلو اهله لان بعيدين عنا دخلن امه وزوجة اخو گابلني يواسني امه تخربطت ما تحملت ضلينا لنص الليل وما قابلين ينطون جثه خالد اي جثه خالد مات راح تركني عافني وصار جثه راح وراحت سعادتي وراحتي واستقراري

اباوع لأطفالي ولنفسي وللبيت واسئل نفسي بصوت مسموع معقولة خالد بعد ما يجي لهنا ؟ يعني بعد ما انتظر رجوعة وقت العصر ومن يتأخر اضل ادردم على ابو المصنع واگول راح يأخره للمغرب ويجي تعبان

يعني شنو اني ضليت وحدي ويا اطفالي ليش خالد ليش مافكرت بينا انت تعرف ضروفي وگتلك بس انت سندي ليش رحت وتركتني بدون سند اني وجهالك

شلون راح اگدر اعيش بدونك وانت روحي ليش ما اخذت هذا الجسد ليش اخذت روحي وتركتني بس جسد يا ربي ليش هيج صار ليش

اصفن وارجع اگول اتأخرو يمكن عايش وبالعمليات وادعي يرجعون ويگولون ما ميت غلطانين بعدني عندي امل او ما اريد اصدك وضليت أمل نفسي واحاول اقنعها

للفجر جابو خالد بتابوت ودخلو للبيت اي اجه خالد رجع لبيته بس بتابوت واذا تركته يطلع من البيت راح يروح وما اشوفه للابد

ما قبلو افتح التابوت واشوفه لأخر مره اخوه توسل بيه حتى ما افتح التابوت لان اذا شفته ما راح انسى هذا الشي واني توسلت بي وبزوجته بس ردتهم يفتحون التابوت واتلمس وجها لأخر مره واشبع من شوفته