رفقاً بالقوارير

الـبـارت الـعـاشـر والاخير

#رفــقــاً_بالــقــواريـر

#بــقــلــم_بـتـول_حـسـيـن

            للتواصل حساب الانستا 7bt_5y

               يوزر وحساب الواتباد Batol99Hussein

#الـبـارت_الـعـاشـر_والاخير

>>>>>>>>>>>>>>----<<<<<<<<<<<<<<<

وباچر يجازينة اللّٰـه بگد تعبنا

>>>>>>>>>>>>>>----<<<<<<<<<<<<<<<

زيـنـب ::- امج تگول خلي تگعد بيت زوجها وتسكت وجهالها مايريدهم زوجها وعمج هم مايقبل يخليهم يمه ودتهم لأم خالد وهي راح تربيهم

سـارة ::- صحت بصوت عالي ،،،، شنووووو شنوووو منو گالها ميريدهم هو ما حچه هيج شي وجيرانه تعرف اني وافقت لخاطر اطفالي شعليها هي ليش تتصرف بكيفها

احس گلبي يريد يوگف من القلق سديت الاتصال بوجه زينب وبسرعة رحت للغرفة فتحت الباب ودخلت شفته منايم متمدد وبأيدة مبايله

هشام راح اسئلك سؤال اترجاك حاوبني بدون كذب لان گلبي احسه اشتعل نار ،،، گام بسرعة وتقرب يمي گال

هشام ::- خير حبي شكو شبيج

سـارة ::- انت صدگ متريد جهالي باوعلي ومثل مفتهم سؤالي ،،،، هشام الجهال تركتهم بيت اهلي واتفقت ويا امي اليوم اخذهم وهسه مترد على اتصالي وتگول ودتهم لأم ابوهم هي راح تربيهم لان انت متريدهم

هشام ::- سارة اني من البداية اتفقت وياكم الجهال ميضلون يمي يريدون يجون يشوفوج وتشوفيهم كل فتره هلا بيهم تريدين تروحين تشوفيهم ما امنعج بس ميضلون يمي

سـارة ::- حسيت النار بداخلي اشتعلت اكثر وبعد ماسيطرت على دموعي وصوتي وصرت اضحك وابچي بصوت عالي بالغرفة وافتر بمكاني ما اعرف شنو اسوي

شنو يعني ضحكتو عليه اتفقتو كلكم موو هشام انت ما گتلي هذا الكلام ولا مرة ولا فتحت هذا الموضوع واني فهمت جيرانكم اني موافقه اتزوج لخاطر اطفالي وهذا جان شرطي الوحيد تضحكون عليه انتم لو شنو

هشام ::- اهدي ونصي صوتج لا ضحكت عليج ولا شي ومن البداية اتفقت ويا عمج و وافق وگال منا وسد الموضوع بيوم العرس اخذهم واني شمعرفني ما فاتح الموضوع وياج وما تدرين

سـارة ::- انت تعرف جهالي روحي وكل شي املك واني حچيتلك هواي عن هذا الموضوع اترجاك خلي نروح نجيبهم مراح يأذوك بشي اطفال بعدهم زغار ميگدرون بدوني