رفقاً بالقوارير

الـبـارت الـخـامـس

#رفــقــاً_بالــقــواريـر

#بــقــلــم_بـتـول_حـسـيـن

            للتواصل حساب الانستا 7bt_5y

               يوزر وحساب الواتباد Batol99Hussein

#الـبـارت_الـخـامـس

>>>>>>>>>>>>>>----<<<<<<<<<<<<<<<

سارة

-مِشوآ والشوگ ذَبل لون العيون
-تِون الروُح وأشتآگت يردوُن

: عـريان يڪول | .
بڪل مَڪان بغِيبتك تارك نشِد
ﭑلموَ عزيز ۅداعَتك ما ينفڪد

زينب

انتَ بس صير بـمكاني
ومن بعدها انطيني راي

جمره ويهفها الهوى يحومر وجهها
وفجأة يندارلها ماي

>>>>>>>>>>>>>>----<<<<<<<<<<<<<<<

سارة ::- استمر خالد يشتغل بالمعمل بس شغله كلش قليل جان وحالنا كلش ضعيف مادياً بس الحمدلله مرتاحين يطلع خالد للشغل من 7 الصبح للـ7 باليل يرجع ويوميته قليله

يتعب كلش واحس گلبي ينكسر عليه وفوگ تعبه اخوه اتصل عليه وگاله اخو الولد المات صديقة يهدد لحد الان عرفته نفسه الحچه عليه عم خالد

وهنا عشنا بقلق اني وخالد وقرر يشوف بيت بغير منطقة ونغير مكانه حتى يأمن علينا اكثر وما يضل بقلق ورجعنا لنفس البهذلة

هواي تعذب يله گدر يحصل بيت اجارة مناسب انتقلنا لمنطقة جديدة وجانو الجوارين كلش حبابين خوش ناس اول يوم وحدة منهن ضلت وياي وساعدتني نظفنا البيت ورتبنا الغراض

و3 بيوت دزولنا صواني عشه لان منتقلين جديد وكل شوية تجي وحدة تسألني اذا محتاجين شي ويحلفني اذا احتاج شي ما اتردد واطلب منهن تشكرتهن وضليت كل فترة اروح ألهن

ومن عرفن اخيط ويعرفن حالتنا المادية وبيتنا اجار صارن يخيطن يمي ومن عجبهن خياطي وشافني شاطرة بهاي الشغلة كثرت الطلبات عليه

حمدت الله وشكرته وبعدها بفترة عرفت اني حامل انقهرت كلش مو ما اريدة لو اعارض رزق الله بس وضعي مو مال بعد طفل لان المسؤلية راح تزيد عليه وعلى خالد

خالد اعترض على حزني ولومي لنفسي لان ما اخذت احتياط فرح كلش بخبر حملي وصار يدعي الله يجي الطفل هذا ويجي الخير ويا وتفرج وتنحل كل مشاكلنا

ما قصر ابد صار يداريني بالفواكه والاكل واني ما اگدر اكل لان نساتي صعبه وبس اتقيء اتبهذلت كلش او 3 اشهر بعدين استقر وضعي ويا الحمل