دخلت ام مخلد سهام كانت كاشفه ولين متغطيه
ركضت سهام وضمت شجاع
استغرب شجاع وماحاوطها : وش تسوين انتي؟
سهام : انت مو شجاع اخوي !
شحاع بإستغراب : ماعندي خوات
سهام : انا سهام اختك برضاعه
شجاع : توي ادري ان عندي اخت من الرضاعه بس تدرين إسمك يشبه اسم سهمي
سهام بستغباء : مين سهمك؟
شجاع : مدري
راحت سهام ودخلوا المجلس وسلموا
سهام : وين البنات
الجدة : فالملقط
راحوا للبنات وسلموا
سهام : مين سهم؟
سهم بإستغراب : انا مين انتي؟
سهام ضمتها : انا اخت شجاع
حاوطتها سهم وبهمس : يالبيه انتي وشجاع
ضحكت سهام وراحت تجلس وتقهووا وسولفوا
الجدة : سهم روحي جددي القهوة
سهم : ان شاء الله
راحت المطبخ قابلت شحاع جايب الدلال
شافها وقال :
الخصر ضّيق ومزوي كنه دقاقه
والجنز واسع مايقدر لمك ردوفك
ودك تضّمة وتاخذ ريقه ذواقة
مافي الغنادير منهو واصف وصوفك
سهم : يمه وش جابك
شجاع : ابي القهوة بس شكلي شفت شي ازين من القهوة
سهم قلب وجها ودخلت داخل
شجاع ضحك وراح ينادي امه
الجدة : سهم وين القهوة؟
سهم : اي قهوة!
الجدة : الي قلت لك جدديها
سهم : ءء طيب بسوي الحين
الجدة : استعجلي بالله عليتس
سهم : من عيوني كم مزنة عندي
وراحت تسوي القهوة
عند شجاع وامه
ام شجاع : ها ادوختني
شجاع : متى ناوية
ام شجاع : بعد خطبة غدي
شجاع : ذولي متى ناويين يخطبون سنة هي
ام شجاع : كلموا يقولون باتسر
شجاع : على خير ان شاء الله وراح بعد ما قال لامة تسوي القهوة
جت سهم تغني
ام شجاع : اشوفك مروقة
سهم : يعني
ام شجاع : وش جابتس
سهم : اجدد القهوة وانتي ؟
ام شجاع : الشجاع بعد يبي قهوة تسوين لهم؟
سهم : من عيوني كم نادية عندي وحبت راسها وراحت تسوي القهوة
وهي تدندن
دخلت سهام عليها : وش عندتس مروقه
سهم : مو مره
سهام : وش تسوين
سهم : اجدد القهوة لنا ولرجال
سهام : بساعدتس
سهم : لا مايحتاج
سهام : افا. بزعل عليتس ترى
سهم : لا خلاص
سووا القهوة ونادوا العيال ياخذونها
دخل حمد وانصدم مين ذي اول مرا يشوفها ( سهام )
حمد : السلام عليكم مين ذي
سهم : سهام بنت خالتي
حمد : بس خالتس ماعندها الا شجاع
سهم : اي برضاعه
دخل شجاع : ماشاء الله وش القعده ذي بدوني
سهام : لا بس نبي احد ياخذ القهوة وجاء ذا وجلس يسولف
شجاع ضحك : والله وصار اسمك ذا
حمد : مايضحك وبعدين وين خواتي
التؤام : هنا
سهم : مادام تجمعنا معناتها اليوم سهره على ضوء القمر وانتي يا سهام بتنامين عندنا قولوا تم
الكل : تم
سهم : كلكم جيتوا معدا حمودي
محمد وهو يحب راسها : ياعيون حمودي جيت سمي استغرب من سهام : من ذي ؟
شجاع بضحكة : اختي الجديده
محمد : اخس حركات
شجاع : ماكنا فلينها
محمد : جد يلا نروح للرجال
حمد : سيو
سهام وهي تضحك : ياحلوّه
غدي : ياحلوّه !!!
سهام : ءء هل لا اقصد حركاته يعني
غيد ضحكت : واضح مره هههههه
سهم يلا نروح للحريم
اخر الليل
سهم : يلا بنات بروح اسوي الشاهي ضبطو الجلسة برا ولا تنسون الجلال حقكن
الكل : تمام
ضكت وراحت تسوي الشاهي وتجهز الفصفص
دخل محمد : كيف حلوتنا
سهم : الحمدلله
محمد : خلصتي الشاهي
سهم : اي يلا
في الحوش
شجاع وش رايكم كل واحد يقول قصيدة
الكل تم : شجاع ......
