نواف : متى تبين العرس؟
غدي : عادي مايفرق
نواف : بعد اسبوعين
غدي : يمه قريب
نواف : مالي دخل
غدي : زين زين
عند الرجال شجاع قال لابوه يخطبون له بعد
ابو شجاع : بمناسبة خطبة نواف حنا بعد جايين نطلب القريب منكم ياابو محمد
ابو سهم بااستغراب : بس بنتي صغيره
الجد : مايخالف يخطبها والزواج بعدين
ابو سهم : والله يابوي بنتي صغيره مابي ازوجها الحين
سعيد : انا يخال ابيها منزمان
ابو سهم : والله وانا خالك بشوف راي البنت
الشجاع في نفسه ( والله ماتاخذه وانا ابو خالد)
راح ابو سهم ياخذ راي سهم
ام سهم : بس هو يتيم
ابو سهم : واذا عادي، ياسهم مالك الا سعيد وبتاخذينه غصب عنك
سهم : بس يبه توي صغيره مابي سعيد يبه
ابو سهم عطاها كف : مو حرمه الي تكسر كلمتي
سهم نزلت راسها : بس يبه انا صغي قاطعها ابوها : اص ولا كلمه بتاخذينه غصب عنك الولد ماعنده اخد وجاء يخطبك ارده؟
سكتت سهم ونزلت راسها وقعدت تبكي
ام سهم : حرام عليك البنت ماتبيه
ابو سهم : دلع بنات بكره ترضى
ام سهم : اللي تشوفه بس صدقني مارح يعيشون سعيديين ولا يحبون بعض
ابو سهم : الحب يجي مع العشره
ام سهم : مو حنا متزوجين عن حب؟؟
ابو سهم : حنا غغغييييرررر
ام سهم استغربت منه وراحت تشوف بنتها
دخلت على سهم ولقتها منهاره : خلاص ياامي
سهم بدموع : بس يمه انا ما ابيه بعدين صالحة اخته اف اف وكملت بكاء لين نامت
عند الرجال
دخل ابو سهم : البنت موافقه
شجاع حس بموية باردة انكبت عليه وغص بالشاهي وطلع
وركب سيارتك وقال بعصبيه وعيونه حمر : والله ماياخذها وانا راسي يشم الهواء
عند سعيد كان طاير من الفرح عكس سهم الي بتموت من البكاء
اليوم الثاني
صحت سهم واخذت رقم شجاع من جوال امها ودقت عليه
شجاع وهو صاحي من النوم : الو
سهم بدموع : شجاع تكفى انا طالبتك لا يتزوجني سعيد
شجاع وهو مرتاع : والله ماياخذتس وانا راسي يشم الهواء وانا طالبتس ان دموعتس الغاليه ماتنزل على شخص رخيص
سهم وهي تشهق : ابشر وقفلت المكالمة
شجاع وهو يبتسم : قهر ماخلتني اقول لها احبك
دخلت ام سهم عليها : الفطور يبنيتي
سهم تجمعت الدموع بعيونها وهي ماتبي تشوف ابوها : يمه مابي
ام سهم : مايصير يبنيتي امس ماتعشيتي والحين ماتبين تفطرين
سهم بدموع : ماما مابي خلاص
تنهدت ام سهم بقل حيله : طيب
بعد ساعه دخل عليها ابوها : سهم تجهزي العصر بتصيرين حرم سعيد
سهم في نفسها ( حرمت عيشته )
وابتسمت تسليك للابوها
عند الجد وهو عارف سعيد وش وراه ومو راضي عن خطبته من بنته سهم
العصر عند صالحة الي تتجهز بكل حب وفرح ان سهم راحت من حياة شجاع
عند البنات يهدون سهم ، سهم صرخت وصوتها رايح من مثر البكي : بببرررررراااا مابيي احد عندي وكملت بكي طلعوا التؤام معدا سهام
سهام بحنية : شفيس يروحي
سهم : انا احب شجاع مابي سعيد
ام سهم دخلت عليهم : يلا قومي تجهزي قرواء الفاتحة الشوفة بعد ربع ساعه
سهم : ليتكم قريتوها على جنازتي
ام سهم : بسم الله عليتس يبنيتي
بعد ماتجهزت وخلصت وطلعت
ام سهم : ترا سعيد فالغرفه الي جمب المجلس موب المجلس انتبهي
سهم وهي مو منتبه : زين
والمجلس فيه شجاع يكلم صديق عمره وعشيره سعود
جت سهم قدام المجلس والغرفة وقفت وهي محتاره اي غرفة تدخل
دخلت المجلس الي فيه شجاع وشافها وقعد يتاملها
سهم بصدمة وتوتر : صد
شجاع :........
