سهم بصدمة وتوتر : صد
شجاع : النظره الاولى حلال
سهم : الله يحليك وطلعت
قال شجاع بحسره :
ياروح روحي وينس ابغاس تكفين
يا ضي قلبي جاني الي كفاني
و ماهي علومي ان كان تبغين تاتين
و لا بجيبس غصب و ذا العمر فاني
عودي تراني من رجالٍ عتبان
لا يعرفون انس هجرتي عتيبي
دخلت سهم على سعيد وكانها دخلت على موتها
سعيد : اخهه من يلوم الشجاع فيتس
سهم بقرف : شكراً
سعيد : العرس متى تبينه
سهم صدت : مايهم مدام النهاية معك
سعيد : النهاية!!! قصدك البداية المهم بعيشك ملكة
سهم : لو اعيش بخبز و ماء مع الي احبه احسن من ملكة معك
سعيد : انتي الحين زوجتي غصب عنتس اما الي تحبينه خليه يولي
سهم طلعت وراحت غرفتها تبكي
عند شجاع
طلع شجاع وتوجه الى بيت رفيق عمره صديقه واخوه سعود
تعريف بسيط عن سعود
سعود بن سلطان القحطاني
يتيم الاب الولد الثاني مع اخوه راكان وخواته وامه من الجنوب سكان الرياض
شجاع : الو
سعود : ارحب
شجاع : يلا جهز نفسك انا جايك
سعود : ابشر حياك
وصل شجاع بيت سعود وضرب بوري وماهي ثواني الا وطلع سعود
شجاع وهو متعوفس وجه: العهد قريب اركب
سعود وهو ميت ضحك على شكل شجاع : طيب
وراحوا لمخطط دايم يجلسون فيه ويسولفون ويضحكوون فيه
وصلوا ونزلوا الفرشه وجلسوا
شجاع ناظر سعود وقال : ليت لي ياسعود صدٍر مايضيق
سعود تنهد بضيق على خويه
وقال : ماعاد الحب مثل اول
يسلينا خلاص من الغرام اصلاً
اشوف ان الفراق احسن
شجاع : سعود اخههه ياسعود راحت عني مدري شلون وافق عمي على سعيد
سعود : ياحبيبن م يجي وينه؟؟
شجاع : عني قاطع في مواصيلة !!!
كلهم بصوت واحد ؛ ليه م يرحم محبينه والغلا م فيه ابد حيله
سعود : مالك الا الصبر وانا اخوك تصبر
شجاع تذكر شكلها بالبرقع وقال :
وجهك تحت برقعك يازين كنه
نور القمر خلف الغيوم الكثيفه
وعينيك كنها سجن مدري مجنه
لو شافها عنتر فلت منه سيفه
وخديك كنها يالغضي روض جنه
فيها شتاء قلبي وفيها مصيفه
ونفسي لا شافتك تغدي مطمئنه
وعيني لك تشوف ولغيرك كثيفه
وقلبي يظن وكان ماخاب ظنه
انك ملك ما خلق من بعده خلق
سعود : صح لسانك يا شاعرنا
شجاع : صح بدنك ياخوي
وانتهت اتعس ليله لـ سهم وشجاع
بعد أسبوع على نفس الحال سهم تقوم تبكي وترجع تنام وشجاع يحاول يكابر
يوم الجمعة في المزرعه
سعيد:ياعم انا أقول الزواج بعد نواف
سهم انصدمت ونزلت دمعتها (للمعلوميه عادي بجلسون مع بعض بس بنقابتهن )وكانت ماسك يد سهام وشاده عليها وشاجع حس انها راحت من يده
الجد وهو مايبي سعيد يتزوج منهم:شفيك مستعجل أنت أصبر زواج مافيه لين تتخرج سهم
سعيد:ياجد استنى خمس سنين!!!!(ملاحضه سهم لها سنتين فيي الجامعه)
الجد:ماني جدن لك ماتبي تنتضر طلقها وياخذها شجاع
شجاع حس بفرحه لان في أحتمال ترجع له سهمه
سعيد:يعقب ياخذها وأنا ابن ابوي
شجاع بهمس لمحمد:مايمدي نقول ونعم ابو خريج سجون
محمد ضحك:لا تتشمت
سعيد انقهر من تصرف محمد وشجاع:ياجد
قاطعه الجد:ماتفهم ماني جدن لك احفادي هم حمد ومحمد وشجاع وسهم والتؤام وسهام بس وغيرهم ماعندي
صالحه والجموح زعلون لأنه ماحسبهم من احفاده
العمه حصه:وبنتي الجموح مو حفيدتك
الجده:كلهم فيهم بركه الا متى تبدا الدراسه
سهم:تبدا بعد أسبوع ياربي وراي مشوار
شجاع:لاتدرسين وش لك بتعب
سهم:ياحبيبي أنا طموحي يقولوني دكتوره سهم
سعيد عصب من كلمه حبيبي:وش حبيبي انتي متزوجه!!!!
سهم يهمس مسموع:امحق زوج وامحق عيشه
شجاع ضحك:صدقتي يادكتوره سهم
ضحكت سهم:توي ماصرت دكتوره
سهام:ياربي النتفه هاذي بتصير دكتوره
سهم:مو ماليه عينك!!
سهام بضحكه:لا عيني كبيره وانتي نتفه
حمد ضحك:حدك على دكتورتنا
سهم:يااالبيه خلاص ماابي احد يناديني الا دكتوره مالي دخل
الجموح:أخف بكره تتركين العمليه وتبكين علينا
ضحكه صالحه:جد مامي فيه دم
سهم:على الاقل دكتوره احس من شهاده متوسط ههههههههه
بعد مرور اربع ايام بدون احداث مهمة تحديداً يوم الاثنين
الجد : اعجلوا الوقت راح نبا نوصل قبل الليل
شجاع : جدي خويي سعود ترا بيروح معنا
الجد : الله يحييه
راحوا كلهم للعزبه انا عند شجاع راح بيت سعود
ضرب بوري شجاع
وطلع سعود : هلا شجاع
شجاع : اخلص جب ملابس حق اربع ايام كذا وتعال
سعود : ليه
شجاع : بتروح معنا للعزبه
سعود : ...........
