جت سهم وعيون شجاع تناظرها مشتاقة لزولٍ فاقدة
سهم : لبيه يا جدي
لف الجد عبدالعزيز للعيال : اطلعوا كلكم مابي الا سهم
طلعوا كلهم
سهم بتوتر ليه ناداها : سم جدي
الجد عبدالعزيز : سهم ياامي تعرفين سعود خويي شجاع ؟
سهم بخوف : اي
الجد عبدالعزيز : خطب سهام وابيتس يابنتي تعلمينها
سهم ارتاحت : ابشر الان برووح واعلمها
الجد عبدالعزيز ابتسم وراحت سهم
سهم تطق الباب على سهام
سهام : مين
سهم : حرامي
سهم بابتسامه : ارحبي
سهم : البقى يابعدي اسمعي ابيك بموضوع
سهام استغربت : وشو
سهم : تخيلي من خطبك
سهام بصدمه : ايش
سهم : شفيك سعود خطبك تكفين وافقي ترا سعود لواء مع شجاع
سهام تذكرت كلام حمد لها : بفكر
سهم : ترا يجنن وافقي
سهام : بفكر وبعلم امي واخواني
دقت سهام ع اخوها مخلد يجي ياخذها وعلمت اهلها ان سعود خطبها
بعد اسبوع بدون احداث مهمه
رجعوا نواف وغدي
عند اهل نواف الظهر
ام مخلد بعصبيه : لين يالين المجلس نظيف
لين : اي يايمه من امس نظيف
نوف : يمه ليه معصبه
ام مخلد : مافيني شي غير اخوتس قاهرني من اعرس ماكلمني
نوف بحنيه : يمه الله يهديتس اكيد مشغوله مع عروسته ولا هو يقوى يخليتس مايكلمس
ام مخلد : يشوف بس يجي
بعد ربع ساعه :
دق الباب
لين : مين
نواف : حرامي
لين فتحت الباب وضمت نواف : احلى حرامي
نواف بحنيه : شلونس يابعد روح اخوس
لين : بخيرولفت لغدي حي الله بنتنا
غدي ببتسامه : الله يبقيس يقلبي
دخلوا
نوف بيتسامه : ارحبوا حي الله من جانا
غدي : الله يبقيس يروحي
نواف : نوفي صايره حلوه
نوف بضحك : شقصدك
سهام وهي جايه : هي دايم حلوه
غدي : ارحبي سهامي
سهام : البقى ياغدوي
دخلوا على ام مخلد
نواف : شلونس يمه
ام مخلد بحنيه : بخير ياوليدي
غدي : كيفس ياخاله
ام مخلد كشرت : بخير
سهام لاحضت امها ولفت لغدي : كيفس عساس استانستي مع اخوي
غدي : اي الحمدلله
بعد نص ساعه راحوا نواف وغدي لشقتهم
نواف : شرايك انا اللي مئثثها
غدي : تجنننننن
نواف : انتي الي تجنيننن
غدي : نواف ابيك العصر توديني لاهلي
نواف : ابشري بيتكم ولا بيت جدس ؟
غدي : لا بيت جدي
نواف : تمام
عند بيت الجد عبدالعزيز
حمد : يبه غدي جت اليوم
العم نايف : الحمدلله على سلامتهم طيب
غيد وهي جايه فهمت حمد : يبه م فهمت
العم نايف : لا وش يقصد
حمد : الخطبه متى
العم نايف : اي اليوم مع عشاء غدي
الكل : تمام
جاء العصر
غدي : نواف يلا ودني
نواف : يلا
وصلوا نواف وغدي لبيت الجد
طقوا الباب وفتح لهم العم عبدالله
غدي بصدمه : عمي متى جيتوا ؟؟
العم عبدالله بضحك : مفأجاة ارحبوا
الكل : البقى
دخلوا فالمجلس
محمد دخل : ارحبوا يهلا
نواف : البقى
محمد ناظر غدي : ارحبي يبنت العم شحالس
غدي : البقى بخير وانت
محمد : بخير دامتس بخير
نواف تضايق من محمد بس سكت
دخلوا العم نايف والجد عبدالعزيز
العم نايف : حي الله عيالي
غدي : الله يبقيك يا يبه
نواف : البقى ياعم
الجد عبدالعزيز : الليله العشاء عندنا قل تم
نواف : تم
محمد بمزح : ياغدي عسى م قالتس شي شوفي ان زعلتس
انا وشجاع اخوانس بعد حمد
غدي ضحكت : لا م قالي شي ونعم فيك انت وشجاع
الجد عبدالعزيز : ومحمد صادق ان ناقصتس شي ابد
محمد وشجاع موجودين عقب ابوتس وحمد
ابتسمت غدي
نواف تضايق من كلامهم وخاصة محمد ومزحه
دخلت غدي داخل
ام خالد بصراخ : ارحبي يابنيتي
غدي بحنية : البقى يايمه ( هي جدتهم بس مرات يقولون جده او يمه او جدي او يبه )
جو ام حمد وام سهم والبنات وسلموا وقعدوا يسولفون
سهم : اي نسيت اقولكم
التؤام : وشو
سهم : سهام انخطبت
غدي : صدق
غيد : من اخذت؟
سهم : سعود خوي شجاع
غيد : وافقت طيب ؟
سهم : لا للحين تفكر تقول بسأل اهلي
غيد : طيب بقولكم شي
سهم وغدي : وشو
غيد : اليوم فالعشاء ابوي بيخطب ابتهال لاحمد ان شاء الله
سهم : الله جد بيكون زواجات عندنا
غدي بمزح : خير تراني مالي شهر من تزوجت ليه ماعلمتوني
غيد : عانتس دريتي لفت سهم هم زواجين كيف صار زواجات
سهم بتلميح : يمكن احد من اهلنا بيخطب
التؤام : من
سهم : مابعلم مفاجأة
دق نواف على غدي
غدي : بنات بكلم نواف واجيكم
سهم : روحي ردي لا يموت علينا
غدي : لا والله
غيد : وهي صادقه
ضحكت غدي وردت على نواف
غدي بضحك : هلا
نواف : تضحكين من وش
غدي : البنات
نواف : اي اسمعي
غدي : هلا
نواف بعصبيه : مكان فيه محمد وشجاع لا تجلسين فيه
غدي باستغراب : ليه
نواف : وليه بعد ماتشوفين كيف يتكلم معتس ولا جدس خير لا بغيتي شي علميهم وانا وين رحتت وليه بهاوشس مثلا ولا بضربس يوم يهرجون كذا
غدي بصدمه : نواف ليه كذا ترا محمد وشجاع عيال عمي وحسبت اخواني مافيها شي يوم كنت صغيره يدافعون عني ويجيبون لي الي ابي
نواف بعصبيه : هااا انتيي قلتييهااا يوم ككنتييي صغييره الحين لا ماتكلمينهمم ولا تجلسسين معهم فاهممه
غدي بحزن وماودها يكبر الموضوع : تمام
قفل نواف وراحت غدي للبنات وجلست عندهم
غيد : وش فيس
سهم : لا يكون ضايقتس
غدي قالت لهم السالفه
غيد : خير مريض ذا
سهم : جد عشان جدي ومحمد تكلموا قلب عليتس
غدي بحزن : خلاص بنات انسوا الموضوع
وقت العزيمه
