راحوا ينامون
اليوم الثاني الساعه ٢:٣٠ الظهر
العم عبدالله : يامناهل قومي سهم بسرعه واخذوا اغراضكن انا بقوم محمد
ام سهم : ابشر ، راحت ام سهم تقومها
ام سهم بهمس : سهم قومي بسرعه قومي قبل لا يقومون البنات
سهم بنوم : نعم يمه ابي اناام
ام يهم : قومي بنمشي قامت سهم
عند ابو سهم ومحمد
العم عبدالله بهمس : محمد قوم نبي نمشي بسرعه
محمد : وش يبه
العم عبدالله : اخلص نبا نمشي
قام محمد
وركبوا الموتر
سهم بنوم : وين بنروح
العم عبدالله وهو يسوق : بنمشي لعفيف
سهم ومحمد : ليه يبه م نبي رجعونا
ام سهم : بس ياعيال حنا بنروح نغير جونا ويمكن نعتمر
العم عبدالله : اي بنقعد ٣ شهور لاحد يدري انّا في عفيف
سهم بزعل : ليه طيب ٣ شهور ؟
محمد : عشان عدتس ياغبيه
سهم : اي
محمد بهمس : يعني مافي غيد في عفيف
سهم سمعتته : لا مافي
محمد انحرج
بعد ساعه
العم عبدالله : محمد سمعنا شي
محمد: ابشر
انتي بقلب العتيبي وانتي معشوقة
حبك تمركز بقلبه يصعب اخراجه
ماله شبيه ، سوا برقا مع الروقة
يوم انزلوا نجد ، حرابة وسهاجه
الكل : يازين صوتك
سهم : حمود ابي شمس العصر
محمد :
يدري ان حبه عمل فيني عمايل
وادري ان وده يغامر ويتجرا
حايلٍ من دونه سلوم القبايل
و الوصل محذور والعالم تزرا
ياحبيبي ليت لووصالك وسايل
عند الجد عبدالعزيز واهله قاموا لصلاة العصر
الجد عبدالعزيز : شجاع رح ناد عمك عبدالله والعيال
شجاع : ابشر
راح شجاع يناديهم ومالقى عمه وولده
شجاع بقلق : يجدي عمي وولده مب فيه
الجد عبدالعزيز : لا حول ولا قوة الا بالله وين راحوا
شجاع : والله مدري دخلت اناديهم مالقيتهم
دخل العم نايف والعيال
العم نايف : مساكم الله بالرضا وشلونك يبه وحب راسه
الجد عبدالعزيز : هلا ابد عبدالله مو موجود
العم خالد وهو جايب الغدا مع الجد مسعود : وش حالكم يارجال وين عبدالله ومحمد
شجاع : رحت اقومهم ومالقيتهم
العم خالد غريب يمكن رايح يجيب اغراض بشوف الحريم هنا
دخل العم خالد قسم الحريم : ناديه يا ناديه
جت ام شجاع : هلا علامك تصايح
العم خالد : سهم وامها فيه
ام شجاع : ماشفتهم من الصبح
العم خالد : ابو محمد وولد مب فيه
ام شجاع : غريب وين راحوا
العم خالد : مدري والله
عند سهم واهلها
سهم : بابا
العم عبدالله : هلا
سهم : ابي البقاله وابي شاحن
العم عبدالله عطاها شاحن : البقاله بنجيها بعد شوي
محمد : يبه مايحتاج بقاله
سهم : على كيفك بابا انا ابي
محمد : انتي مدلعه
ام سهم : تستاهل الدلع حبيبه ماما
سهم : موت حره يالخنزير
العم عبدالله : خنزير مره وحده ههههههه
سهم : اي يستاهل
بعد خمس دقايق
العم عبدالله : .....
حنا اسف على السحبه وعد انزلكم بارت هالاسبوع ثاني ان مارحنا للديره
