سهم : يحظ اخوي بس
غيد بحياء: خير
غدي : سومي صورتي التجهيزات ؟
سهم : اي
غدي : ارسليها لي
عند الرجال
بعد ما استقبلوا الضيوف ورحبوا بهم
جاء وقت خطبة حمد
العم نايف : والله يابو ريان جايين على سنة الله ورسوله نبي القرب منكم وطالبين نسبكم نبي نخطب كريمتكم لـ ولدي حمد واللي تبونه ابشروا به
الكل لف يناظر لـ هِمام
هِمام : والله يابو حمد حمد والنعم فيه ورجال و الكل يشهد فيه
وحنا نشتري رجال بس الشور شور البنت ما اقدر أغصبها على شي
ماتبيه والله يكتب اللي فيه الخير
العم نايف : ابد اخذوا راحتكم
راح هِمام يسأل ابتهال ، عند حمد
حمد بتوتر : شجاع لو رفضتني
شجاع : مب صاير الا اللي كاتبه ربي
حمد : يعني الحين ريحتني
شجاع : اي
عند هِمام
هِمام : يالعنود العنود ياابتهال
جت ابتهال : هلا يبه امر
هِمام : نادي امتس وتعالوا المجلس
ابتهال : ابشر
بعد دقايق دخلوا ابتهال وامها
هِمام : فيه موضوع بقولكم عنه
العنود : وشو
هِمام : حمد خطب ابتهال
ابتهال بصدمه : كيف
العنود زغرطت : صدق
هِمام : شرايك ياتولي
ابتهال بتوتر : شرايك يابوي فيه
هِمام : والله حمد رجال ونعم فيه
ابتهال بحياء : شورك وهداية الله
هِمام قام يحب راس بنته وقال : مبروك يابنيتي
العنود بدموع الفرح : مبروك يمي
طلع هِمام للرجال
هِمام : الله يتمم لهم يابو حمد
العم نايف : مبروك ياحمد
حمد بفرحه مش سيعاه :الله يبارك فيك يبه
الكل قام يبارك لحمد
نواف : مبروك يحمد الله يتمم لك على خير
حمد : الله يبارك فيك امين يارب
عند الحريم
وصلهم خبر خطوبه حمد وابتهال
الكل يبارك لابتهال ويدعون لهم بالخير
سهام بزعل : مبروك يقلبي و الله يوفقكم
ابتهال : الله يبارك فيتس يروحي وعقبالس
سهام وهي تفكر في سعود : امين
راحوا الضيوف
نواف دق على غدي عشان تطلع
نواف : الو تعالي يلا
غدي : لا بنام مع البنات اليوم
نواف وهو ماسك عصبيته : غدي اطلعي
غدي : نواف تكفى بقعد مع البنات منزمان عنهم
نواف : مابي اكرر كلامي
غدي : اففف جايه
قفلت غدي وراحت تاخذ اغراضها وتسلم على البنات
سهام : غدوش وين رايحه
غدي : بروح نواف برا
غيد : اقعدي وابوي يكلمه
غدي : لا مره ثانيه اخاي عصب
ابتهال : اللي يريحك
غدي : باي
الكل : باي
طلعت غدي وركبت مع نواف
نواف : يمرحبا
غدي وهي منفسه : هلا
نواف : شفيس
غدي بزعل : نواف يعني البنات متجمعات ليه م خليتني اسهر هناك
نواف ماسك عصبيته : غدي خلاص انهي الموضوع
غدي : انت شفيك من يوم جينا بيت جدي متغير علي وامك الل... سكتت غدي
نواف وهو ماسك عصبيته : شفيها امي
غدي : لا ولا شي
نواف بصراخ وعصبيه : تكلللمممييي ششفيههااا اممممي
غدي بخوف : امك تحطمني تقول شكلك خايس ويفشل
نواف ناظرها : عندك صوره لشكلك
غدي : اي
نواف : وريني
ورته غدي
نواف منصدم من شكلها : تتتهبلللين
غدي : جد
نواف : قسم قمر معي
وصلوا البيت
نزلت غدي عبايتها جاها نواف وحاطها
نواف : غدوي قسم تهبلين وقمر قليل بحقس
استحت غدي
قرب نواف منها وطاحت عيونه على ثغرها و..........
عند البنات
سهم : بنات شفيها ام نواف شايفه نفسها
ابتهال : اي تغث
ريم : ودي اعرف وش قالت لغدي يوم انها قلب وجهها
سهام : احم شكلكم نسيتوا انها امي
ريم الحق ينقال بس لا تزعلين
سهام : عادي حتى انا مستغربه قلبت على غدي
سهم : قايله لها شكل خايس
سهام : فذمتس
نورا : الذمه حرام
سهم : اي والله غدي جتني وقالت لي
جت غيد ومعها اكل
غيد : الاكل اليوم ع حسابي عشان عروستنا ابتهال
ابتهال استحت
ناظرتها سهام بكره وصدت
اليوم الثاني
شجاع بصراخ : قوموا صلاة الفجر
حمد بانزعاج : خلاص ياخيي
شجاع : بتقومون ولا انادي ابوي عبدالعزيز
الكل : خلاص قمنا
توضوا ودخلوا المسجد
في الركعه الثانية دق جوال حمد وكان نغمة الجوال النشبه ذا يبيك والصوت عاللي
خلصوا صلاة وطلعوا من المسجد
الجد عبدالعزيز بعصبيه : من اللي دق جواله
حمد : مادريت يجدي
الجد عبدالعزيز : انا ماني قايل لكم خلوا جوالاتكم على الصامت ؟
الكل : الا
الجد عبدالعزيز : امشوا قدامي للبيت
الكل : ابشر
قعدوا فالحوش ينتظرون الفطور
عند البنات
غيد : بنات كم باقي على رمضان
سهم : اتوقع اسبوعين تقريبا
سهام : الله يعديه على خير مير قومن نصلي
قاموا يصلون وسهام تدعي ان سعود يكون خيراً لها
عند العيال
حمد : شجاع اطربنا
شجاع وهو يهوجس :
من نشدني قلت مدري
والله اعلم ما بصدري
اكتم الاسرار والاحزان
عني ما تغيب
يانظر عيني علامك
قاطعن عني سلامك
اشهد ان الوصل
فالخلاف من قل النصيب
بتال : ياااا سلااااام
العم محمد « ولد الجد مسعود » ياحمد سمعنا صوتك
حمد تنحنح :
أتناسى يا محمد من الحب القديم
دام ذكره مايردّه فلا به فايده
كم سهرت وحول الدمع من جرحٍ اليم
اتذكر ايامٍ مضت لي ولاهي بعيده
سلمان : ماشاءالله
العم محمد : ماودكم عقب الرمضان نسافر
الكل انقسم قسمين : لا ، اي
حمد : ليت كل الناس مثل عمي محمد
شجاع وهو ناوي ينكب حمد : وش فيه عمي محمد ؟
حمد : عمي محمد مامن مثله وسيع صدر وفله والكل يحبه
هِمام بتمثيل العصبيه : يالخسيس هذا وانا مزوجك بنتي
حمد بتوتر وصوت عالي : ماتعرفون عمي هِمام الشقردي الكريم الطحطوح السنافي القادح طير شلوى
الكل ضحك من حمد
هِمام وهو ميت ضحك : اي اي بّعدي
بتال : الا شرايكم نسافر
الجد مسعود : لا اصلا حنا بنمشي متى يمديكم تسافرون
الكل : للللاااا
الجد عبدالعزيز : حلفت عليك ان تصومون معنا رمضان كامل
الجد مسعود : شف ياخوي لو مو حلفك كان ماقعدت
الجد عبدالعزيز : البيت بيتكم خلوكم معنا و العيال مستانسين
شجاع : اي بالله مستانسين
قام العم عبدالله رايح يشوف الفطور لحقه محمد
محمد : يبه يبه
......
اسفه ع التاخير واتمنى تعذروني
