*السلسلة الرائعه 🌸 جنة الدنيا 🌸*
⏳الحلقه 14⏳🌻سلسلة تأخذ قلبك أكثر إلي الصلاة 🌻
🍥 نكمل أجمل معاني في الصلاة وبعد ما فهمنا وشىرحنا المعاني الرائعه في سورة الفاتحة
وصلنا الركوع وركع الامام .. وإنت رفعت إيدك وقولت "الله أكبر" وركعت وراه ..
🔅ومن تاني بيتجدد معني "الله أكبر" ف قلبك ؛ وبتطرد الدنيا من قلبك وبتقبل علي الله أكتر واكتر..
🔅ركعت وانحنيت لله وانت ف منتهي العزة والفخر بأنك بتنحي بجسمك تعظيما للملك تبارك وتعالي .. وكذلك بدات تعظمه بلسانك وتقول : "سبحان ربي العظيم "
▫️وانت بتقول كلمة " العظيم " دي وقلبك هيدوب من مشاهد عظمة ربنا ف الكون اللي استحضرتها ! فالله هو العظيم ف ذاته العظيم ف اسمائه كلها العظيم ف صفاته كلها العظيم ف قدرته وقوته العظيم ف علمه العظيم ف كل شي سبحانه وتعالي .
🔅ومن اذكار الركوع اللي النبب صل الله عليه وسلم كان بيقولها :
👈 (سبوح قدوس رب الملائكة والروح )
▫️سبوح : المبرا من النقائص والشريك وكل ما لايليق
▫️القدوس : المطهر من كل ما لا يليق بالخالق
▫️الروح : النفس ، وروح القدس : جبريل عليه السلام
🔅وأيضا من اذكار الركوع الصحيحة:
👈(سبحان ذي الجبروت والملكوت والكبرياء والعظمة )
▫️سبحان : تنزية الله عز وجل من كل نقص وعيب .
▫️الجبروت : مبااغة من (الجبر ) وهو القهر .
▫️الملكوت : مبالغة من (الملك) وهو التصرف .
▫️الكبرياء : العظمة والسلطان .
🔅وأيضا من أذكار الركوع الصحيحة :
▫️" اللهم لك ركعت ؛ وبك أمنت ؛ ولك أسلمت وعليك توكلت ؛ أنت ربي خشع سمعي وبصري ولحمي ودمي ومخي وعصبي لله رب العالمين "
❤ يعني أنا انحنيت لك يارب ..
وخشعت بسمعي وبصري ولحمي ودمي وكل ذرة ف جسمي لك يارب ..
وتحس وانت بتقول كل كلمة من كلمات الدعاء ده بالخضوع التاااااااااام لله خضوع يخلي قلبك يرتجف من عظمة الملك عز وجل .....
🍥 إنتهي الامام من الركوع ورفع منه وقال :
"سمع الله لمن حمده " يعني الله عز وجل هيتقبل الحمد من اللي هيحمده فانت اول ماسمعتها من الامام رفعت راسك وإنت كلك شوق ولهفة إنك تقول : " ربنا ولك الحمد "
🌼 واستشعرت وانت بتحمد ربنا بعض من نعم الله عليك اللي لو فضلت طول عمرك تصلي وتصوم وتعبد ربنا مش هتوفي حقها ... ومن ضمنها النعمة اللي إنت فيها دلوقتي .. نعمة هدايتك للصلاة ف وقتها ووقوفك بين يدي الله ومناجاته ..
كم واحد ع وجه الارض ف الوقت ده محرومين من النعمة العظيمة دي ؟؟؟؟؟
👈وفيه احاديث تانية للحمد فيها زيادة :
▫️"ربنا ولك الحمد حمدا كثيرا طيبا مباركا فيه "
وده لانك لما حسيت بتعم ربنا عليك فعايز تحمد ربنا وتبالغ ف الحمد (حمدا كثيرا ) ويكون خالص من الرياء (حمدا طيبا ) وكذلك (مباركا فيه ) ..
✅والدعاء اللي فات ده له اجر عظيم جداااا ..
👈ف صحيح البخاري عن رفاعة بن رافع قال : كنا نصلي وراء النبي صل الله علي وسلم فلما رفع راسه من الركعة قال : سمع لمن حمده فقال رجل وراءه : *ربنا ولك الحمد حمدا كثيرا طيبا مباركا* فيه فلما انصرف قال صل الله عليه وسلم من المتكلم انفا ؟
قال انا ، قال صل الله عليه وسلم :رأيت بضعة وثلاثين ملكا يبتدرونها أيهم يكتبها اول "
❤ولأنك لاول مرة تحس بالكمية الرهيييبة من النعم اللس انت غرقان فيها خرجت كلمة ربنا ولك ا لحمد من قلبك لاول مرة بصدق الصدق اللي يخليك تكون يوم القيامة من افضل عباد الله..
▫️قال رسول الله صل الله عليه وسلم :
افضل عباد الله تعالي يوم القيامة : الحمادون "
ربنا يجعلنا جميعا منهم .. اللهم أمين ..
👈نكمل الحلقة اللي جاي ان شاء الله 🌻
🌸🌸🌸🌸
#جنة_الدنيا
#حياتي_دعوة
