*السلسلة الرائعه 🌸 جنة الدنيا 🌸*
⏳الحلقه الاخيره ⏳🌻سلسلة تأخذ قلبك أكثر إلي الصلاة 🌻
⏳ تعالوا نخلص الكلام اللي ذكرنها ف بعض النقط كمفاتيح للوصول للخشوع ف الصلاة :
🔅1- معرفة الله :
هي أهم سبب للخشوع فلازم تعرف ربك الرحمن الرحيم الملك العزيز الجبار الخالق الرازق الحي القيوم لو عرفت ربنا بأسماءه وصفاته حق المعرفة مش هتخشع ف الصلاة وبس بل هتخشع ف حياتك كلها وهتراقب ربنا ف جميع أعمالك وحياتك كلها هتتغير باذن الله ..
🔅2- تحديد الهدف :
لازم تحط الخشوع كهدف قدامك ف الصلاة وتجاهد نفسك علشان توصل له ... وكل ما تسرح ع طوول تفتكر هدفك وترجع تجاهد نفسك وتركز من تجاهد .
🔅3- الخوف من ضياع الثواب :
وعلشان الخشوع يبقي هدف قدامك ؛ لازم تخاف ع صلاتك وتعرف ان الخشوع هو روح الصلغة ؛ وان ثواب الصلاة ع قدر الخشوع فيها !
🔅4- الاستعداد والتهيئة :
▫️تهيئة بدنية : بطهارة الجسم ولبس احسن الثياب ..
▫️تهيئة قلبية : حاول تحضر نفسك للصلاة من قبل الاذان ب 10 دقايق مثلا تروح المسجد ..
👈وانتي ياأختي تكوني قاعدة ف مصلاكي ف البيت ... واستشعر ان العبد مينتظرش ان سيده ينادي عليه علشان يروحله .. بل هو من اشتياقة وحبه وحسن خلقه اللي يبادر اليه وكمان الاستعداء قبل وقت الصلاة هيخليك تلحق تردد والاقامة وتلحق الصف الاول وتكون فرغت قلبك من مشاغل الدنيا وهمومها .. وجهزته للدخول ف الصلاة .
🔅5- البداية من الوضوء:
ابدا استعشر حلاوة الصلاة وافتكر انك بتغسل من ذنوبك كلها مع كل عضو بتغسله .
🔅6- استحضر عظمة الملك :
قبل ماتقول " الله اكبر " وتبدا ف الصلاة افتكر انت واقف قدام مين ؟؟ واستحضر عظمة ربنا ف قلبك وافتكر وقوفك للعرض ع الله والحساب يوم القيامة .
🔅7-ركز ف كل كلمة :
تدبر وتفكر بقلبك ف كل كلمة بتقولها ف الصلاة لااااااااااازم تركز ف كل كبلمة بتقولها وتعرف معني الكلام اللي بتقوله .. اصل الصلاة عبادة تمارين رياضية بتعملها وكلام بنردده وخلاص .
👈 عايزك تركز ف التكبير ومع كل تكبيرة (الله اكبر ) استحضر معاني الله اكبر ف قلبك وعييييش معاها
▫️-ركز ف دعاء الاستفتاح ومعناه والفاتحة واياتها.
▫️-ركز ف القران اللي هتقراه واشتري كتاب وافهم وتدبر ف الايات اللي هتغير حياتك لو فهمتها .
▫️-ركز ف اذكار الركوع والقيام والسجود والتشهد .
▫️-ركز ف كل كلمة بتقولها ف الصلاة لان كل كلمة ليها معانيها واحاسيسها اللي لو حسيت بيها ودخلت قلبك هتخليك خاشع ومستمتع ومتلذذ بالصلاة .
🔅8-الفاتحة لها شان اخر :
لازم يكون لك وقفة مع سورة الفاتحة اللي بتقراها ف كل ركعة لازم تقف عند نهاية كل اية وانتظر واستشعر رد ملك الملوك عليك وعيش بقلبك وروحك الموقف ده .
🔅9-التنويع ثم التنويع :
ورد عن النبي صل الله عليه وسلم أكثر من ذكر ف اركان الصلاة اشتري كتاب الاذكار زي " مختصر النصيحة " واحفظ منهم ونوع ف الاذكار وسور القران علشان متملش من التكرار
🔅10-اسجد واقترب :
افتكر وانت ساجد انك اقرب ما يكون من ربك حبيبك والله لو حسيت المعني ده بجد قلبك هيدوب من الخشوع !
🔅11- احترس من خنزب :
شيطان الصلاة اسمه خنزب اول ما تحس بوسوسته تعوذ بالله واتفل " هواء به رداد من الريق وليس بصاق" عن يسارك 3مرات
🔅12- اخر الصلاة :
تخيل لو قولتك ان باقيلك ف الدنيا ربع ساعة وهتموت هسيبك تصلي فيهم ركعتين هتصليهم ازاي ؟ اكيد هتفتكر الموت والحساب وهتنسي الدنيا كلها ما انت خلاص هتموت وتسيبها طيب ماهوانت فعلا مش ضامن ان اي صلاة بتصليها تكون اخر صلاة فحاول يكون ده احساسك مع كل صلاة بتصليها ..
🔅13- الطمانينة:
لو صليت بسرعة مش هتحس باي معني للصلاة فانا عايزك تدي كل حركة ف الصلاةحقها ف القيام والقراءة والركوع والسجود والجلوس .. متستعلجش !
🔅14- لازم تدريب :
لازم تدرب نفسك ع الخشوع وافضل مدرسه هتتدرب فيها هي مدرسه (قيام الليل ) .. قوم بالليل والناس نايمة وصلي ولو ركعتين واعصر عينك وحاول تبكي واستحضر قلبك واتدرب ع الطمانينة ف الصلاة قوب الاذكار بقلبك واتفكر ف معانيها و وقتك ف الركوع وطول ف السجود والدعاء ..
🔅15-إدمان الاستغفار :
ليه بنقول ادمان لان كل معصيمة بتعمل نقطة سودا ع قلبك وبتكون طبقة صدا عليه وده بيسبب قسوة قلبك وعدم خشوعه .. الإستغفار بيشيل كل السواد ده ويكسر طبقة الصداء ويخلي قلبك يرق ويلين للخشوع .
🔅16- استعن بالله:
ادعي ربنا والح ف الدعاء انه يرزقك متعة ولذة الخشوع وقول : اللهم إني اعوذ بك من عين لا تدمع ومن قلب لا يخشع
🌹باذن الله لو بدانا ف تنفيذ الخطوات دي ومع المجاهدة والصبر زي ما قولتلكم هتلاقي نفسنا بدانا نحس بلذة الصلاة ...
🍥 🍥 🍥 🍥 🍥
#جنة_الدنيا
🌸🌸🌸🌸
#جنة_الدنيا
#حياتي_دعوة
