*السلسلة الرائعه 🌸 جنة الدنيا 🌸*
⏳الحلقه 16⏳🌻سلسلة تأخذ قلبك أكثر إلي الصلاة 🌻
🍥 نكمل أجمل معاني في الصلاة وبعد ما فهمنا وشىرحنا المعاني الرائعه في سورة الفاتحة ومعاني الركوع.. وصلنا للسجود وفهمنا معاني السجود..
👈 وانتهي السجود والإمام كبر وجلس ، وإنت كبرت وراه ولسه معاني الله اكبر بتجدد ف قلبك مع كل تكبيرة ولكن حسيت من حلاوة السجود ان قلبك كان عايز يفضل ساجد وعايش معاني القرب ومش عايز يقوم من السجود !!
🍃 رفعت من السجود وجلست بين السجدتين تقول : " رب اغفرلي رب اغفرلي "
🌼 لو تاملت ف الدعاء ده لازم هتسال نفسك : ليه تطلب المغفرة تاني ؟؟؟ ما انت لسه ف السجود كنت بتقول اللهم اغفر لي ليه بعد ما ترفع من السجود ترجع تاني تقول رب اغفرلي ؟؟
❤أصل قلبك بعد ماقرب وشاف عظمة وجلال الملك ف السجود حس قد ايه هو حقييييييير حس بعظمة ذنوبه واجرامه وغفلته وجحوده للنعم وتقصيره الشديييييييييد تجاه الملك سبحانه وتعالي !!
فكان لازم يستغفر ويطلب العفو والمغفرة !!
🍃 وأيضا من الأدعية بين السجدتين : " اللهم اغفرلي وارحمني واهدني وعافني وارزقني "
والمتامل ف الدعاء ده هيلاقيه دعاء بسيط ولكن كاماته كلمات عظيمة جدا النبي صل الله عليه وسلم قال عنها :" هولاء يجمعن لك دينك ودنياك "
🌼 كبر الامام وسجد مرة تانية وانت كذلك .. لكن تعالوا نقف وقفة ! اشمعني السجود مرتين ؟؟
⛅ ليه مش مرة واحدة زي بقيه أركان الصلاة ؟؟؟
الله اعلم طبعا وله حكمته ف ذلك بس لو اجتهدنا هنقول إنك لو سجدت بقلبك بجد مش هتقدر أبدا تكتفي بسجدة واحدة أصل السجود ميتشبعش منه !
لو قمت لركعة جديدة بعد سجدة واحدة هتقوم وقلبك محروم !!
هتقوم وقلبك لسه ما أخدش كفايته !! فبترجع تروي عطشه للقرب وتسجد من تاني ....
👈نكمل الحلقة اللي جاي ان شاء الله 🌻
🌸🌸🌸🌸
#جنة_الدنيا
#حياتي_دعوة
