صلوا علي رسول الله
لااله الا انتي سبحانك اني كنت من الظالمين
السلسلة الرائعه 🌸 جنة الدنيا 🌸
💎الحلقة 1💎.. ( عيشها بقلبك)✅
🌻-قرأت مقولة عجيبة جداا لاحد الصالحين ،بيقول فيها :
(إنه لتمُرٌ بي أوقات أقول : إن كان أهل الجنة في مثل هذا ، إنهم لفي عيش رغيد !!!)
😊وطبعا الكلام ده مدخلش دماغي .. او بمعني صح مكنتش حاسس بيه !!
🌻ولما سالت وعرفت ان الكلام ده فعلا مش محتاج فهم الكلام ده خرج من انسان عاش المعني ده بجد ، ومفيش حد هيستوعبه غير لما يعيشه ويحس بيه !
👈أنتو عارفين الكلام اللي قاله ده معناه ايه ؟؟
❤ الرجل اللي قال الكلام ده ياشباب ، وصل لمرحلة من السعادة والراحة والمتعة واللذة في حياته ، جعلته يقول إن لو حياتنا ف الجنة هتبقي بالمنظر ده كده ،دي تبقي حياى مفيش بعدها تاني !!!
👈الرجل ده ملقاش حاجة ف الدنيا كلها تشبه الاحساس اللي هو كان حاسس بيه ،
▫️ فقال إن ده ممكن يكون احساس واحد عايش في الجنة !!!
▫️مش نفسك تعيش الحياة دي ؟؟؟
▫️هتقول : طبعا .. بس أنا أعيش ربعها حتي !!
▫️هقولك : إنت عارف كويس ازاي ممكن تعيش الحياة دي .. ايوه ..
👈 إنت عارف كويس جدا الطريق اللي ممكن يوصلك إنك تعيش جنة الدنيا !!
🍃 عارف بس للاسف معندكش يقين قلبك الشيطان زين له الدنيا وشهواتها وقاله هي دي اللذة اللي كل الناس عايشاها ، عيش معاهم واستمتع حتي لو حرام وسيبك من الناس اللي بتقولك السعادة ف العبادة والكلام ده كله سعادة ايه اللي هتجيلك وانت اصلا رجلك بتوجعك من الصلاة وبطنك بتوجعك من الصيام ؟؟
⛅ وهكذا الشيطان رسخ في عقلك ان السعادة هي سعادة الجوراح وانساك ان فيه حاجة اسمها (قلب) انساك ان السعادة الدائمة الحقيقة هي (سعادة الروح ) واللي مستحيل توصلها الا من طريق واحد .. طريق طاعة ربنا ..
🌻 قال الله :
فَمَنِ اتَّبَعَ هُدَايَ فَلَا يَضِلُّ وَلَا يَشْقَىٰ ... وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ )
😊يبقي اتفقنا ان انت عارف طريق السعادة كويس ومهما كنت فقير أو مريض او عندك هموم ومشاكل الدنيا هتعيش الحياة جنة بحُِب ربنا لك لو اطعته وبرضا ربنا عنك لو رضيت عنه سبحانه وتعالي ..
👈 انا في السلسة دي هتكلم معاكم عن اكثر حاجة ممكن تسعدك الحاجة اللي النبي صل الله عليه وسلم إنها " قرة عينه " يعني منتهي السعادة ...
🍥 ولو انت عملت الحاجة دي زي ما النبي صل الله عليه وسلم كان بيعملها هتبقي قرة عينك وهتعيش معاها جنة الدنيا .
🌸🌸🌸🌸
#جنة_الدنيا
صلوا علي الحبيب المصطفي
