صلوا علي من ياتي يوم القيامه ويقول امتي
لااله الا انت سبحانك اني كنت من الظالمين
*السلسلة الرائعه 🌸 جنة الدنيا 🌸*
⏳الحلقه ٤⏳🌻ونكمل موضوعنا ونشعر بنداء الله تعالي لنا في معاني كلمات الأذان🌻
🌻أشهد ان لا اله الا الله .... اشهد ان لا اله الا الله
👈يعني ايه ؟؟ ... يعني إنت بتشهد وبتقرا ان مفيش في الكون معبود بحق الا الله سبحانه وتعالي ...
🍃طيب هي فين عبادتك اللي بتقوم بيها للمعبود وإنت مش عايز تقوم تصلي ؟؟؟
🍃انت بتشهد وتقول اشهد ان لا اله الا الله .. يعني بتقول مفيش ف قلبي اله غيرك يارب !!
هل انت صادق ف كلامك ومفيش ف قلبك اله غير ربنا ؟؟؟ هل انت صادق فعلا ؟؟
😔اصلا للاسف فيه ناس قلوبها مليانه الهة غير ربنا..
▫️للاسف فيه ناس كتير مننا قلوبها بتعبد الفلوس !!
▫️وناس قلوبها بتعبد النساء !!
▫️وناس قلوبها بتعبد المناصب !!
▫️وناس .. وناس !! ربنا يعافينا جميعا !!
👈اوعي وقت الصلاة تفضل أي حاجة علي انك تستجيب لربك ، أحسن عياذا بالله هتكون عبد للحاجة دي وتعيش تعيس طول عمرك !!
🍃قال رسول الله صل الله عليه وسلم : " تعس عبد الدينار وعبد الدرهم وعبد الخمصية ان اعطي رضي وان لم يعط سخط تعس وانتكس واذا شيك فلا انتقش "
👈عبد الدينار والدرهم : مش معناها انه بيركع ويسجد للدينار والدرهم ولكن معناها ان قلبه متعلق بالفلوس ومتاع الدنيا لدرجة انه اصبح أسير وعبد لها ! فيصبح ويمسي وهي همه وينام ويقوم وهي ف قلبه !
🍃فالنبي بيدعو علي اللي قلبه متعلق باي متعه دنيوية زائلة بالتعاسة ؛
👈 وقال إنه هيعيش تعيس وهيهلك وهيضيع ؛ هيعيش تعيس ف الدنيا وفي الاخرة لانه باع دينه بدنياه وفي الاخر برده مش هياخد من الدنيا غير اللي ربنا قسمه له !!
▫️(الخميصة : نوع من الثياب )
▫️( شيك : يعني دخلت في جسمه شوكه )
▫️(انتقش : يعني استخدم المنقاش لاخراج الشوكة )
🍃والنبي بيدعو عليه ف اخر الحديث انه يوصل بيه العجز إنه لو دخلت ف رجله شوكه ميقدرش يطلعها وده يخليه يقعدوميقدرش يشتغل ولايتمتع ويتالم ويتحرم من الحاجات اللي قلبه بيعبدها !
👈بالله عليك أوعي تكون الشخص ده !! والا هتعيش تعيس طول عمرك !!
🍃اشهد ان لا اله الا الله " شهادة تستشعر وانت بتقولها أعظم نعمة من نعم ربنا عليك نعمة الاسلام والعبودية لله وحده ..
👈أصل كان ممكن تكون بتعبد المسيح أو مجوسي بتعبد النار او بتعيد البقرة !!
👈أصل كان ممكن تكوني دلوقتي يااختي بتسجدي لصنم او بتعبدي فار !!!
👈ولكن ربنا سبحانه وتعالي كرمنا وشرفنا وانعم علينا التوحيد والعبوديه له وحده لا شريك له ..
🍃ياااااااااااه لو استشعرنا حجم النعمة دي وقيمتها !!
للاسف نعمة " لا اله الا الله " نعمة كتير من الناس نسيها لانهم ورثوها واخذوها ع الجاهز !!
🌻والله العظيم ياشباب نعمة لا اله لا الله نعمة تتستوجب مننا اننا نمرغ وجوهنا وجباهنا وانوفنا شكرا لله رب العالمين ؛ بس زي ما ربنا قال "وقليل من عبادي الشكور "
🍃ربنا يجعلنا من هولاء القليل ..
بكرة نكمل ان شاء الله ...
متقراش لوحدك خلي غيرك يستفاد انشر وابعت لكل احبابك 😊
🌸🌸🌸🌸
#جنة_الدنيا
صلوا علي من ياتي يوم القيامه ويقول امتي
لااله الا انت سبحانك اني كنت من الظالمين
