جنة الدنيا

"10"

صلوا علي الحبيب

*السلسلة الرائعه 🌸 جنة الدنيا 🌸*

⏳الحلقه 10⏳🌻سلسلة تأخذ قلبك أكثر إلي الصلاة 🌻

🍥 وبعد ماخلصت وضوء وصليت السنه عينك وقعت ع شخص رافع ايديه وعمال يدعي ربنا بخشوع افتكرت حديث النبي صل الله عليه وسلم :
"الدعاء بين الاذان والاقامة لا يرد " (صححه الالباني)

🔅 لايرد ؟؟؟ يعني ايه ؟؟
🌻 يعني كل اللي هدعي بيه ربنا هيستجيبه ليا ؟
👈 رفعت إيدك بسرعة علشان تلحق تستغل كل ثانية ف الوقت بين الاذان والاقامة ،وقعدت تدعي ربنا إنه يغفرلك ويتوب عليك ويفرج كروبك ويزيل همومك ويرزقك ويحفظك ويثبتك ..

🌻شوية ولقيت المؤذن بيقيم الصلاة ويقول :
"قد قامت الصلاة .. قد قامت الصلاة "
لقيت قلبك طاير من الفرحة .. قد قامت الصلاة ؟
يعني اخيرا هقابل الملك عز وجل !
حسيت باحساس المحُب المُشتاق لحبيبه .. اللي هيموت ويقابله ويكلمه .. 

🌻لحقت مكان ف الصف الاول بفضل الله .. واستخدمت السواك وطهرت فمك ، ووقفت وانت عينك ف الارض ف سكينة ووقار وذل وانكسار ..
انت دلوقتي واقف قدام الملك العظيم الكبير المتعال ! والأخت في بيتها علي سجادتها وفي مكانها االي بتحب تصلي فيه..

🍃 إنت دلوقتي واقف بين يدي الملك من خضعت له السماوات والارض ومن فيهن ، وعنت له الوجوه وخضعت له الرقاب ،وذلت له الجبابرة !

🌻قال رسول الله " ان الله أمركم بالصلاة ، فاذا صليتم فلا تلتفتوا ، فان الله ينصب وجهه لوجه عبده ف صلاته ما لم يلتفت "
▫️انت متخيل الموقف ده وحاسس بيه ؟؟؟
▫️متخيل يعني ايه تكون بين يدي ملك الملوك ؟؟
▫️متخيلة يعني إيه الله ينصب وجه لوجك ؟؟
▫️متخيلين الموقف بقلوبكم ؟؟؟

🌻انت دلوقتي هتناجي الملك وتكلمه .. معقول ؟؟؟ أيوه معقول ..
👈 قال رسول اله صل الله عليه وسلم :
"إن أحدكم اذا قام يصلي إنما يناجي ربه فلينظر كيف يناجيه "
✅ يعني لازم تستحضر عظمة ربنا ف قلبك وتخشع بين ايديه وانت داخل تصلي ..

🌻كان احد السلف الصالح اذا توضا ليصلي ، اصفر وجهه وارتعش جسده وتصيب عرقا !! فقيل له : لماذا كل ذلك ؟
فقال : أتعلمون بين يدي من ساقف ؟؟؟
انت عارف انت واقف بين يدي مين ف الصلاة ؟؟
انتي عارفة انتي واقفة بين يدي مين ف الصلاة ؟؟
والله العظيم ما احنل عارفين قدر ربنا الملك !!!
قال الله " وما قدروا  الله حق قدره "
ااااه لو عرفت بقلبك انت واقف بين ايدين مين ؟؟
مستحيل قلبك هيلتفت لاي شي من امور الدنيا..

💮رفعت إيدك بعد الإمام كبر وقولت "الله أكبر"
🌻 بعد ما سمعت الله أكبر في الأذان ورددتها مع المؤذن تاني بتقولها دلوقتي وهتقولها ف تكبيرات الانتقال ف كل ركعة من ركعات الصلاة!! وده لأن كلمة الله أكبر بتزلزل الدنيا وشهواتها جوه قلبك.
▫️فانت محتاج كل شويه تجدد العهد ف قلبك إنك يارب أكبر من كل شي علشان متسرحش ف الدنيا وما فيها

▫️وكمان استشعر إنك وانت بترفع إيدك وتكبر كأنك بترمي الدنيا كلها ورا ظهرك.. لأن مينفعش تبقي واقف بين يدي ملك الملوك وقلبك مشغول بدنيا لا تساوي عند الملك جناح بعوضة..

🔅بدأت تستحضر قلبك وتستجمع معاني الموقف اللي إنت فيه دلوقتي بين يدي الله عز وجل..

🔅وبدات تقول دعاء الاستفتاح وله صيغ كتير منها *" سبحانك اللهم وبحمدك وتبارك اسمك وتعالى جدك ولا إله غيرك"*
▫️كما قال رسول الله -صلى الله عليه وسلم- : "إن أحب الكلام إلى الله أن يقول العبد: سبحانك اللهم" _ اللهم باعد بيني وبين خطاياي كما باعدت بين المشرق والمغرب، اللهم نقني من خطاياي كما ينقى الثوب الأبيض من الدنس، اللهم اغسلني من خطاياي بالماء والثلج والبرد.

▫️لو تألمت الدعاء  ده.. هتلاقي أن أول حاجة بتستفتح بيها صلاتك ومناجاتك مع الملك هي الاعتراف بالضعف والاقرار  والمعاصي وبعدين بتستعيذ بالله من الشيطان.. وبتقول "أعوذ بالله السميع العليم من الشيطان الرجيم من همزة ونفخه ونفثه"

🌻معاني الاستعاذة :
▫️أعوذ :ألجأ واحتمي واستجير واعتصم
▫️الرجيم :الملعون المطرود من رحمةالله
▫️همزة :وسوسته  نفخه: كبره   ونفثه :سحره 
👈ولتاني مرة بتعترف بضعفك وكأنك بعد طلبت من ربنا مغفرة الذنوب وقلت يارب ابعدني عنها
▫️وبعد الاستعاذة.. بدات تقرأ الفاتحة كلنا حافظنها ومع ذلك كتير مننا مش عارفين ولاحاسين بمعانيها .

👈نكمل الحلقة اللي جاي ان شاء الله 🌻
🌸🌸🌸🌸
#جنة_الدنيا