يوم جديد على ابطالي
الجد عبدالرحمن: يلاه ياعيال يلاه الصلاه الصلاه
جو العيال يركضون راكان: جينا جينا ياجد
الجد عبدالرحمن: وينكم من اليوم وانا ازهم بكم؟
انتو ماتحوون ولا مابكم طب
راكان بهمس للعيال: ابلش بيمسكها علينا سعود رفس راكان : اعقل راكان: احح طيب طيب بشويش
ابو سعود: يلاه عايض وجاسر بطريق هم وعيالهم
الجد عبدالرحمن: وعلي؟ ابو سعود: علي بيجي بعد الصلاه مير خلونا نلحق قبل نفوت الجماعه
الجد عبدالرحمن: يلاه يلاه يانوره يانوره
الجده نوره: سم ياخالد
الجد عبدالرحمن: زهبو الفطور لين نأتيكم بنروح نصلي وبنجي وترا عايض وجاسر وعلي جايين بطريق علمي البنات وضبطو اموركم
الجده نوره؛ صدق والله ياالله انك تحييهم ابشر ابشر مير انتو اقضو علينا
الجد عبدالرحمن: طيب فمان الله
الجده نوره: في حفظه ورعاه وانتبه لنفسك
الجد عبدالرحمن: ابشري
طلعت الجده نوره ولقت النسوان والبنات بلمطبخ
والي هم
سلوى وهيام وعبير وسلمى وام سعود وغيوم
الجده نوره: يابنات اسمعن عمامكم بطريق عجلن ونضفن البيت والحوش وبيت الشعر والي حوله
عببير: على هلخشم قومو يلاه يبنات ورانا شغل
سلوى: اي والله قومو قومو
سلمى: ياجده وش وله يجون هلحين هذانا نساعد امي بطبخ
الجده نوره: بنت ارفعي علومش هذول اعمامش
ام سعود: معليش منها عمه مغير تهذي
سلمى: يمهه 😳
البنات طاحو ضحك
سلمى: وجع وجع انتي وياها مايضحك ياشينكم بس
غيوم: يلاه يبنات قبل يجي جدي يلاه
الجده نوره: ايوه يلاه قدامي اشوف
قاموو البنات ينظفون بشغف الين خلصو حرفيا جات الجده نوره: يازين بناتي يازينم يناه
البنات بصوت واحد: احلى سنع وطاحووو ضحك
تسريع في الاحداث
5:6
المغرب
الحريم مشغولات بتجهيز والبنات يسلمووون على بعض ويرحبون ببعض
سعود رجع البيت ودخل من الباب الخلفي ورقى لجناحه
دخل الجناح وكان هادي مااستغرب لانه فكر ان غيوم تحت تساعد لكن غيوم كانت موجوده بس بغرفة الملابس
حط سعود جواله ودخل الحمام كانت غيوم بتطلع بس اهتز جوال سعود واتجهت غيوم تحسبه جواله
ومسكته وكان واضح على الشاشه مسج من رقم مو مسجل اسمه ومكتوب: ابطيتت علي يابعد حيي!!! انصدمت ورجعت الجوال بسرعه وهي من الصدمه بغت تطيح بس جلست على السرير وهي تاخذ نفس وتقول في نفسها: لا يربي لا يربي وش الي شافته عيني لا مقدر مقدر اصدق فيك ياسعود مقدر وطلعت وهي تدعي ان الي شافته مو صح ابد
