صباح اليوم جديد
الجد عبدالرحمن والجد محمد قامو يقومون العيال وراحو كلهم لصلاه
والجده نوره راحت تقوم النسوان والبنات صحو من بدري صلو وبدوا يسوون فطور
سلمى تغني: لا لا والله مااعيش انا من دونك لا لا والله مااعيش انا من دونك وتروح وتجي وهي تغني
دقتها عبير
سلمى: اي وجع وش فيش
عبير: وشوله تغنين مع الصبح اقري اذاكارش وسبحي واستغفري
سلمى: صح بس ياحياتي قد سويت كل شي قولش اني مثلش ولفت بضحك
عبير: استغفرالله بس
رجعو الرجال من الصلاه وكان الفطور جاهز تجمعو الكل على الفطور وكان برا فيه حاجز بين الرجال والنسوان ويفطورن ويتغدون ويتعشون بذاك المكان لانه حلو ومريح والجو يهبل ويمدي البنات الي يتغطون ياخذون راحتهم والي مايتغطون يروحون عند الجد ويفطرون معه
اجتمع الكل والنسوان مع بعض والبنات مع بعض
جات سلمى وهي تغني تحسب الرجال مابعد جو
وهم كلهم موجودين
سلمى: ودي اكمل حياتي وانشغل في حب ذاتي والله لو قربك غناتي نفسي ماترضى المهونه نفسي ما نفسي ما نفسي ماترضى المهوووونه
الجد محمد: وجعاه ياسليم
سلمى شهقت: اسفه يجد مادريت انكم جيتو
العيال يضحكون بصمت
عبير بهمس: تستاهلين قلت لش اصبحي من الاغاني وعييتي القمي القمي
ندى: اي والله وانا انكسرت يدي وانا ااشر لش
سلمى: وش فيه ماهم اغراب اول مره يسمعون بنت تغني اف
الجد نوره سمعتها وقالت: يبنتي ماهم اغراب صح بس ماهم محارمش وصوتش عوره ووطي حسش عشان العصا ماتلعب
سلمى بصوت يسمعه الكل: اي والله العصا مايجيها اللعب الا على ظهري وين جدي حبيبي عبود
الجد عبدالرحمن: موجود ياسلوم موجود لحد يكلمها خلوها براحتها كل شي الا سلوم
سلمى بفرح: الله يجعل يومي قبل يومك ياعبود
الجده نوره: بنت وش عبود قولي ياجد استحي
ترف بصدمه: اوب اوب جدتي تغارين
ضحكو البنات والعيال واستوعبت ترف انها جابت العيد وانسدحت تضحك معهم
سعود: حدكم على نوير لبى كبدها
الجد عبدالرحمن: سعود ماودك تمسي لا تسميها نوير
محد يسميها كذا الا انا
سلطان: اللعب ياالجد القيور وشوله هههههههههه
الجد محمد: سمو سمو ولا يكثر
