في المستشفى
بعد ما طاح سعود على العيال ركبو له مغذي وكان ضغطه مرتفع ودقات قلبه ضعيفه ما مرت نص ساعه
وقام سعود وكان عنده رعد وابوسعود
صحت غيوم وناظرت بسعود الي كان معرق وواضح عليه انه يشوف كابوس قربت منه وحطت ايدها على راسه وبصوت شبه عالي قالت: سعود سعود سعود
كان سعود يرجف ويتكلم بكلام مو مفهوم فتح عيونه وفز وقال: غييوم غيوم انتي هنا وابتسم وكمل: مو حلم او كان حلم انتي مامتي ماتركتيني
قربت غيوم منه اكثر وحضنته وقالت: حلم حلم يابعد حيي انت
انهار سعود وهو يشد على حضن غيوم ويبكي مو مصدق انها فعلا عايشه
في غرفة سيام مسكت جوالها وارسلت: سلام عليكم
اخبارك طمني عنك ترا قلبي يوجعني لياغبت دقايق ورد: وعليكم السلام ورحمة الله وبركاته والله اني بعد رسالتش بخير يابعد قلبي انتي ابتسمت سيام وقالت بتسأول: صليت؟ رد: الحمدلله وانتي؟ ردت: تقبل الله منا ومنكم الحمدلله توني خلصت صلاه
رد: تقبل الله يابعدي حيي واخبارش علومش طمنيني كيف الاحوال ردت: والله الحمدلله بخير كلنا رد: جعله دوم يارب اسمعي ياقلبي خليش هنا شوي وراجع ترا والله مشتاق بلحيل
ردت: من عيوني تعال انت بس رد: بتطلعين لي ليا جيتكم؟ ضحكت وطاحت على السرير وردت: احلام عصر وربي ههههههههههههه قصدي بنتظرك الين ترجع هنا رد: 🤦🏻♂️استانست الله يهديش ردت: ليا خطبنا طلعت لك حتى بلحلم انت اخطب وازهلها😌 رد: اكيد اكيد انتي بس اصبري علي والوضع يزين وان شاءلله الملكه والزواج مع بعض انفجعت: منجدك؟
رد: اي والله من جديي ردت: عز الله منت صاحي
رد: اولهه وليه 🤣 ردت: ابغى الزواج لحال والملكه لحال رد: من عيوني ردت بسحى: جعلني فدوه لعيونك
في المستشفى طلعو غيوم وقالت ماراح تروح الا بعد ماتتطمن على جدانها ووافق سعود بدون نقاش
سعود: هابشرو وش صار على جدي عبدالرحمن وجدي محمد
رعد:ابشرك بخير يبيلهم اسبوعين وعليها وبيطلعون
سعود: الحمدلله اجل هذا اذا بقو بلمستشفى
ضحك رعد: اي والله ماظنتي بيبقون امش نشوف وش صار عليهم صدق
تسريع بسيط
الاجداد طلعو من المستشفى بعد اسبوع لن مارضو يبقون والحريم يجهزون لحفلة الخروج والتحمد بسلامه لهم ولغيوم وصار وقت العزيمه وهو اليوم
ام سعود: بنات اخلصن الرجال على وصول وانتي ياعبير الكراتين برا يبنتي ماجبتيها؟
عبير وهي مختبصه: رايحه يمه اجيبها سلمى: بجي معش اصبري
ام مشعل: بناتس ياام سعود يوسعن الصدر وذهبات
ابتسمت ام سعود: ماعلى بنتش زود ياشجون
