صباح يوم جديد
نراجع احداث البارت السابق للي نسى والي مافيه حيل يرجع يقراى البارتات (واضح اني مدلعتكم مالكم علي حكى 😌)
في البارتات الي راحت نذكر ان الجد عبد الراحمن عرف اهل اخوه سعود وان غيوم تكون حفيدة اخوه سعود وعرف بعد ان سعود متوفي وقرر ترجع العائلات تتلم الى عائله وحده ونذكر بعد ان غيوم كشفت سر من اسرار زوجها سعود وطلبت منه الطلاق ونذكر بعد ان فيه مجهوله تحاول تقتل غيوم عشان ورثها الي تركه لها شخص بنعرفه بعدين ونذكر بعد المجهول الثاني والي هو مهووس وله دور اساسي في الروايه وجوري زوجة سعود الثانيه والخدامه الي ساعدتها وهل ياترى جوري تعرف المجهول الثاني اول لا راح نعرف كل هذا بل البارتات الجايه استعدو لها
كانت جالسه تهوجس مهي معهم ابد دخلت عليها الجده وطلبت من البنات يرحون راحو البنات وهي انتبهت لنظرات جدتها
الجده: بنتي يغيوم ادري وش ودش ووش تهوجسين بوه لكن وانا امك الكل يغلط ومحد معصوم من الخطأ وانا ادري وش كنتي بتقولين جدتش مزنه مهي براضيه بلي يصير لكن صدقيني لو هي هنيا كان قالت نفس الي بقوله لش انتي ادرى بزوجش وبمصلحتش معه وانا مااقول ذا الكلام لنه حفيدي لا والله اقول الصدق جدش لو تزوج علي ماتركته بطفشه بحياته واجلس على قلبه لكن مستحيل اخلي احد يحل مكاني هذا وانا عندي عيال وبنات الزواج ماهو لعب ياامك فكري زين واستخيري وكلمت طلقني مهي سهله وترى جدش قالي كل شي سعود مغصوب على الزواج اغصبه ابوه عشانه تزوجش بسر
وانا يمك والله لو ادري مااخليه يتم بس الي صار صار والحين حن بلمهم خليش عاقله وانا امش والله اني اعدش من بناتي واعتبرش اغلاهم مانمت وانا افكر فيش فا ياحبيبتي شوفي وش الي يريحش وسويه وحن ماراح نغصبش على شي وكل شي خيره وقسمه ونصيب
ناضرت جدتها وقالت: بس انا ماعاد ابيه يمه ماابيه
ابتسمت الجده وقالت: كذوب الا تبينه وتموتين فيه والكل يدري الا انتي يعني انتي تبيه يروح لها ويطلقش
هزت غيوم راسها معبره عن رفضها: لا والله بس
الجده: لا بس ولا غيره والله ان جدش ماكله الندم خافي الله في نفسش ولاتتعبينها ترا والله البعد والفراق شي شين وانا امك استخيري وشوفي والحين نامي ورانا سفر بكره تصبحين على خير يابعدهم وغمزت
فهمت غيوم كلمت جدتها وابتسمت وودعتها ونامت او حاولت تنام
سعود رجع هو ورعد بعد فتره ونامو لن الوقت تاخر
الا قلبين مانامو سعود&غيوم غيوم كانت تفكر بسعود وسعود كان يفكر بغيوم ومانامو الا متأخّر
عند سعود
الو وعليكم السلام ورحمة الله وبركاته وش تبين؟
جوري: سعود وش فيك صبح علي
سعود استغفر ربه وتنهد مهما كان هاذي زوجته: صباح الخير ياجوري
