يوم جديد على ابطالي
تجمعو الكل في صباح اليوم الثاني منهم الي نام
وهو يفكر ومنهم الي مااهتم ونام والحين صار
الوقت الي بيقول الجد عبدالرحمن الي بيقوله
كان الكل جالس حول الجد عبدالرحمن النسوان على اليمين والرجال على اليسار منتظرين وساكتين
تنحنح الجد عبدالرحمن والتفت لنسوان وقال: غيوم
موجوده يانوره اهتز قلب غيوم وهي حاسه من امس ان الموضوع مايطمن ابد
الجده نوره: ايوه موجوده ياعبدالرحمن
الجد عبدالرحمن: يابنتي اسمعي زين الي بقوله واذكري الله
سعود: ياجد اذا الموضوع يخص غيوم قولها لحالها
الجد عبدالرحمن: لونه يخصها لحالها ماجمعتكم وانت اولهم
سلطان التفت لسعود وقال: ايوه ايوه اسكت خلنا نسمع اسلم اسلم ياجد
الجد عبدالرحمن: صلو على النبي الكل صلى وبعدها قال الجد عبدالرحمن: انا ماجمعتكم اليوم ومن الصباح الا وفيه شي مهم ابيكم تعرفونه والي هو
اخذ الجد نفس وقال: كان لي انا ومحمد اخو كنا ثلاثه اخوان عشنا مع وكبرنا بجور بعض لكن الي صار حصل وربي كتب نفترق افترقنا انا ومحمد عنه
تركنا بسبب قديم قديم عن سرقه وماسرقه الا بقوله انت ياصالح عارضت زواج سعود بغيوم لانها مهي منا وانا بعد عارضته بس الي ماتعرفه اني انا عارضت الزواج لان البنت الي متزوجها ولدك سعود والتفت الجد لغيوم وكمل: هي حفيدت سعود الي هو اخوي الثالث
شهقت غيوم والبنات كلهم من كلام الجد
ابو سعود: يبه وش تقول يعني غيوم بنت ولد عمي
الجد عبدالرحمن: ايوه سعود اخوي تركنا من سنين وصار عنده اهل وانا من شوقي وحبي له طلبتك تسمي سعود ولدك على اسم اخوي الكبير سعود
وللحين وانا انتظر خبر عنه ولا قدرت اجيب وابي بنتي غيوم تقولي وينه ووشصار عليه
الكل ناظر فغيوم ينتظرون منها رد
الجد عبدالرحمن: تكفين يابنتي قولي لي وش صار على جدش سعود؟
استغربو الكل سكوت غيوم وانصدمو لما سمعو شهقاتها المكتومه واخيرا نطقت غيوم وقالت: بس جدي جدي توفى ياجد توفى وانهارت تبكي
الكل شهق من الصدمه صدمات متتاليه تضرب بصدر سعود وقلبه والكل خايف ومصدوم
الجد عبدالرحمن: وشوووو مات؟ سعود مات راح الجد عبدالرحمن عند غيوم وقال: تكفين يابنتي قولي غير ذا الكلام العيال لاحظو رجفت جدهم وفز سعود يمسكه وهو باقي بصدمته غيوم باست راس الجد عبدالرحمن وقالت وهي تبكي: جدي سعود عطاك عمره من 3سنين ياجد ادعيله برحمه ياجد ادعيله وحضنت الجد الي اغمى عليه من الصدمه فز الجد محمد لخوه و الكل قام يشيله
