تابع ..
شذى بالجوال : وش فيك قمتي اقل شي كان جاملتيها بكمله ، ماعرفتك وانتي قليلة ذوق كذا !
ليان : شوف من يتكلم عن قلة الذوق اقل شي احشمي نفسك انتي وهي وبطلو حركات قدامي !
شذى : ليان لا تلفين وتدورين ادري مو انا السبب !
ليان : انتي وديالا خربتوا حياتي كل شي صار رمادي بعيني ..
"قامت شذى وراحت ل ليان والكل كان لاهي مع ايلين اللي يسولف معها واللي يبارك لها "
شذى بالجوال : انا عند الباب افتحي .
" ليان بخطوات ثقيله فتحت الباب ورجعت جلست ع طرف السرير "
شذى : اذا انتي تشوفين حياتك خربت ف إنتي خربتيها بيدك ، كنت ابي انفصال بدون ضجه وحتى علاقتي مع ديالا م كنت متوقعه تستمر لين سويتي حركتك بالمنتجع .
ليان وعيونها ع الارض : انك ترفعيني للسماء ثم بدون مقدمات تبين علاقتنا تنتهي ..
شذى توقف قدامها : انا غلطت والف مره اعتذرت عن الطريقه اللي عرفتي فيها لكن حاولت أفتح موضوع انو ناخذ بريك من بعض تغيرين الموضوع لين الصبر عندي خلص !
ليان : لان م كان في داعي الا عشان تنفصلين عني حبه حبه !
شذى : تعلقك الزايد فيني كان ياذيك وانتي عارفه وش اقصد ، حياتك وسلامتك اهم من وجودي معك .
ليان بحده : خايفه علي من نفسك ! طيب فهمت انتهينا مابي اسمعك اطلعي من غرفتي !
"شذى قربت من ليان وضمتها بقوه "
ليان : تضميني بعد م كسرتيني وخربتي بيني وبين اختي !
شذى : لو ما كانت ديالا بتكون غيرها وبتكرهينها بنفس المقدار ..
ليان وهي تدف شذى : لا تبررين قباحة تصرفك اعرف ديالا من كنت صغيره كنت اشوفها نفس اختي مالك حق تختارين شخص كان قريب مني وتحطينه مكاني مالك حق شذى !
" نرجع ل ايلين "
جوري : على طاري الحفلات متى بنخطط لحفلة تخرج شوشو ؟!
ريما : والله انك قليلة ادب واسيل طيب !
جوري : اسيل م تبي قالت !
ديالا : حتى شذى م تبي حذرتني منكم انو بتكلموني عشان تخططون لحفله بس انا مابسمع كلامها وبسوي حفله .
ايلين : انا بحترم قرار اسيل هي لين م حبت الشي مره يبين انه مو عاجبها !
جوري : ف عشان كذا قلت شذى لان اعرف اسيل م تحب نسوي عكس اللي تبيه !
ريما : طيب كيفكم بس هم وينهم اسيل و شذى !
ايلين : اسيل راحت الحمام .
ديالا : وشذى م قالت شي .
ايلين : انا بشوف ليان وارجع .
" توجهت ايلين للدور الثاني من الدرج لغرفة ليان دقت الباب ثلاث مرات ولما م سمعت اجابه مشت "
" بعدها بثواني انفتح الباب لفت ايلين وبانت ملامح صدمه ع وجهها "
شذى : قبل تتكلمين م كنا نسوي شي ، بس استغربت ردة فعلها ورحت اعرف وش فيها .
ايلين : م يحتاج تبررين مستحيل اظن فيك كذا ..
شذى : م شفتي ملامح وجهك لما شفتيني ، عموما ابي اقولك شي بس مابي تسمعني تعالي تحت .
أنت تقرأ
بذرة سيئه.
Contoلنتخيل أنك تسير في مكان عام وصادفَ وأن وقعت عيناك على أحد المارة حتَّى تصلَّبت عيناكَ في موضعها نحو شخص ما، هل يكون الانجذاب الواقع هُنا مبني على أسباب ودراية عميقة بأحوال ذاك الشخص أم أنَّه فقط مجرد انجذاب ضحل لا يعكس شيئاً سوى أنك رأيت هذا الشخص م...
