" مرت خمس ايام بسرعه واسيل كانت تتواصل مع الكل بشكل يومي والكل بدا يتأقلم من جهه ثانيه ديالا كانت مخيم عليها الزعل من بعد اخر حوار دار بينها وبين ايلين "
" قبل ٢٤ ساعه "
ديالا تلف راسها وتعقد حواجبها : ... انتي م كنتي بجده !؟ .
ايلين وهي تتكلم بسرعه : ببدل ملابسي واجيك ابي اكلمك بموضوع ..
" ديالا كملت لين وصلت غرفتها وتركت الباب مفتوح وجلست ع الكرسي "
" بعدها بدقيقه جت ايلين وسكرت الباب وجلست قدامها "
ديالا باسلوب بارد : وش فيك ؟
ايلين : تذكرين لما قلت لك بروح جده عشان شغل .. م كان شغل كنت ابي اتاكد من شي ..
ديالا : ..
ايلين وصوتها يرجف : ماعرف كيف اقولك ..
ديالا : احد تعبان ابوك فيه شي ؟
ايلين تهز راسها بالنفي : ابوي عنده مشاريع وهميه موجوده بس ع الورق .. يطلع منها مبالغ مو منطقيه ، والاسوء من هذا كله .. ( انقطع صوتها وصارت تنزل دموعها )
" ديالا عينها ع ايلين وتحاول انها م تضعف وتتعاطف معها بس بعد ثواني قامت وجلست جنبها وضمتها "
ايلين وصوتها متقطع : .. يخليني اوقع كانه انا صاحبة هالمشاريع .. كيف قدر يسوي كذا ف بنته !
ديالا : بلغي عليه وش تنتظرين مو شفتي هالاشياء بعينك تقدرين تجيبينها دليل ع كلامك صح ؟
ايلين ترفع راسها عن ديالا : كيف تبيني ابلغ على ابوي ، اكثر شي زعلني انه وعدنا يترك هالشي كيف وكذب علينا كل هالسنين ..
ديالا بعصبيه : وكنتي تعرفين !؟ اللي قاعد يسويه جريمه م تدرين كم عائله انضرت بسببه !!
ايلين : ماقدر ديالا ماقدر لو بلغت عليه بطيح معه !
ديالا : يعني وش ناويه تسوين قولي لي بتتركينه يكمل ؟
ايلين : بروح اتكلم معه مابي يدخل ولا ريال من فلوسه للفندق .
ديالا تمسك وجه ايلين وتلفه عليها : ايلين اعرف انك خايفه ومن حقك بس برضو مو منطقي بعد م عرفتي م تسوين شي !
ايلين توقف : ديالا عارفه وجهة نظرك خليني اتكلم معه اول بعدها بسوي الشي الصح ..
ديالا توقف وتجي قدامها : كل شخص انضحك عليه ف رقبتك اذا م بلغتي على ابوك راح تتحملين ذنبهم لانك الوحيده اللي عندك دليل !
أنت تقرأ
بذرة سيئه.
Kort verhaalلنتخيل أنك تسير في مكان عام وصادفَ وأن وقعت عيناك على أحد المارة حتَّى تصلَّبت عيناكَ في موضعها نحو شخص ما، هل يكون الانجذاب الواقع هُنا مبني على أسباب ودراية عميقة بأحوال ذاك الشخص أم أنَّه فقط مجرد انجذاب ضحل لا يعكس شيئاً سوى أنك رأيت هذا الشخص م...
