زهـور مـيـتـه

الزهره الثانيه

#زهور_ميته
•بقلم ام البنين نعيم
°الحلقه الثانيه
......................................................................................................................

حياه:

وره كم يوم ابوي راح لشيخ عشيرتنا وحجه وياه علمود يروح يرجع امي وهوا مكال شيء اخذ شيوخ وراح وبوقتها اني واسيل نضفنه لغرفه وسبحنا اخواني ونعدل نفسنه وكل اشوي وحده طالعه تباوع يم باب شارع تشوفهم مااجو

حياه :اكلج خاف امي ماقبلت ترجع

اسيل :مستحيل تلكيها هيه مكيفه اكثر من عدنا

حياه :لعد ليش هيج تاخرو

اسيل :هسه يجون

سكتت عنها وبقيت انتضر اتاخرو كلش الا رجعو لشيوخ وياهم امي من شفنا امنا وياهم  صرنا مثل لطيور لمحبوسه بقفص سنوات وفجاه اطلق صاحبهم صراحهم حتى نرحع نحلق ونطير رحنا نركض عليها نحضن ونبوس بيها وهيه فرحانه كلش بينه وبشتياقنا

دخلنا جوا بيبي وعماتي ماعاجبهن وضايجات لان امي رجعت وبوقتها عزلنا اكلنا وحدنا لان امي شارطه عليهم انو محد يتعرض الها ومحد يحجي وياهه وماتاكل وياهم ومحد يدخل بيها ابوي جاب طباخ وكاونتر وحطا بلحوش برا وامي تطبخ بي

كلش جنا فرحانين بامي ورجعتها ودلالها بينه مرت الاشهر والحمدلله بيبي وعماتي ابتعدن عن امي ومالهم علاقه بيها وامي جابت اخر العنقود كرم يلي صار روح ابوي بي ورنيم تغار من عنده رغم رحمان اصغر منها بس متغار منه تغار من كرم

كلما اكبر اشوف واحس بمعاناه امي وتعبها ويانه جانت اسيل تروح ابيت جدي اهل امي وتبقى عدهم واذا تجي تروح لبيت عمي وكاضيتها هيج ماتكعد بلبيت وامي اخواني كلما يكبرون كلما تتعب وياهم اكثر واني من اجي من لمدرسه متقبل اساعدها بس بلعطله واهنا قررت قرار وجان نهائي

وهذا لقرار هوا انو اترك مدرستي وابقه اعاون امي نجحت من السادس ابتدائي وكلت لامي ماداوم بعد بس هيه ماقبلت كالت على اقل شوفي لمتوسطه تعرفي على بنات ماتدري حتى صديقات ماعندي

داومت لخاطر امي لحد نص السنه وبعد ماقبلت اداوم وابوي شعجني انو ابطل رغم امي ماجانت قابله وضليت اساعد امي بكلشي حتى بلطبخ

بيوم جنت توني طالعه من لحمام وكعدت على درج اباوع على طيور جانت دنيا عصر دخل ابوي مستعجل راح حجه وياه امي واشوي وطلعو هوا وامي واسيل ماعرف وين راحو

رنيم :حياه وين راحو امي وابوي واسيل ؟

حياه :شعرفني ماتشوفين ماسئلت ولا شيء