بقلم الكاتبه ام البنين نعيم
.
.
.
لاتنسون تصويت +تعليق +متابعه لحسابي
...........................................................
كنت نايمه فزيت على وجع بكلبي ماشفت احد يمي اخواني وين خليت وكمت اشوف وين راحو اخواني جان اسمع اصوات عاليه كلش
طلعت من لهول شفت باب لشارع مفتوح وكلما اتقرب للباب يعلى لصوت لحد ماوصلت للباب شفت ناس كلش اهواي يم بيتنا ناس تبجي وناس تصرخ تقربت اكثر والكل توجه نضره الي عبالك يردون يعرفون رد فعلي
تقربت اكثر واني ادور بعيوني على اخواني شفت امي كانت بلنص تبجي وتصرخ وعماتي وعمامي كنت تحت صدمه وتسألات اهواي
شديصير اهنا
ليش جاي يبجون
شنو يلي صاير
ليش العالم تباوع عليه
منو هذول لعالم وشعدهم يمنا هسه
اخواني وين
امي ليش منهاره وتبجي
مجنت اعرف شيء ولا افهم شديصير ومتاكده اذا سئلت احد بهذا لوضع محد حيجاوبني ويكلي شنو صار
جنت طفله ماستوعب شنو جاي يصير ولااعرف الموت ولامره احد سولفلي عنه بقيت بس اباوع عليهم وبعد ساعتين او اكثر من هذا صريخ والانهيار اجت سياره فوكاهه صندوق خشب طويل رحت لبت عمي جانت اصغر مني بسنه
:اكلج بطه هذا شنو الصندوق يلي فوك السياره؟
:ياصندوك انته ولج هذا تابوت
:تابوت شنو ؟
:لواحد من يموت يحطو بي
بقيت صافنه بقيت ادور بعقلي الطفولي على لموت شنو لموت اول مره اسمع هاي كلمه بس ماعرف شنو معناها بعدها نزلو التابوت مثل ماكالت بطه ودخلو لبيت جدي دخلت وراهم وكفت يم لباب واشوف امي وعماتي وبيبي شمرن نفسهن على تابوت وعمي لجبير بقيت صافنه يمته اجه من البصره مجاي افتهم شنو جاي يصير
عفتهم وطلعت شفت اخوي موسى واكف يم النخله مالتنا تصير بصف بيتنا كلش ويبجي رحت يما
:موسى ليش تبجي اشبيك
ماجاوبني بس زاد بلبجي عفته ورحت ادور على رحيق رحت للكاع جانت ضلمه تخوف مستحيل رايحه الها رحيق رجعت ابيت جدي لهوسه جانت بلهول بنص لبيت عفتهم وصرت ادور بلغرف على اختي ماشفتها طلعت ورحت لبيتنا
دخلت واصيح رحيق رحيق ماكو صوت دخلت لغرفتنا ماكو احد رحت لغرفه امي شفت رحيق لازمه لعبتها وغافيه وهيه كاعده شكلها يكسر الخاطر
رحت سحبتها على فراش امي وابوي ونومتها عدل وغطيتها وطلعت اشوف موسى مالكيته يم نخله وسياره رايحه والعالم قلت بقن بس عماتي وعمام ابوي بلبيت اني رحت اشوف امي ليش جانت تبجي جان تجي بت عمي جبيره جان عمرها 17سنه
:ايار اختج وين ؟
:نامت جوا ابيتنا
:لعد امشي وياي اخذها لبيتنا ونروح انام سوا
أنت تقرأ
زهـور مـيـتـه
Mistério / Suspenseروايتي من ارض الواقع تتحدث عن امراة قويه وشجاعه تاره وضعيفه وهزيله تاره اخره روايه مشوقه واحداث حزينه تابعو معي الكاتبه :ام البنين نعيم
