زهـور مـيـتـه

الزهره الثالثه

الكاتبه ام البنين نعيم
.
.
.
.
.
.
لاتنسون التصويت +تعليق
استمتعو بلقراءه
...........................................................
حياه:

جهزت لخطوبتي وكملت وقبل لعرس باسبوع رحت لكربلاء وكل هاي لمده اني لاشفت عقيل ولا شافني ولاشي وجنت كلش خايفه من لمستقبل

رحنا لكربلاء انا وامي واسيل ورنيم وبيبتي ام امي شفت بيت اهل عقيل جبير وعدهم بستان كلش جبير وحلو وبيت عمتي اخت ابوي يصير وره بيت اهل عقيل رحنا كعدنا عد عمتي لا اخذوني اجرت بدله ولاشي هما اجرو على ذوقهم امي فقيره ماتحجي ولا اني جنت احجي واشرط عليهم مر هذا لاسبوع اركاض اركاض واجه يوم لحنه سويت لحنه ابيت اهل عقيل

لبست بدله عاديه مستوى واحد بس بيها كتافيات وحده من خوات عقيل هيه يلي حطتلي مكياج
وجانت لحنه ماعرف اشلون اوصفها بس هيلكيه كلش بس بنفس لوقت حلوه هيج حسيتها

ماجابو لامله ولاشي هنا خوات لعريس يغنن اغاني قديمه وجايبات جدوره من لمطبخ يطبلن عليهن واكو من كرايبهم يركصن بنص واني بس كاعده واباوع الهن

خلصت لحنه ورجعت لبيت عمتي رحت كبل سبحت ونمت كعدت ب12بليل بقيت بلفراش وضليت افكر بحياتي لجايه ساعه اكول لو ماخذه بحجي اسيل ورافضه احسلي وساعه اكول يمكن هذا الصح انو وافقت على عقيل لحد مااذن لفجر مانايمه كمت صليت ونمت ساعتين وكعدوني حتى اروح لصالون رحت لصالون حطتلي مكياج وبعدين لبسوني لبدله طلعت كلش جبيره عليه وحجت وياي ام صالون

:هاي شنو غير تكدريها وتجيبها بقياسج

:مادري بيها اصلا لارحت ولاشي هما جابوها عيالي

انصدمت ام صالون بعدين هيه خيطتها من وره وضبتها عدل وبلكوه الا صارت

اجت لزفه لصالون تاخذني طلعت واني لابسه لبرنص فوك لبدله انوب ماقبل عقيل اطلع من صالون الا البس عبايه وصدك جابو عبايه ولبسوني فوك لبدله حسيت نفسي مبهذله وكلشي ماشوف حسيت بي كض ايدي وجنت بس اريد اشوفه ماكو ماكدر لبرنص مغطي وجهي وانوب لعبايه كلشي ماكو صعدت بسياره هوا لازم ايدي جانت ايدي دافيه وهوا ايده بارده ولازم ايدي بكل قوته

ضلت تفتر بينه لسياره واني كلشي ماشفت من زفه وهم هما ماافترو اهواي ورجعوني للبيت دخلني عقيل وطلع ابسرعه شالو مني لعبايه والبرنص وكعدت مستحيه وهنا يركصن ويردحن ويصفكون اجواء عرس قديم

شفت امي واسيل واكفات بلاخير امي تبجي واسيل عيونها حمر

بس صبو لعشه كالو اخذو لعروس لغرفتها اخذتني اخت عقيل وامي واسيل دخلتني للغرفه جانت غرفه صغيره مو جبيره كلش وحلوه نوعا ما

امي بقت توصي بيه وادير بالي على نفسي وعلى رجلي وماعندي بعد غيره بلدنيا بس جانت امي تحجي ومخنوكه بلكوه يطلع لحجي