زهـور مـيـتـه

الزهره الرابعه

بسم الله الرحمان الرحيم

الكاتبه ام البنين نعيم
.
.
.
لاتنسون التصويت +تعليق
...........................................................

حياه :

:عقيلللل ابني ابني وين عقيل وين عفته اريد ابنيييييي

بقيت املخ بنفسي وعقيل يحاول يلزمني مايكدر انهارت اعصابي ودخت طحت بلكاع وجان عقيل يحاول يخليني اهدئ

حضني كدام الكل وهمس باذني

:الله يعوضنا عسى ان تكرهو شيء وهوا خير لكم

:عقيل ابني بعده صغير ماشبعت منا بعدني ماشفته كبر كدام عيوني ولا سمعته يناغي صدري صدري يدر حليب يريده يريد مسلم

بقيت ابجي وهوا يحاول يسكت بيه

:الله يعوضنا حياه الله يعوضنا

اخذني للغرفه واني احس روحي جثه ماصار كم ساعه من راح ابني شبسرعه ذبلت شبسرعه بين فركاك يما

مرت عليه الايام واني احس حياتي توقفت بهذك ليوم المشؤم يلي راح بي ابني جان كلما صدري يدر اكعد ابجي لحد ماامل الى ان جف صدري من لحليب

عمتي جانت كلما تشوفني تضل تحجي

:عياره نسوان هوا طفل هلكدوته بعدج لاشفتي خيره ولاشره وكتلتي نفسج عليه لو شاب شسويتي

:الله يعين ام شهيد ربته وكبرته كدام عيونها وراح وهم مو مثلج

:تموتين على لطم ردتيلج حجه واجتج

:بمكان ماموته روحج عليه ماعرفتي اداري بس وين بيج حيل بس تلطمين بعد ماروحتي لولد

جنت اسكت واشبع قهر بس طلعت الاربعين اخذني عقيل الاهلي جان حساسي ماعرف اوصفه اول مره اروح الاهلي ومافرحانه جنت تعبانه كلش

اهلي مايدرون بموت ابني لان مجان اكو تلفونات وماكو اي شي اتواصل وياهم غير كل كم شهر اروح اضل 10ايام وارجع

وصلت وتلكوني اخواني من لباب فرحانين بيا جنت احسهم يدورن على شي عرفت على ابني ماحجيت شي دخلت ادور على امي واسيل جنت حيل مشتاقه الهن لكيتهن بلمطبخ رحت ركض لحضن امي بس حضنتها وحسيت بالامان ضليت ابجي واشكي الها نفس طفله واخذو لعبتها منها وراحت تشكي لامها

:يماااا يماا راح مسلم وماشبعت منا ماكبر كدام عيني ولا شبعت من ريحته ولا حضنه يماا مسلم دفنو وحرموني منا

امي شهكت بس حضنتني حيل وابدا ماحجت شيء عافتني اطلع كل يلي بداخلي من قهر وهيه جانت بس تستمعلي خلصت بجي حضنت اسيل ورنيم وطلعنا من المطبخ امي طلعت قبلنه اسمعها تحجي وياه عقيل

:الله يعوضكم وليدي

انقهرت كلش بس سكتت وبعدها اسيل صارت تلهيني بسوالف ماخلت واحد ماسولفت عنه لحد مادخت ونمت كعدت العصر لكيت اهلي حاطين عصرونيه وعقيل رايح لبيت اخو عنده اخو متزوج وعايش بلبصره وكلما يجيبني لاهلي يروح الاخو