حبيت الوعد من حبي للرعد

البارت الرابع عشر

|الساعه ١٢ الليل|في القاعه|عند الحريم:-

الوعد وهي ترمي كعبها وتجلس ع الكنب بتعب
الوعد بتعب: اهخخخخ تعبتتتتتتت وش ذاااا
سلمى وهي تجلس جمبها: تكسرت رجيلييييي
ديما: زواج نجهز له من شهر خلص ب 7 ساعات
تالا: يابنتي احمدي ربكك انه 7 ساعات
ديما: صح نسيت
الكل ضحك
ام سعد وهي تقرب: يلا يابناتي بنرجع البيت
الوعد: ليههه
ام سعد: لا يشيخه  شرايك نفرش فرشنا بعد وننام هنا
الوعد: وليه لا
وتخبت ورا اديم وهي تضحك يوم شافت ام سعد ماسكه حذيانها بترميها
الوعد بضحك: وي يا عميمه شفيتس
ام سعد: وشهوو من متى تتكلمين كذا؟
الوعد وهي ترفع فستانها مستعده تجري: من اليوم وراحت وهي تجري بسرعه
ام سعد: بنتت تعالي هنااا
الوعد وهي تصارخ: اممم سورييي بيبييييي
ام سعد: وشهو وش تهرج ذي؟
البنات بضحكه كلهم
الهنوف وهي تحاول تكتم ضحكتها: تقول لك انها تحبك
.
.
عند ناصر يلي طلع وهو يبكي ويفكر بكل شيء كان يعيشه ويتخيله مع مها واسماء اطفالهم كان يحس بالغضب من نفسه كيف ما كان يحس فيها؟ كيف خلاها تلعب بعقله وتفكيره؟ كيف سمح لها تخليه تقلبه ع اهله؟ كيف كيف كييييف
كان يتذكر كل شيء كل شيء من سعاده وحزن
تنهد وهو يمسح دموعه يلي كانت اربع اربع
وقف وهو يشوف الساعه صارت 7الصباح تنهد بضيق وهو يسحب مفاتيحه وشماغه والعقال وهو يتقدم لسيارته ويرميه ركب في الكرسي لكن جاه صداع وهو يتذكر كلام مها
...
قبل3ساعات ونص/جناح ناصر ومها
...
وقف ناصر وهو يحط يده ع قبظة الباب بصدمه من الكلام يلي يسمعه
مها وهي تكلم صديقتها من الجوال: ايييه تخيلي طلع يحبني المهبول... تكفين مسكيننن يضحككك الرجال ميت علي وانا مادريت عنه ولا عن هوا داره
تخيلييي يمد يده ع اخته.... اي اي ذيك يلي قلت لك القويهه..... ايييواه الوععد الكلبه... يبنتييي تخوفنييي وربي...... وربي مرره هبدتني هبد ياختي سري امها ذي كل مازانت الجلسه قامت تهبدني بس لو تشوفين حجمها نتفههه وتهبد ذا نويصر الزفت. اييه اسمعي طبعا بديت من اول يوم زواج كل يوم اسوي مشكله لين ماصاروا يكرهوا ناصر وبعدين رجعنا الديره ذي المهم طبعا سويت للوعد مشكله وهي انه صورتها وهي نايمه مع يزيد وكانت الصور ماتبين وجه يزيد كانت تبين وجهها بوضعيات مب زينه المهم وبعدين خليت روان وحده ذي بعد تكره الوعد ترسلها لقروب العايله المهم العايله اشتطت وقسم بالله ماتشوفين النار تطلع مع اذانيهم الا تطلع مع اصابع رجيلهم بدل اذانيهم المهم وربي ضربوها ضرب كنت احس بالوجع بشكل يااااربيييي وربي من قوة الضرب نزفت وابوها تبرى منها وغير ذا كله مانزلت دمعه وربي اقولك قوتها تخوففف ماينمزح فيها عاد كل اخوانها وقفو ضدها الا الرعد ذا يوقف معها ان كانت ع حق او ع باطل المهم معلينها وبعدين اختفت شهر وهي بغرفتها.... هاااه..... يعععع الله لا يبلانا مالقيتي الا ذا النويصر عشان احبه... يابنتي لا لا مستحيل والله لو انه اخر واحد م احبه انا ابا استغله تخيلي مستحيل اقول شيء وما يجيبه لي حتى الذهب عندي فوق ال٢٩٠ جرام ذهب... يختي مستحيل ذهبي اغلا منه ومن اهله

تنهد ناصر وهو يبعثر شعره بضيق وتنزل دموعه بحرقه وهو يقول بخفوت وحرقه: حسبي الله عليك يامها ورب البيت ماعشقت حد مثل عشقي لك حسبي الله عليككك خسرت ثقتي بالناس..... ک... ڪيف ارجع للبيت كيف اقدر اناضر بعيون اهلي بعد كل شيء سويته فيهم؟ ڪﯾ....ڪيف اناظر بعيون الوعد كيف اقدر كيف كيف؟ الله لا يوفقك يلي ماتخافين ربك وكمل وهو يبكي بحرقه
ويا الله يا ان بكائه وانينه وتحسبه ع مها كان يبكي ويقهر
شعور يقهر انك تعرف انك انخذلت من شخص كنت تحسبه امانك واستئمانك شعور مب هين انك تعرف ان ثلاث سنين من عمرك ضاعت ملح! ثلاث سنين من عمرك طول ذي الفتره كنت تحسب نفسك الشخص السعيد لكن تكتشف ان كل حياتك ضاعت ع الفاضي ناصر ولأول مره يحس بشعور الانخذال حس بشعور الوعد حس بإنكسارها وقهرها حس بضعفها حس بحزنها وصدمتها ابتسم بسخريه وهو يقول: عشت شعورك يالوعد لكن ويين انتي شعورك اسوء واسوء انتي خذلناك حن خذلناك اهلك وسندك انخذلتي من ناس كانو سندك.... لكن..... لكن انا انخذلت من وحده كانت مبينه ع حقيقتها غمضت عيوني عن افعالها لاجل حبي لكن....لكن وش حصدت من ذا الحب ماغير الجروح والالام
تنهد وهو يشوف جواله واتصالات الوعد يلي تعدت ال٢٠اتصال و٥٥ رساله تنهد بضيق وهو يقول: مستحيل حد يحن علي ويخاف علي من بعدك انتي اماني يالوعد وكمل بحرقه مب مها
...
...
في بيت الجد |في الحوش
الكل متجمع ويناظرون في الوعد يلي تدق ع ناصر ويدها ترجف من فكرة ان يصير ل ناصر شيء وهم يلي عرفو ان ناصر طلق مها
الجد: يابنتي اهدي لا يصير لك شيء
الوعد بغصه: ياجد ناصر اخوي لا يصبه شيء مايرد مدري وش فيه
لفوا كلهم لناحية الباب وهم يشوفون ناصر داخل وشعره مبعثر وعيونه مفقعات
فزت الوعد وهي تركض ل ناصر وتضمه بقوه واما بالنسبه ل ناصر يلي ابتسم بالم وحرقه وهو يقول بنفسه: حسبي الله عليك يامها كانك فرقتيني عن الوعد وحنيتها ضمها وانهار يبكي بحرقه وطاح ع ركبه وطاحت الوعد معه وهي يلي فهمت ذا الشيء من مها واما بالنسبه للباقين يلي كانو بحالة صدمه من بكاء ناصر
ناصر ببكاء: ليه يالوعد تسوي فيني كذا والله العظيم حبيتها حب الغريب لبلاده يالوعد لعبت علي وعلى مشاعري يالوعد قسم بالله كنت احبهاا كذبت علي
الوعد:....

انتهى اسفه لان البارت قصير بس ذا يلي قدرت اكتبه واتمنى يلقى حقه