حبيت الوعد من حبي للرعد

البارت الثاني

ايطاليا/روما

بعد ٦ايام
***********
************

دخل الرعد غرفة الوعد ولقاها تجهز شنطها وتلملم اغراضها وهي حاطه السماعه بأذنها وتغني

*يوم كنا صغار في ربوع الدار........ نرسم الأذكار ورد وياسمين....... عازف الأوتار لا تزيد النار....... في القلوب أسرار وأشواق وحنين......*
تقدم الرعد عند الوعد وسحب السماعات
الرعد: اركدي يابنت شفيك متحمسه كذا
الوعد ابتسمت: تكفى يالرعد وربي حماس بشوف جدي وعماني وعماتي
قعد الرعد على السرير: منجد والله حماس....... سكت شوي وقال...... بس تتوقعين بيحبونا؟
الوعد قطبت: كيف يعني مافهمت؟
الرعد لف لها وقال: اقصد بيحبونا انا وانتي وأولاد اخوي فهد؟
الوعد: اي ليه مايحبونا؟
الرعد: لانهم مايعرفونا وبعد انولدنا ببلد اجنبي ف اتوقع بيكون صعب انهم يتعودو علينا مثل اخواني وخواتي الباقيين.
الوعد: معليك ان ماحبونا نخليهم يحبونا
الرعد: ههههههههههههههه تكفين غصب هو
الوعد ضحكت: ايه غصب شفرقنا عن خوانا.... مافيه فرق كلنا انولدنا من نفس البطن
الرعد: ايه صح صح

دخلو يزيد و يزن والجوهره و فيصل  و رائد و ثامر و سعود و هايف  و ديما و جمانه و سديم الغرفه

الرعد بمزح : الله واكبر الحرب العالميه الرابعه ومادرينا  شفيكم قاطين وجيهكم عندنا؟
هايف بمزح: اي ياخوك بدت الحرب وجينا نحذركم
الكل ضحك وسديم يلي تضحك وهي مب فاهمه شيء
ناظرها رائد وقال: ذي لو نموت بتضحك ماعاد تدري على وش تضحك الله يصلحها
سديم: ويصلحك معي يابو شوشه
رائد بقق عيونه وقال: ويلمهاااااا وترد علي ام لسانن
سديم تخبت  ورا الوعد وقالت: إن كانك رجال امسكني انا فوجهك يالوعد
الكل فطسو ضحك على وجه رائد وقال: هيننن ياسديمووه اوريش
جا بيمسكها وقالت الوعد بضحكه: والله انك تخسي تمسها وهي تعزوت فيني
رائد: اقول ابعدي يا ام شبر ونص
الوعد: والله انك تخسي وتعقب تمسها وانا بنت السيف
ثامر: اححححح تعزوت في جدي السيف اجلل والله ورحت فيها يارئد
رائد رفع واحد من حواجبه: هييي ياعمه ابعدي
الوعد بحده: عمت عين عدوينك إن شاء الله والله ان قلتها مرره ثانيه بوريك شيء مايسرك
رائد قمط من نظراتها: وي اشبك ترا امزح شفيك شادتها
سعود وهو منهار ضحك: افاااا يا رائد تخاف منها ماهقيتها منك
رائد: تكفى ياسعود نظراتها تخوف
هايف ميتتتت ضحك والحال مايختلف عن الباقيين
دخل ابو فهد وقال: ياليل انتو مانمتو يلا ارقدوا عشان مانتأخر بكره عن الطياره
قمطو كلهم يوم سمعو صوته خايفين لا يعصب عليهم
يزن: ابشر يبه الحين ننام
ابو فهد: زين يلا شوي واجيكم لا تصيدكم عيني قايمين
الجوهره بخوف: ابشر طال عمرك الحين ننام
طلع ابو فهد
وطلعو الباقيين على غرفهم ينامو وبقى بغرفه الوعد الرعد ورائد وفيصل وثامر  الوعد ناظرتهم وقالت: وانتو وش تبون بعد سياره عشان تنقلعو ولا؟ ناظرها رعد وقال وهو يحاول يستلطفها: تكفيننن ياوعودي تكفين يااغلى اخت بالعالم بننام بغرفتك
الوعد ناظرته بطرف عين وقالت: مافيه لاني اعرفكم بتقعدو تسولفو لين الفجر وبعدها بيجي وقت الطياره ونروح فيها
رائد قال بسرعه: لا لا شدعوه بس نبي نام عندك
تنهدت الوعد: امري لله بس اوكيه نامو
ثامر وفيصل جري لعندها وضموها بقووووه وقالو: والله انك اطلق عمه بالتاريخ
ناظرتهم نظره وقالت الوعد: ايش عيدو ترا ماسمعت
ثامر: لا لا لا ولا شيء
الوعد: اييي حسبت